ການຄ້າກວດກາຕໍ່ເນື່ອງ ສະກັດກັ້ນບັນຫາການສວຍໂອກາດ

15:35 2019/09/11

ເພື່ອເປັນການປົກປ້ອງຜູ້ບໍລິໂພກ ບໍ່ໃຫ້ຖືກເອົາປຽບຈາກແມ່ຄ້າຊາວຂາຍ ໂດຍສະເພາະໃນຍາມບ້ານເມືອງພົບຄວາມຫຍຸ້ງຍາກແບບນີ້, ສະນັ້ນ, ລັດຖະບານ ກໍ່ຄືກະຊວງອຸດສາຫະກຳ ແລະ ການຄ້າ ຈຶ່ງໄດ້ມີການອອກແຈ້ງເຕືອນໃຫ້ເຈົ້າໜ້າທີ່ການຄ້າ ໃນແຕ່ລະທ້ອງຖິ່ນເອົາໃຈໃສ່ກວດເຂັ້ມການຊື້-ຂາຍສິນຄ້າ ຂອງບັນດາຊາວຄ້າຂາຍ, ຫ້າມສວຍໂອກາດຂຶ້ນສິນຄ້າໂດຍລຳພັງຢ່າງເດັດຂາດ ຖ້າພົບເຫັນໃຫ້ກ່າວເຕືອນ ແລະ ປັບໃໝໃສ່ໂທດຕາມລະບຽບການ.

ການຄ້າກວດກາຕໍ່ເນື່ອງ ສະກັດກັ້ນບັນຫາການສວຍໂອກາດ
ພະນັກງານ ພະແນກອຸດສາຫະກຳ ແລະ ການຄ້າແຂວງ ສົມທົບກັບບັນດາຂະແໜງການທີ່ກ່ຽວຂ້ອງລົງກວດກາ ແລະ ເກັບກຳສະພາບການໜັງຕີງຂອງສິນຄ້າຕາມທ້ອງຕະຫຼາດ.(ພາບ:khaodunk.com)

ນັບແຕ່ມີການແຈ້ງການ ເຈົ້າໜ້າທີ່ຢູ່ໃນແຕ່ລະທ້ອງຖິ່ນໄດ້ເອົາໃຈໃສ່ລົງກວດກາ, ຕິດຕາມ ການຊື້-ຂາຍສິນຄ້າຂອງບັນດາພໍ່ຄ້າຊາວຂາຍຢູ່ເຂດທີ່ໄດ້ຮັບຜົນກະທົບຈາກໄພພິບັດທາງທຳມະຊາດເປັນຕົ້ນແມ່ນແຂວງ ຈຳປາສັກ ແລະ  ມາໃນວັນທີ 10 ກັນຍາ 2019 ນີ້ ຢູ່ແຂວງສະຫວັນນະເຂດ ເຈົ້າໜ້າທີ່ກໍ່ໄດ້ລົງກວດກາການຊື້-ຂາຍສິນຄ້າຢູ່ຕະຫຼາດສະຫວັນໄຊ ນະຄອນໄກສອນ ພົມວິຫານເຊັ່ນດຽວກັນ.

ສ່ວນນະຄອນຫຼວງວຽງຈັນ ກ່ອນໜ້ານີ້ ກໍ່ໄດ້ມີການລົງກວດກາສິນຄ້າຢູ່ຕະຫຼາດ ລາວອົດຊີ ເຊິ່ງເປັນຕະຫຼາດຂາຍຍົກ-ຂາຍຍ່ອຍລາຍໃຫຍ່ຂອງນະຄອນຫຼວງວຽງຈັນ ເຈົ້າໜ້າທີ່ກໍ່ໄດ້ລົງຕິດຕາມກວດກາ ທັງນີ້, ກໍ່ເພື່ອເປັນການປົກປ້ອງຜູ້ບໍລິໂພກ ແລະ ຄວາມເປັນທຳໃນສັງຄົມ.

ພະນັກງານ ພະແນກອຸດສາຫະກຳ ແລະ ການຄ້າແຂວງ ສົມທົບກັບບັນດາຂະແໜງການທີ່ກ່ຽວຂ້ອງ ຂັ້ນຕ່າງໆລົງກວດກາ ແລະ ເກັບກຳສະພາບການໜັງຕີງຂອງສິນຄ້າຕາມທ້ອງຕະຫຼາດ.(ພາບ:khaodunk.com)

ສຳລັບການຄິດຕາມກວດກາລາຄາສິນຄ້າ ຢູ່ຕະຫຼາດ ລາວອົດຊີພົບວ່າ ປັດຈຸບັນຄວາມຕ້ອງການຂອງຜູ້ບໍລິໂພກ ແລະ ຜູ້ປະກອບການຫ້າງຮ້ານອາຫານ ແລະ ແມ່ຄ້າມື2 ກໍ່ຍັງມີຄືເກົ່າ,​ ແຕ່ຍັງມີເຄື່ອງບາງປະເພດແມ່ນຂາດຕະຫຼາດ ຫຼື ສະໜອງໜ້ອຍລົງ (ຍ້ອນນໍ້າຖ້ວມ ແລະ ຝົນຕົກ)​ ແລະ ສິນຄ້າບາງປະເພດນຳເຂົ້າຍາກ ແລະ ອັດຕາແລກປ່ຽນກໍ່ເພີ່ມສູງຂຶ້ນ ບັນຫາດັ່ງກ່າວຈຶ່ງເປັນອີກຈຸດໜຶ່ງທີ່ເຮັດໃຫ້ລາຄາເໜັງຕີງໄດ້ເຊັ່ນກັນ.

(ແຫຼ່ງ​ຂໍ້​ມູນ​: khaodunk.com)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll