ການຂະຫຍາຍຕົວຂອງເສດຖະກິດລາວເຕີບໂຕ 6,5% ໃນປີ 2018

00:54 2019/05/13

ບົດລາຍງານການຕິດຕາມເສດຖະກິດຂອງ ສປປ ລາວ ສະບັບຫລ້າສຸດຂອງທະນາຄານໂລກ​ເປີດເຜີຍວ່າ: ການຂະຫຍາຍຕົວຂອງ ເສດຖະກິດຢູ່ ສປປ ລາວ ເຕີບໂຕຢູ່ທີ່ 6,5% ໃນປີ 2018, ຊຶ່ງຫລຸດລົງຈາກ 6,9% ໃນປີ 2017.

ການຂະຫຍາຍຕົວຂອງເສດຖະກິດລາວເຕີບໂຕ 6,5% ໃນປີ 2018
ກອງປະຊຸມກ່ຽວກັບບົດລາຍງານການຕິດຕາມເສດຖະກິດ ຂອງ ສປປ ລາວ (ພາບ: ຂປລ)

ບົດ​ລາຍ​ງານ​ດັ່ງກ່າວ​, ເປີ​ດ​ເຜີຍ​ໃນ​ກອງ​ປະຊຸມໃນ​ວັນ​ທີ 18 ມັງກອນ 2019 ​ໂດຍລະບຸ​ວ່າ: ການ​ຫລຸດ​ລົງຂອງການຂະຫຍາຍຕົວຂອງເສດຖະກິດແມ່ນມາຈາກຫລາຍປັດໄຈທັງພາຍໃນ ແລະ ພາຍນອກເປັນ​ຕົ້ນ​ແມ່ນຜົນກະທົບທາງລົບທີ່ເກີດຈາກບັນຫາໄພນໍ້າຖ້ວມທີ່ສ້າງຄວາມເສຍຫາຍຢ່າງກ້ວາງຂວາງໃນໄລຍະບໍ່ດົນມານີ້. ​ແຕ່​ເຖິງ​ແນວ​ໃດ​ກໍ​ຕາມ, ຂະແໜງກໍ່ສ້າງທີ່ຕິດພັນກັບການສ້າງພື້ນຖານໂຄງລ່າງ, ການສົ່ງອອກໄຟຟ້າ ແລະ ຂະແໜງບໍລິການຍັງຄົງເປັນປັດໄຈຂັບເຄື່ອນສໍາຄັນຕໍ່ການຂະຫຍາຍຕົວຂອງເສດຖະກິດໃນ ປີ  2018.

ທ່ານ ນິໂຄລາ ພອນທາລາ ຫົວໜ້າຫ້ອງການທະນາຄານໂລກປະຈໍາ ສປປ ລາວ ກ່າວວ່າ: ການຂະຫຍາຍຕົວ ຂອງເສດຖະກິດຢູ່ ສປປ ລາວ ຍັງເຂັ້ມແຂງ, ເຊິ່ງລັດຖະບານຍາດໄດ້ຄວາມຄືບໜ້າສໍາຄັນຫລາຍຢ່າງໃນຂົງເຂດການປະຕິຮູບໂດຍສະເພາະການເກັບລາຍຮັບ. ເມື່ອເບິ່ງໄປຂ້າງໜ້າແລ້ວ, ສປປ ລາວ ຄວນລົງທຶນໃສ່ດ້ານມະນຸດເພື່ອເພີ່ມຜະລິດຕະພາບເຊິ່ງຖືເປັນກະແຈສຳຄັນຕໍ່ການສະໜັບສະໜູນການຂະຫຍາຍຕົວຂອງ ເສດຖະກິດໃນໄລຍະຍາວ ແລະ ເຮັດໃຫ້ຄວາມທຸກຍາກຫລຸດລົງຕື່ມອີກ.

ບົດລາຍງານດັ່ງກ່າວຍັງລະບຸຕື່ມ​ວ່າ: ການຂາດດຸນງົບປະມານເຫັນວ່າຫລຸດລົງມາຢູ່ທີ່ 4,7% ຂອງ GDP ໃນປີ 2018 ຈາກ 5,3% ໃນປີ 2017. ​ໃນ​ຂະນະ​ດຽວ​ກັນ, ອັດຕາເງິນເຟີ້​ແມ່ນຢູ່ປະມານ 2,1% ໃນປີ 2018 ຈາກເງິນເຟີ້ສະເລ່ຍທີ່ 0,8% ໃນປີ 2017 ອັນເປັນຍ້ອນລາຄາສະເລ່ຍຂອງສະບຽງອາຫານ ແລະ ລາຄາຂາຍຍ່ອຍນໍ້າມັນທີ່ເພີ່ມສູງຂຶ້ນ ​ແລະ ສ່ວນໜຶ່ງມາຈາກການອ່ອນຄ່າຂອງເງິນກີບທຽບໃສ່ບັນດາສະກຸນເງິນຕາຕ່າງປະເທດທີ່ສໍາຄັນ.

(ແຫຼ່ງ​ຂໍ້​ມູນ​: ຂປລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll