ກອງທັບລັດເຊຍ ມອບຫ້ອງຂັບເຝິກແອບຈຳລອງເຮືອບິນສູ້ຮົບຍັກ 130 ໃຫ້ກອງທັບປະຊາຊົນ ສປປ ລາວ

16:47 2019/09/04

ຍສໝ - ວັນທີ 30 ສິງຫາ ນີ້, ຢູ່ທີ່ກອງ ພັນໃຫຍ່ 702, ບໍລິສັດລັດ ວິສາ ຫະກິດ ໂຣສອາບາໂຣນ ແອັກສະປອດ ແຫ່ງ ສະຫະພັນຣັດເຊຍ ໄດ້ມອບຫ້ອງຂັບເຝິກແອບຈຳ ລອງເຮືອບິນສູ້ຮົບ ຍັກ 130 ໃຫ້ ແກ່ກະຊວງປ້ອງກັນປະເທດແຫ່ງ ສປປ ລາວ.

ພິທີມອບ-ຮັບ ມີການເຂົ້າຮ່ວມ ເປັນປະທານຂອງ ທ່ານ ພັນເອກ ພັນທະມິດ ວໍລະບຸດ ຮອງຜູ້ບັນ ຊາການທະຫານອາກາດກອງ ທັບປະຊາຊົນລາວ, ທ່ານ ນາງ ຈູເລຍ ກາວຈຶດ ຫົວໜ້າຄະນະ ວິຊາການຣັດເຊຍ ແລະ ຜູ້ຕາງ ໜ້າບໍລິສັດລັດວິສາຫະກິດໂຣສ ອາບາໂຣນ ແອັກສະປອດ, ທ່ານ ບົວສອນ ສີນວນທອງ ຮອງ ເຈົ້າແຂວງໆຊຽງຂວາງ, ມີຄະນະນໍາຕາງໜ້າກອງພັນໃຫຍ່ 703, 702, ກົມກອງອ້ອມຂ້າງ ພ້ອມດ້ວຍບັນດາທ່ານແຂກ ແລະ ພະນັກງານວິຊາການທີ່ ກ່ຽວຂ້ອງທັງສອງຝ່າຍເຂົ້າ ຮ່ວມ.

ພິທີມອບ-ຮັບ ຫ້ອງຂັບເຝິກແອບຈຳລອງເຮືອບິນສູ້ຮົບຍັກ 130 ໃຫ້ກອງທັບປະຊາຊົນ ສປປ ລາວ

ໃນພິທີ ທ່ານ ນາງ ຈູເລຍ ກາວຈຶດ ຕາງໜ້າໃຫ້ບໍລິສັດລັດ ວິສາຫະກິດໂຣສອາບາໂຣນແອັກ ສະປອດ ຂຶ້ນກ່າວມອບ ຫ້ອງ ຂັບຈຳລອງເຮືອບິນເຝິກແອບສູ້ ຮົບຍັກ 130, ຈາກນັ້ນ ທ່ານ ພັນ ເອກ ພັນທະມິດ ວໍລະບຸດ ຮອງ ຜູ້ບັນຊາການທະຫານອາກາດ ຕາງໜ້າກະຊວງປ້ອງປະເທດ ແຫ່ງ ສປປ ລາວ ຂຶ້ນກ່າວຮັບພ້ອມ ທັງມີຄຳເຫັນວ່າ: ການໄດ້ຮັບ ຫ້ອງຂັບຈຳລອງເຮືອບິນເຝິກ ແອບສູ້ຮົບ ດັ່ງກ່າວນີ້ເປັນການ ປະກອບສ່ວນອັນສຳຄັນໃນການ ຍົກລະດັບຄວາມສາມາດໃນ ການເຝິກແອບເຮືອບິນສູ້ຮົບ ແລະ ຈຸບິນຂອງກອງບັນຊາການທະ ຫານອາກາດກອງທັບປະຊາຊົນ ລາວໃຫ້ສູງຂຶ້ນ, ທັງເປັນການ ສ້າງຄວາມເຂັ້ມແຂງ ແລະ ເພີ່ມ ທະວີປະສິດທິພາບໃຫ້ແກ່ວຽກ ງານປັບປຸງກໍ່ສ້າງກອງທັບໃນ ການປົກປັກຮັກສາເຂດນ່ານຟ້າ ຂອງ ສປປ ລາວ ໄວ້ຢ່າງໝັ້ນຄົງ ແລະ ຈະເອົາໃຈໃສ່ຊີ້ນໍາການອົບ ຮົມຫັດແອບໃຫ້ມີປະສິດທິຜົນ ສູງ.

ພ້ອມນັ້ນກໍຈະເອົາໃຈໃສ່ບຳ ລຸງ ແລະ ກໍ່ສ້າງບຸກຄະລາກອນ, ນັກວິຊາການເພື່ອຮັບຮອງການ ນຳໃຊ້ຍົນດັ່ງກ່າວ. ການມອບ-ຮັບໃນຄັ້ງນີ້ແມ່ນສະແດງໃຫ້ເຫັນເຖິງຄວາມເຕີບ ໃຫຍ່ຂະຫຍາຍຕົວໃນສາຍພົວ ພັນຮ່ວມມືທີ່ສະໜິດແໜ້ນໃນ ວຽກງານປ້ອງກັນຊາດຂອງ ສອງຝ່າຍ ແລະ ຍັງສະແດງໃຫ້ ເຫັນເຖິງຄວາມໄວ້ເນື້ອເຊື່ອໃຈ ຂອງກອງທັບປະຊາຊົນລາວຕໍ່ ການນຳໃຊ້ຜະລິດຕະພັນຂອງ ສະຫະພັນຣັດເຊຍອີກດ້ວຍ.ພ້ອມທັງກ່າວມອບຫ້ອງເຝິກຈຳ ລອງດັ່ງກ່າວໃຫ້ແກ່ກອງພັນ ໃຫຍ່ 702. ໃນປີ 2017 ລາວ ແລະ ຣັດເຊຍ ລົງນາມສັນຍາຊື້ເຮືອບິນຝຶກອົບຮົມຫຼາຍສັບພະຄຸນ Yak-130 Mitten. ຮອດທ້າຍປີ 2018, ຝ່າຍຣັດເຊຍໄດ້ມອບໃຫ້ຝ່າຍລາວ ຈຳນວນ 4 ເທິງ 10 ເຮືອບິນ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll