GDP ຂອງ​ບັນດາ​ພື້ນຖານ​ເສດຖະກິດ​ຊັ້ນ​ນຳ​ຂອງ​ໂລກ​ໃນ​ປີ 2018

16:01 2019/07/10

ທະນາຄານ​ໂລກ (WB) ແຈ້ງ​ໃຫ້​ຮູ້ເມື່ອ​ວັນ​ທີ 7 ກໍລະກົດ​ນີ້​ວ່າ ຍອດ​ຜະລິດ​ຕະ​ພັນ​ພາຍ​ໃນ​ປະເທດ (GDP) ໃນ​ນາມ ຂອງ ສ ເກົາຫຼີ ໃນ​ປີ 2018 ບັນລຸ 1.619,4 ຕື້​ໂດ​ລາ​ສະຫະລັດ ສືບຕໍ່​ຖືກ​ຈັດ​ຢູ່​ໃນ​ອັນ​ດັບ​ທີ 12 ຈາກ​ຈຳນວນ 205 ປະເທດ​ໃນ​ໂລກ ຊຶ່ງ​ກ່ອນ​ໜ້າ​ນັ້ນ ສ ເກົາຫຼີ​ຖືກ​ຈັດ​ຢູ່​ໃນ​ອັນ​ດັບ​ທີ 14 ແຕ່​ປີ 2009-2013 ຫຼັງ​ຈາກ​ນັ້ນ​ກໍ​ຂຶ້ນ​ໄປ​ຢູ່​ອັນ​ດັບ​ທີ 13 ໃນ​ປີ 2014 ແລະ ຢູ່​ໃນ​ອັນ​ດັບ​ທີ 11 ໃນ​ປີ 2015 ແລະ 2016 ກ່ອນ​ທີ່​ຈະ​ຕົກລົງ​ໄປ​ຢູ່​ອັນ​ດັບ​ທີ 12 ໃນ​ປີ 2017.

GDP ຂອງ​ບັນດາ​ພື້ນຖານ​ເສດຖະກິດ​ຊັ້ນ​ນຳ​ຂອງ​ໂລກ​ໃນ​ປີ 2018

ຕົວ​ເລກ​ຂອງ WB ກໍ​ໃຫ້​ຮູ້​ວ່າ GDP ໃນ​ນາມ ໃນ​ປີ 2018 ຂອງ ສ ອາ​ເມ​ຣິ​ກາ ທີ່​ເປັນ​ພື້ນຖານ​ເສດຖະກິດ​ໃຫຍ່​ສຸດ​ໃນ​ໂລກ ບັນລຸ 20.494,1 ຕື້​ໂດ​ລາ​ສະຫະລັດ ແລະ ອັນ​ດັບ​ຮອງ​ລົງ​ມາ​ຕາ​ລຳດັບ​ກໍ​ແມ່ນ ຈີນ (13.608,2 ຕື້​ໂດ​ລາ​ສະຫະລັດ) ຍີ່ປຸ່ນ (4.970,9 ຕື້​ໂດ​ລາ​ສະຫະລັດ) ເຢຍ​ລະ​ມັນ (3.996,8 ຕື້​ໂດ​ລາ​ສະຫະລັດ) ແລະ ອັງກິດ (2.825,2 ຕື້​ໂດ​ລາ​ສະຫະລັດ).

ໃນ​ຂະນະ​ດຽວ​ກັນ WB ກໍ​ໃຫ້​ຮູ້​ວ່າ ຍອດ​ຜະລິດ​ຕະ​ພັນ​ແຫ່ງ​ຊາດ (GNI) ຂອງ ສ ເກົາຫຼີ ໃນ​ປີ 2018 ບັນລຸ​ໂດຍ​ສະເລ່ຍ 30.600 ໂດ​ລາ​ສະຫະລັດ/ຄົນ ຈັດ​ຢູ່​ໃນ​ອັນ​ດັບ​ທີ 30 ຂອງ​ໂລກ ແລະ ເພີ່ມ​ຂຶ້ນ​ໜຶ່ງ​ຂັ້ນ ເມື່ອ​ທຽບໃສ່​ປີ 2017  ສະ​ວິດ ເປັນ​ປະເທດ​ອັນ​ດັບ​ໜຶ່ງ​ຂອງ​ໂລກ​ໃນ​ດ້ານ GNI ສະເລ່ຍ​ໃສ່​ຫົວ​ຄົນ (83.580 ໂດ​ລາ​ສະຫະລັດ/ຄົນ) ຮອງ​ລົງ​ມາ​ແມ່ນ ນອກ​ແວ (80.790 ໂດ​ລາ​ສະຫະລັດ/ຄົນ) ແລະ ເກາະ ແມນ (Man) ທີ່​ຂຶ້ນ​ກັບ​ອັງກິດ (80.340 ໂດ​ລາ​ສະຫະລັດ/ຄົນ).

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll