Apple ແລະ Goldman Sachs ໄດ້ອອກບັດເຄດິດ Apple Card ຢ່າງເປັນທາງການແລ້ວ

16:04 2019/08/07

ຍສໝ - ໂດຍບັດເຄດິດນີ້, Apple ໄດ້ວາງເປົ້າໝາຍດຶງດູດເຈົ້າຂອງ iPhone ດ້ວຍນະໂຍບາຍ ຫຼຸດລາຄາ 2% ເງິນສົດເມື່ອຊື້ສິນຄ້າຜ່ານ Apple Pay, ໂດຍບໍ່ເສຍຄ່າທຳນຽມປະຈຳປີ ແລະ ສະໜອງອັບພຣີເຄຊັ້ນທາງດ້ານການເງິນ.

Apple ແລະ Goldman Sachs ໄດ້ອອກບັດເຄດິດ Apple Card ຢ່າງເປັນທາງການແລ້ວ

ບໍລິສັດ Apple ແລະ Goldman Sachs ໄດ້ອອກບັດເຄດິດ Apple Card.(ພາບ:techspot.com)

ວັນທີ 6 ສິງຫານີ້, ບໍລິສັດ Apple ແລະ  Goldman Sachs  ອອກບັດເຄດິດສະເໝືອນຈິງ Apple Card, ຈາກນັ້ນຊ່ວຍໃຫ້ຜູ້ຜະລິດ iPhone ມີຫຼາຍຊ່ອງທາງ ແລະ ມີຄວາມຫຼາກຫຼາຍໃນການຂາຍອຸປະກອນ ໄອໂພນ ແລະ ສະ ໜັບສະໜູນ ໃນການສ້າງເຄືອຄ່າຍທຸລະກິດ, ບໍລິໂພກໃໝ່ ຂອງ ທະນາຄານຍັກໃຫຍ່ອາເມລິກາ.

ໂດຍບັດເຄດິດນີ້, ບໍລິສັດ Apple ໄດ້ວາງເປົ້າໝາຍດຶງດູດລູກຄ້າ ກໍ່ຄືເຈົ້າຂອງ iPhone ດ້ວຍນະໂຍບາຍ ຫຼຸດລາຄາ 2% ເງິນສົດ ເມື່ອໃຊ້ຈ່າຍ ຫຼື ຊື້ສິນຄ້າ ຜ່ານ Apple Pay, ໂດຍບໍ່ເສຍຄ່າທຳນຽມປະຈຳປີໃດໆ ແລະ ສະໜອງອັບພຣີເຄຊັ້ນທາງດ້ານການເງິນທີ່ກ່ຽວຂ້ອງຕື່ມອີກ.

ສຳລັບ Goldman,  Apple Card  ຈະຊ່ວຍໃຫ້ທະນາຄານນີ້ສ້າງຄວາມເຂັ້ມແຂງ ເພື່ອສຸມໃສ່ການພັດທະນາຍີ່ຫໍ້ກໍ່ຄືຊື່ສຽງ ຂອງທະນາຄານບໍລິໂພກຂອງ Marcus, ໄດ້ຮັບການສ້າງຕັ້ງຂື້ນໃນປີ 2015, ແຕ່ມາຮອດປະຈຸບັນບໍ່ສາມາດບັນລຸໄດ້ຮັບຜົນທີ່ຕ້ອງການ.

ບໍລິສັດ Apple ໄດ້ໃຫ້ຮູ້ວ່າຕື່ມອີກວ່າ:  ໃນມື້ທຳອິດຂອງການອອກໃຫ້ບໍລິການດ້ານບັດເຄດິດ, ຈະມີພຽງແຕ່ຜູ້ຊົມໃຊ້ພຽງເລັກໜ້ອຍໄດ້ຮັບການເຊື້ອເຊີນ ລົງທະບຽນເຮັດບັດ.

ຄຽງຄູ່ກັນນັ້ນ,  ບໍລິສັດ Apple ຍັງຈະສະໜອງທາງເລືອກໃນການອອກບັດຟີຊິກ ທີ່ເຮັດດ້ວຍ titan, ແຕ່ບໍ່ສະແດງເລກບັດ. ແທນທີ່ຈະ, ເລກບັດຈະຖືກເກັບໄວ້ໃນຊິບທີ່ປອດໄພ ພາຍໃນ ແລະ ບັນທຶກຂໍ້ມູນ ໃນ iPhoneຂອງເຈົ້າຂອງບັດຜ່ານ ລະບົບກະເປົ໋າເອເລັກໂຕຣນິກ Wallet. ເມື່ອເຮັດທຸລະກຳການເງິນ, ອັບພຣີເຄຊັ້ນບັດຈະສະໜອງການເຮັດທຸລະກຳທີ່ຊັດເຈນໃຫ້ແກ່ຜູ້ຊົມໃຊ້ ດ້ວຍເລກລະຫັດປ້ອງກັນສະເໝືອນຈິງ ຫຼືຜ່ານໂທລະສັບທີ່ໄດ້ຮັບການລົງທະບຽນກ່ອນໜ້ານີ້.

Apple ໃຫ້ຮູ້ວ່າຂໍ້ມູນການຊື້ສິນຄ້າຈະຖືກບັນທຶກເກັບໄວ້ ໃນ iPhone ຂອງເຈົ້າຂອງ ແລະ ບໍລິສັດຈະບໍ່ສາມາດເບິ່ງຂໍ້ມູນເຫລົ່ານີ້ໄດ້. Goldman ຈະບໍ່ໄດ້ຮັບອະນຸຍາດໃຫ້ນຳໃຊ້ຂໍ້ມູນ ເພື່ອເປົ້າໝາຍທາງການຕະຫຼາດ, ຫຼືຂາຍ ຜະລິດຕະພັນອື່ນໆຂອງຕົນກໍ່ຕາມ.

(​ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll