WhatsApp ແນະນຳຄຸນສົມບັດ ໃນການຈຳກັດການເຜີຍແຜ່ຂ່າວປອມ

16:34 2019/08/05

ຍສໝ - ແອັບພລິເຄຊັນ ສົ່ງຂໍ້ຄວາມ WhatsApp ຄາດຫວັງວ່າ່ຈະເຮັດໃຫ້ຜູ້ຊົມໃຊ້ມີຄວາມຮັບຜິດຊອບຫຼາຍຂື້ນ ໃນການຮັບ ແລະ ປະມວນຜົນຂໍ້ຄວາມທີ່ໄດ້ຮັບ, ເພື່ອຫລີກລ້ຽງພຶດຕິກຳສົ່ງຂໍ້ຄວາມປອມ.

WhatsApp ແນະນຳຄຸນສົມບັດ ໃນການຈຳກັດການເຜີຍແຜ່ຂ່າວປອມ
ແອັບພລິເຄຊັນສົ່ງຂໍ້ຄວາມ WhatsApp. (ພາບ: Reuters)

ເພື່ອປ້ອງກັນການກະຈາຍ, ແຜ່ກະຈາຍຂ່າວປອມ ແລະ ຂ່າວລື ຢູ່ ປະເທດອິນເດຍ,   WhatsApp ແອັບພລິເຄຊັນສົ່ງຂໍ້ຄວາມ ທີ່ນິຍົມທີ່ສຸດ ຂອງເຟສບຸກ, ໄດ້ເປີດຕົວຄວາມສາມາດໃໝ່.

ໃນຖະແຫຼງການສະບັບໜຶ່ງ ໃນວັນທີ 4 ສິງຫາ, ຜູ້ຕາງໜ້າ WhatsApp ກ່າວວ່າ: ຄຸນລັກສະນະໃໝ່ນີ້ ຈະຊ່ວຍໃຫ້ຜູ້ຊົມໃຊ້ສາມາດລະບຸຂໍ້ຄວາມທີ່ສົ່ງຕໍ່ໄດ້ຫຼາຍຄັ້ງ, ເມື່ອຂໍ້ຄວາມເຫຼົ່ານີ້ຈະຖືກ ຕີເຄື່ອງໝາຍດ້ວຍລູກສອນສອງອັນ. ຕິດກັບສັນຍາລັກນີ້ແມ່ນຂໍ້ຄວາມແຈ້ງເຕືອນເມື່ອຜູ້ຊົມໃຊ້ສົ່ງຕໍ່ (forward)  ຂໍ້ຄວາມດັ່ງກ່າວ.

ນອກຈາກນັ້ນ, ສຳລັບຂໍ້ຄວາມທີ່ມີເນື້ອໃນຍາວ, ພາກສ່ວນການສະແດງເນື້ອຫາຈະຖືກຈຳກັດ ແລະ ຜູ້ຊົມໃຊ້ຈະຕ້ອງໄດ້ "ສຳພັດ" ເຂົ້າເພື່ອເບິ່ງເນື້ອໃນເຕັມໆຂອງຂໍ້ຄວາມ. ສິ່ງເຮັດໃຫ້ສາມາດຮູ້ໄດ້ ແລະ ການແຈ້ງເຕືອນເຫລົ່ານີ້ ໄດ້ຖືກສະແດງອອກມາເພື່ອໃຫ້ສັງເກດວ່າ ຜູ້ໃຊ້ມີຄວາມຮັບຜິດຊອບຫຼາຍຂື້ນ ເມື່ອໄດ້ຮັບ ແລະ ປະມວນຜົນຂໍ້ຄວາມທີ່ໄດ້ຮັບ.

ອີງຕາມ ຄຳຮ້ອງຂໍຂອງລັດຖະບານອິນເດຍ, ກ່ອນໜ້ານີ້ WhatsApp ໄດ້ດຳເນີນການຫຼາຍຂັ້ນຕອນ ເພື່ອຄວບຄຸມການເຜີຍແຜ່, ແຜ່ລາມຂ່າວສານປອມ ແລະ ຂ່າວລືຕ່າງໆໃນປະເທດ. ປີທີ່ຜ່ານມາ, ສະເພາະແຕ່ຜູ້ຊົມໃຊ້ໃນປະເທດອິນເດຍ, ບັນຊີໜຶ່ງສາມາດສົ່ງ ຂໍ້ຄວາມຕໍ່ ໄດ້ຫຼາຍສຸດພຽງ 5ຄັ້ງ ເທົ່ານັ້ນ, ຫຼັງຈາກນັ້ນຄຸນລັກສະນະ ໃນການສົ່ງຕໍ່ຂໍ້ຄວາມ ຈະຖືກປິດເພື່ອປ້ອງກັນຂໍ້ມູນຂ່າວສານ ແລະ ຂ່າວລື ທີ່ບໍ່ຖືກຕ້ອງ.

ໃຫ້ຄຳອະທິບາຍກ່ຽວກັບເລື່ອງນີ້, WhatsApp ໄດ້ກ່າວວ່າ: ປະເທດອິນເດຍແມ່ນປະເທດທີ່ມີ ຈຳນວນຜູ້ຊົມໃຊ້ ໂປຼແກຼມນີ້ຫຼາຍທີ່ສຸດໃນໂລກ ເຊິ່ງມີຫຼາຍກວ່າ 200 ລ້ານບັນຊີ ທີ່ໃຊ້ງານ. ດ້ວຍຈຳນວນຜູ້ຊົມໃຊ້ເປັນຈຳນວນຫລວງຫລາຍ,  ອັບຟລີເຄຊັ້ນໄດ້ກາຍເປັນເຄື່ອງມືໃນການເຜີຍແຜ່, ແຜ່ກະຈາຍຂ່າວປອມທີ່ມີປະສິດຕິຜົນ. ຫຼາຍໆເຫດການທີ່ມີຄວາມຮ້າຍແຮງໄດ້ເກີດຂື້ນ ໃນປະເທດອິນເດຍເມື່ອຂໍ້ມູນທີ່ບໍ່ຖືກຕ້ອງ ໄດ້ຮັບການ ສົ່ງຕໍ່ຜ່ານທາງ WhatsApp ແລະ ພື້ນຖານຂອງສື່ສັງຄົມອື່ນໆສ້າງໃຫ້ເກີດຄວາມຮຸນແຮງ ໃນຊຸມຊົນ.

ດ້ວຍຈຳນວນຜູ້ຊົມໃຊ້ ທັງ ໝົດ 1,5 ພັນລ້ານຄົນ, WhatsApp ຖືວ່າເປັນເຄື່ອງມືສື່ສານທີ່ ສຳຄັນໃນຫຼາຍພາກສ່ວນຂອງໂລກ. ອັບພລີເຄຊັນນີ້ ແມ່ນ Facebook ໄດ້ຊື້ມາໃນປີ 2014 ໃນສັນຍາຊື້ຂາຍ ມູນຄ່າ 19 ຕື້ໂດລາສະຫະລັດ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll