ກອງປະຊຸມເຊື່ອມຊຶມ ມະຕິກອງປະຊຸມຄົບ ຄະນະບໍລິຫານງານ ສູນກາງພັກ ຄັ້ງທີ 6 ອັດລົງດ້ວຍຜົນສຳເລັດ

20:03 2018/07/23

ກອງປະຊຸມເຊື່ອມຊຶມ ມະຕິກອງປະຊຸມຄົບຄະນະ ບໍລິຫານງານສູນກາງພັກ ຄັ້ງທີ 6 ສະໄໝທີ X ຂອງພັກ ໄດ້ອັດລົງດ້ວຍຜົນສຳເລັດ, ເຊິ່ງບັນດາສະຫາຍ ຜູ້ແທນກອງປະຊຸມສ່ວນໃຫຍ່ ໄດ້ໃຫ້ການສະໜັບສະໜູນ ແລະ ຕີລາຄາສູງຕໍ່ບັ້ນເຊື່ອມຊຶມໃນຄັ້ງນີ້.

ກອງປະຊຸມເຊື່ອມຊຶມ ມະຕິກອງປະຊຸມຄົບ ຄະນະບໍລິຫານງານ ສູນກາງພັກ ຄັ້ງທີ 6 ອັດລົງດ້ວຍຜົນສຳເລັດ
ທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນການພັກ ເປັນ​ປະ​ທານ​ທີ່ກອງ​ປະ​ຊຸມ. (ພາບ: ຂ​ປ​ລ)

ໃນກອງປະຊຸມ, ຜູ້ເຂົ້າຮ່ວມໄດ້ເຊື່ອມຊຶມຢ່າງກວມລວມ ໝາກຜົນແຫ່ງການນຳພາຊີ້ນຳຂອງສູນກາງພັກ ກໍຄືຂອງຄະນະພັກແຕ່ລະຂັ້ນ ໃນການຜັນຂະຫຍາຍ ແລະ ຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ X ຂອງພັກ. ໃນໄລຍະຜ່ານມາ, ຕິດພັນກັບການ ເຊື່ອມຊຶມ ບັນຫາຍົກສູງປະສິດທິພາບການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍກໍຄືບັນຫາສຳຄັນກ່ຽວກັບວຽກງານ ພັກ-ພະນັກງານ ເພື່ອກະ ກຽມໃຫ້ແກ່ການດຳເນີນກອງ ປະຊຸມໃຫຍ່ອົງຄະນະພັກແຕ່ລະຂັ້ນ ທີ່ຈະຈັດຂຶ້ນໃນຕໍ່ໜ້ານີ້. ສິ່ງສຳຄັນພວກເຮົາໄດ້ມີຄວາມເປັນເອກະພາບກັນສູງກ່ຽວກັບ ການກຳນົດທິດຜັນຂະຫຍາຍ ຕໍ່ບັນດາບັນຫາສຳຄັນ, ເລັ່ງດ່ວນ ກໍຄືການຊອກຫາທາງອອກ ເພື່ອແກ້ໄຂບັນຫາຕ່າງໆ ທີ່ພວມປະເຊີນໜ້າໃນປັດຈຸບັນ. ເພື່ອສູ້ຊົນສ້າງການຫັນປ່ຽນ ແລະ ສ້າງທ່ວງທ່າທີ່ໜັກແໜ້ນໃຫ້ແກ່ການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງ ທີ X ຂອງພັກ ໃຫ້ປະກົດຜົນເປັນຈິງ.

ຊຶ່ງຕະຫຼອດໄລຍະດຳ ເນີນກອງປະຊຸມບັນດາ ສະຫາຍຜູ້ແທນ ໄດ້ພ້ອມກັນຍົກສູງຄວາມຮັບຜິດຊອບການເມືອງ, ສຸມໃສ່ຄົ້ນຄວ້າ ກໍຄື ເສີມຂະຫຍາຍປະຊາທິປະໄຕ ໃນການປະກອບຄຳຄິດຄຳເຫັນຢ່າງກວ້າງຂວາງ, ກົງໄປກົງມາ, ກ້າເວົ້າ-ກ້າເບິ່ງບັນຫາ ແລະ ຮັບຄວາມຈິງຕໍ່ບັນຫາ ຕ່າງໆຢ່າງເລິກເຊິ່ງ ແລະ ມີຄວາມເປັນເອກະພາບ, ຕັດສິນໃຈແກ້ໄຂບັນຫາລວມຂອງປະເທດຊາດ ກໍຄືບັນຫາທີ່ນອນຢູ່ໃນຂອບເຂດຄວາມຮັບຜິດຊອບຂອງແຕ່ລະອົງຄະນະພັກ ໃຫ້ເຂົ້າສູ່ການກະທຳຕົວຈິງຊຶ່ງ ລ້ວນແຕ່ແມ່ນຄວາມຄອງຄອຍ ແລະ ຄວາມຮຽກຮ້ອງຕ້ອງ ການຂອງປະຊາຊົນ.

ບັນ​ຍາ​ກາດກອງ​ປະ​ຊຸມ.(ພາບ: ຂ​ປ​ລ)

ເພື່ອເປັນບ່ອນອີງໃຫ້ແກ່ ການຈັດຕັ້ງປະຕິບັດວຽກງານ ຕົວຈິງໃນຕໍ່ໜ້າໃຫ້ມີຜົນສຳເລັດ, ທ່ານ ພັນຄຳ ວິພາວັນ ກຳມະການກົມການເມືອງສູນ ກາງພັກ ຜູ້ປະຈຳການຄະນະ ເລຂາທິການສູນກາງພັກ ຫົວໜ້າຄະນະຮັບຜິດຊອບຈັດຕັ້ງ ເຊື່ອມຊຶມມະຕິກອງປະຊຸມຄົບຄະນະຂອງຄະນະບໍລິຫານ ງານສູນກາງພັກ ຄັ້ງທີ 6 ສະ ໄໝທີ X ກໍໄດ້ຍົກໃຫ້ເຫັນ 5 ວຽກໃຫຍ່ທີ່ຈະຕ້ອງແກ້ໄຂ ແລະ ເຮັດໃຫ້ມີຜົນສຳເລັດຄື: 

ໜຶ່ງ, ກ່ຽວກັບບັນຫາເສດຖະກິດ ແມ່ນເລັ່ງໃສ່ແກ້ໄຂຄວາມຊັກຊ້າ, ຄວາມບໍ່ໂປ່ງໃສໃນການດຶງດູດການລົງທຶນ ກໍຄືການສ້າງເງື່ອນໄຂເອື້ອອຳນວຍໃຫ້ແກ່ການຜະລິດ-ທຸລະກິດ, ແກ້ໄຂການຂາດດຸນງົບປະມານ, ຈັດເກັບລາຍຮັບບໍ່ໄດ້ ແລະ ແກ້ໄຂການລະເມີດວິໄນແຜນການ-ການເງິນ, ຫຼຸດຜ່ອນໜີ້ສິນຄຸມເຄືອ ແລະ ເພີ່ມປະສິດທິພາບໃນການຄຸ້ມຄອງ, ນຳໃຊ້ຊັບພະຍາກອນທຳມະຊາດ, ສ້າງແຫຼ່ງລາຍຮັບງົບປະມານ. 

ສອງ, ບັນຫາສັງຄົມ -ວັດທະນະທຳແມ່ນເລັ່ງໃສ່ ຍົກສູງຄຸນນະພາບການສຶກສາ, ປັບປຸງຄຸນນະພາບຂອງແຮງງານລາວ, ການເຂົ້າເຖິງຄຸນນະພາບບໍລິການສາທາລະນະສຸກ ແລະ ແກ້ບັນຫາຢາເສບຕິດ. 

ສາມ, ຕ້ອງເດັດດ່ຽວ ຫັນການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍຢ່າງແຂງແຮງເປັນຕົ້ນແມ່ນບຸກຄະລາກອນການແກ້ໄຂຂອດຂັ້ນໃນ ການບໍລິຫານ-ຄຸ້ມຄອງຂອງລັດ ກໍຄືການສ້າງຄວາມຫຍຸ້ງຍາກໃນການດຳລົງຊີວິດຂອງ ປະຊາຊົນ, ປັບປຸງບົດບາດຄຸ້ມຄອງມະຫາພາກຂອງກະຊວງ, ອົງການຕິດພັນກັບການແບ່ງ ຄວາມຮັບຜິດຊອບ ແລະ ສິດ ຕົກລົງບັນຫາໃຫ້ທ້ອງຖິ່ນ. 

ສີ່, ຂົງເຂດວຽກງານພັກ, ພະນັກງານແມ່ນສຸມໃສ່ຜັນຂະຫຍາຍຜົນສຳເລັດຂອງການດຳເນີນຊີວິດການເມືອງປັບປຸງປົວແປງທົ່ວພັກ, ເດັດດ່ຽວ ແກ້ໄຂບັນຫາພະນັກງານ. 

ຫ້າ, ວຽກງານການຕ່າງປະເທດ ແມ່ນສືບຕໍ່ເພີ່ມທະວີມິດຕະ ພາບອັນຍິ່ງໃຫຍ່, ຄວາມສາ ມັກຄີພິເສດ ແລະ ການຮ່ວມ ມືຮອບດ້ານກັບ ສສ ຫວຽດ ນາມ ໃຫ້ເຂົ້າສູ່ລວງເລິກ ແລະ ຍູ້ແຮງການຜັນຂະຫຍາຍຄູ່ ຮ່ວມຊະຕາກຳສັງຄົມນິຍົມ ລາວ-ຈີນ.

ທ່ານ ພັນຄຳ ວິພາວັນ ກ່າວຕື່ມອີກວ່າ: ອັນໃດທີ່ໄດ້ເວົ້າ ແລະ ເອກະພາບກັນແລ້ວກໍຕ້ອງສຸມໃສ່ເຮັດແທ້ທຳຈິງ ໃຫ້ເກີດເປັນຮູບປະທຳ, ບໍ່ແມ່ນເວົ້າແລ້ວກໍແລ້ວໄປ, ເວົ້າແລ້ວບໍ່ແກ້ ຫຼື ເຮັດແປະໆບາງໆພໍແລ້ວຮີດ ຫຼື ບໍ່ເຮັດຫຍັງເລີຍ, ອັນນີ້ຕ້ອງຫຼີກເວັ້ນແທ້ໆ. ບັນດາສະຫາຍການນຳແຕ່ລະຂັ້ນ ຕ້ອງຕັ້ງໜ້າເສີມຂະຫຍາຍມູນ ເຊື້ອປະຕິວັດອັນສະຫງ່າລາສີຂອງພັກ, ມີຄວາມສາມັກຄີ ເປັນເອກະພາບກັບຄະນະບໍລິ ຫານງານສູນກາງພັກ ໂດຍມີ ກົມການເມືອງ, ຄະນະເລຂາ ທິການສູນກາງພັກເປັນແກນນຳ. ຢຶດໝັ້ນຫຼັກການລວມສູນ ປະຊາທິປະໄຕ ນຳພາເປັນໝູ່ຄະນະ ແລະ ລະບຽບວິໄນຂອງພັກຢ່າງເຂັ້ມງວດ, ມີຄວາມຈົງ ຮັກພັກດີຕໍ່ຜົນປະໂຫຍດຂອງ ປະເທດຊາດ ແລະ ຂອງປະຊາຊົນ, ພ້ອມທັງເຊີດຊູມານະຈິດປະຕິວັດບຸກ, ຄົ້ນຄວ້າຫາ ທາງອອກຕົວຈິງເພື່ອວາງຍຸດທະສາດ, ສ້າງແຜນການເຄື່ອນ ໄຫວວຽກງານໃຫ້ມີວິທະຍາສາດ, ແກ້ໄຂບັນຫາຕ່າງໆຂອງຂະແໜງການ ແລະ ທ້ອງຖິ່ນ ຕົນໃຫ້ມີຜົນສຳເລັດຕົວຈິງ, ທັງມີຄວາມເສຍສະຫຼະ ແລະ ອຸທິດຕົນໃຫ້ປະເທດຊາດ ແລະ ປະຊາຊົນ, ເປັນແບບຢ່າງນຳໜ້າ ແລະ ເປັນເຈົ້າການນຳພາ ຊີ້ນຳການຈັດຕັ້ງປະຕິບັດມະຕິ ກອງປະຊຸມໃຫຍ່ ຄັ້ງທີ X ຂອງ ພັກ, ແຜນພັດທະນາເສດຖະ ກິດ-ສັງຄົມ 5 ປີຄັ້ງທີ VIII ເວົ້າລວມ, ກໍຄືບັນດາເນື້ອໃນ ຈິດໃຈຂອງກອງປະຊຸມເຊື່ອມ ຊຶມໃນເທື່ອນີ້ຢ່າງເອົາການ ເອົາງານ, ເຮັດໃຫ້ບັນດາວຽກ ງານຈຸດສຸມເຫຼົ່ານັ້ນ ໄດ້ຮັບ ການຈັດຕັ້ງປະຕິບັດຢ່າງເປັນ ຮູບປະທຳຕົວຈິງ ສົມກັບຄວາມ ໄວ້ເນື້ອເຊື່ອໃຈທີ່ພັກ-ລັດ ແລະ ປະຊາຊົນມອບໝາຍໃຫ້. ຂ້າພະເຈົ້າມີຄວາມເຊື່ອໝັ້ນ ວ່າ ດ້ວຍຄວາມເປັນເອກະ ພາບສູງ, ຄວາມຕັດສິນໃຈ ອັນເດັດດ່ຽວ, ຖືກຕ້ອງ ໃນ ກອງປະຊຸມຄັ້ງນີ້ ພວກເຮົາຈະ ຍາດໄດ້ຜົນສຳເລັດໃໝ່ ແລະ ບັນລຸຕາມເປົ້າໝາຍທີ່ວາງໄວ້. 

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll