ແມ່ນຳ້ຂອງ-ສາຍນຳ້ແຫ່ງອານາຄົດ

11:24 2018/08/20

ຍສໝ - ປະເທດຈີນ, ກຳປູເຈຍ, ລາວ, ມຽນມາ, ໄທ ແລະ ຫວຽດນາມ 6ປະເທດທີ່ມີແມ່ນຳ້ຂອງ-ລ້ານຊ້າງ (ພາສາຈີນ) ໄຫຼຜ່ານບໍ່ພຽງແຕ່ເປັນແຫຼ່ງກຳເນີດຂອງວັດທະນະທຳອັນເປັນເອກກະລັກ, ຄ້າຍເຄືອງກັນ ແຕ່ຍັງສ້າງສາຍພົວພັນ ດ້ານເສດຖະກິດ-ວັດທະນະທຳ ມີປະຫວັດສາດອັນຍາວນານ ແລະ ແໜ້ນແຟ້ນ. ປະຈຸບັນ ມີ 6ປະເທດກຳລັງຕັ້ງໜ້າ ຮ່ວມມືໃນພາກພື້ນ, ດຶງດູດ ການລົງທືນຕ່າງປະເທດ, ທ້ອນໂຮມກຳລັງພັດທະນາພື້ນຖານໂຄງລ່າງ ເພື່ອຫຼຸດໄລຍະຫ່າງກັບປະເທດພັດທະນາ. ໃນສະພາບການນັ້ນ ການຊຸກຍູ້ການຮ່ວມມືລະຫວ່າງບັນດາປະເທດລຸ່ມແມ່ນຳ້ຂອງ-ລ້ານຊ້າງ ໃຫ້ເລິກເຊິ່ງກຳລັງເປັນສິ່ງທີ່ຕ້ອງການແລະຈຳເປັນຂອງແຕ່ລະປເທດ.

ແມ່ນຳ້ຂອງ-ສາຍນຳ້ແຫ່ງອານາຄົດ
ກອງປະຊຸມແມ່ນ້ຳຂອງ-ລ້ານຊ້າງ.

ການຮ່ວມມື ແມ່ນຳ້ຂອງ-ລ້ານຊ້າງ ເປັນກົນໄກການຮ່ວມມື ຍ້ອນ 6 ປະເທດລຸ່ມ ແລະ ເທິງ ແມ່ນຳ້ຂອງ ຮ່ວມກັນຜັນຂະຫຍາຍ ແລະ ບັນລຸໄດ້ຫຼາຍໆຜົນສຳເລັດນັບແຕ່ກໍ່ຕັ້ງມາຮອດປະຈຸບັນ. ວັນທີ 23 ມີນາ 2016 ໄດ້ຈັດການຮ່ວມມື ແມ່ນຳ້ຂອງ-ລ້ານຊ້າງ, ບັນດາຜູ້ນຳຂອງປະເທດຈີນ-ສະຫະພັນບັນດາປະເທດ ອາຊີຕາເວັນອອກສ່ຽງໃຕ້(ASEAN) ຄັ້ງທີ 17 , ປະເທດຈີນ ແລະ ອີກ 5 ປະເທດພາກພື້ນລຸ່ມແມ່ນຳ້ຂອງ ໄດ້ຈັດຕັ້ງກອງປະຊຸມ ການນຳ ຄັ້ງທຳອິດຢູ່ ແຂວງ ຫ໋າຍນາ (ປະເທດຈີນ) ແລະ ໄດ້ອອກຖະແຫຼງການຮ່ວມ ສາມຫຼ່ຽມ ອາຊີ, ຮ່ວມກັນກໍ່ຕັ້ງກົນໄກການຮ່ວມມື ແມ່ນຳ້ຂອງ-ລ້ານຊ້າງ. ວັນທີ 10 ມັງກອນ 2018 , ເນື່ອງໃນໂອກາດ 2ປີແຫ່ງການກໍ່່ຕັ້ງ ກົນໄກ ຜູ້ນຳບັນດາປະເທດ ໄດ້ຈັດກອງປະຊຸມຄັ້ງທີ 2 ເພື່ອຕີລາຄາບັນດາຜົນສຳເລັດ ທີ່ໄດ້ບັນລຸຂອງກົນໄກການຮ່ວມມືດັ່ງກ່າວນີ້.

ປັດໄຈຊຸກຍູ້ການຮ່ວມມື

ການຮ່ວມມື ແມ່ນຳ້ຂອງ-ລ້ານຊ້າງ ແມ່ນອົງປະກອບທີ່ຕັ້ງໜ້າທີ່ສຸດໃນການພົວພັນ ລະຫວ່າງ ປະເທດຈີນ ແລະ ASEAN, ເປັນຄາດໝາຍທີ່ສຳຄັນ ທີ່ນຳພາການຮ່ວມມື ລະຫວ່າງ ປະເທດ ຈີນ ແລະ ບັນດາປະເທດ ລຸ່ມແມ່ນຳ້ຂອງຂື້ນເປັນບາດກ້າວໃໝ່. ການຮ່ວມມື ແມ່ນຳ້ຂອງ-ລ້ານຊ້າງ ໄດ້ຮັບຜັນຂະຫຍາຍຢ່າງວ່ອງໄວແນວນັ້ນ ກໍ່ຍ້ອນວ່າ ມີຂຸມກຳລັງພາຍໃນອັດເຂັ້ມແຂງ, ນັບຕັ້ງແຕ່ເລີ່ມຕັ້ນບັນດາປະເທດ ASEAN ຍອມຮັບ ແລະ ຮ່ວມຈິດຮ່ວມໃຈ ມັນແມ່ນຜົນສຳເລັດຢ່າງຂາດຕົວ ຂອງ ເສດຖະກິດພາກພື້ນ. ປະເທດໄທ ເປັນປະເທດທຳອິດໄດ້ສະເໜີແນວຄິດກ່ຽວກັບການຮ່ວມມືລຸ່ມແມ່ນຳ້ຂອງ-ລ້ານຊ້າງ ໃນປີ 2012 ແລະ ປະເທດຈີນເປັນປະເທດທີ່ມີການຕອບຮັບຢ່າງຕັ້ງໜ້າ. ຫຼັງຈາກນັ້ນ ກອງປະຊຸມ ຂັ້ນສູງ ASEAN-ຈີ ນ ຢັ້ງຢືນຈະຊ່ວຍຍູ້ໜູນກົນໄກການຮ່ວມມື ແມ່ນຳ້ຂອງ-ລ້ານຊ້າງ.

ການຮ່ວມມື ແມ່ນຳ້ຂອງ -ລ້ານຊ້າງ ແມ່ນເຂດເສດຖະກິດ ຂ້າມຊາດ ຈາກນັ້ນ ທຸກຝ່າຍ ຜັນຂະຫຍາຍທ່າແຮງ ຂອງຕົນ ປະກອບສ່ວນເຂົ້າໃນສິ່ງທີ່ບັນດາປະເທດຍັງຄົງຄ້າງຫຼືຂາດເຫຼືອ, ຍົກສູງຄວາມສາມາດໃນການແຂ່ງຂັນ ຂອງວິຊາຊີບລວມ. ປະຈຸບັນ ປະເທດຈີນເປັນປະເທດ ອັນດັບສອງ ແລະ ອັນດັບ ສາມ ທີ່ນຳເຂົ້າຈາກປະເທດລາວ. ພິຈາລະນາດ້ານການ ສົ່ງອອກ ປະເທດຈີນ ແມ່ນຕະຫຼາດສົ່ງອອກ ທີ່ໃຫຍ່ອັນດັບໜຶ່ງຂອງ ປະເທດມຽນມາ, ອັນດັບສອງຂອງລາວ ແລະ ປະເທດໄທ, ຕະຫຼາດສົ່ງອອກ ໃຫຍ່ອັນດັບສາມ ຂອງຫວຽດນາມ ແລະ ອັນດັບທີ ຫົກຂອງກຳປູເຈຍ. ນັບຕັ້ງແຕ່ຂະໜາດການລົງທືນ ສະແດງໃຫ້ເຫັນວ່າ ປະເທດຈີນ ເປັນປະເທດ ທີ່ຂະໜາດການລົງທືນທີ່ໃຫຍ່ທີ່ສຸດ ລົງທືນເຂົ້າກຳປູເຈຍ, ລາວ ແລະ ມຽນມາ, ແມ່ນແຫຼ່ງການລົງທືນ ຈາກຕ່າງປະເທດ ອັນດັບ 8 ລົງທືນເຂົ້າຫວຽດນາມ . ປີ 2017 ມາຮອດປະຈຸບັນ ປະເທດຈີນ ແມ່ນປະເທດ ລົງທືນໃຫຍ່ອັນດັບ 3 ຂອງປະເທດໄທ.

ທຽບໃສ່ບັນດາປະເທດໃນ ອາຊີຕາເວັນອອກສ່ຽງໃຕ້ ອື່ນໆ ບັນຫາເລື່ອງຄວາມສະຫງົບແບບເກົ່າ ທີ່ປະເທດ ຈີນ ແ ລະ ບັນດາປະເທດ ລຸ່ມແມ່ນຳ້ຂອງ ຕ້ອງປະເຊີນໜ້າກັບ ແນວຄິດພິເສດ. ຕົວຢ່າງຄື : ຄຸນລັກສະນະ ການກະທົບຂອງຕ່ອງໂສ້ ແລະ ຄວາມລະອຽດອ່ອນ ຂອງບັນຫາແຫຼ່ງນຳ້, ສະພາບຜູ້ກໍ່ການຮ້າຍຂ້າມຊາດ , ການຍົກຍ້າຍອັນຍິ່ງໃຫຍ່ຂອງປະຊາຊົນບໍ່ຖືກກົດໝາຍ... ແມ່ນຕ້ອງການຫຼາຍການຮ່ວມມືທີ່ມີກົນໄກຮ່ວມກັນຮັບມື.

ມີສອງກົນໄກຫຼາຍຝ່າຍ ທີ່ນ້ອຍໆແຕ່ສຳຄັນໃນເຂດລຸ່ມແມ່ນຳ້ຂອງ: ກຳມາທິການ ບັນດາປະເທດລຸ່ມແມ່ນຳ້ຂອງ (MRC) ແລະ ການຮ່ວມມືເສດຖະກິດ ລຸ່ມແມ່ນຳ້ຂອງ ເປີດ(GMS). ຕັ້ງແຕ່ກໍ່ຕັ້ງເປັນຕົ້ນມາ ສອງກົນໄກດັ່ງກ່າວນີ້ ໄດ້ປະກອບສ່ວນບົດບາດການຊີ້ນຳ-ນຳພາ ໃນວຽກງານການຊຸກຍູ້ພາກພື້ນ. ແຕ່ໃນໄລຍະທີ່ຜ່ານມາ ຄວາມຮຽກຮ້ອງຕ້ອງການໃນການສ້າງກົນໄກໃໝ່ເພື່ອປັບປຸງເພີ່ມເຕີມ ແລະ ຊຸກຍູ້ການຮ່ວມມືແມ່ນຳ້ຂອງ-ລ້ານຊ້າງ ໄດ້ເກີດຂື້ນມາ.

ສາຍນຳ້ແຫ່ງອານາຄົດ

ກໍ່ຄືກັບບັນດາກົນໄກອື່ນໆ, ການຮ່ວມມື ແມ່ນຳ້ຂອງ-ລ້ານຊ້າງກໍ່ຍັງມີສິ່ງທີ່ຄົງຄ້າງ ແລະ ຄວາມຫຍຸ້ງຍາກທີ່ຕ້ອງຜ່ານຜ່າ. ເພື່ອຮັບປະກັນ ການພັດທະນາຍືນຍົງ ແລະ ພັດທະນາໄວ, ຮ່ວມມືແມ່ນຳ້ຂອງ-ລ້ານຊ້າງ ໃນອານາຄົດ ຕ້ອງກໄດ້ສຸມໃສ່ບາງດ້ານດັ່ງນີ້:

ໜຶ່ງ ບັນດາປະເທດ ທີຢູ່ໃນຂອບເຂດ ແມ່ນຳ້ຂອງ-ລ້ານຊ້າງ ຕ້ອງໄດ້ປັບປຸງຄວາມເຊື່ອໝັ້ນ ເຊິ່ງກັນແລະກັນ ກ່ຽວກັບ ການເມືອງ, ເພີ່ມທະວີການເຊື່ອມຕໍ່, ກໍ່ສ້າງສາຍພົວພັນຄູ່ຮ່ວມມືແບບສະເໝີພາບ ຮ່ວມກັນຄ້າຂາຍດ້ວຍຄວາມເຫັນໃຈເຊິ່ງກັນ ແລະ ກັນ.

ສອງແມ່ນ ມອບສິດໃຫ້ແກ່ກົນໄກ. ບົດຮຽນຈາກ MRC, ກົນໄກ GMS ໄດ້ສະແດງໃຫ້ເຫັນວ່າ ຄວາມມີຊີວິດຂອງກົນໄກ ພາກພື້ນ ໄດ້ຮັບການຕັດສິນຍ້ອນລະດັບການມອບສິດຂອງບັນດາປະເທດ. ໃນອານາຄົດ ຕ້ອງການທີ່ຈະຮ່ວມມືແມ່ນຳ້ຂອງ-ລ້ານຊ້າງ ຢ່າງເລິກເຊິ່ງ ແລະ ເປີດກ້ວາງ ຂົງເຂດການຮ່ວມມື ບັນດາປະເທດຕ້ອງໄດ້ຮ່ວມກັນຊອງຫາຕົວເລກຂອງຜົນປະໂຫຍດລວມ, ມອບບົດບາດການເມືອງຢ່າງຈະແຈ້ງໃຫ້ແກ່ກົນໄກໃໝ່. ການຮ່ວມມື ແມ່ນຳ້ຂອງ-ລ້ານຊ້າງ ໃນຖານະທີ່ເປັນການຈັດຕັ້ງໜື່ງຂອງເຂດລຸ່ມແມ່ນຳ້ຂອງ ຕ້ອງສ້າງຄວາມສົມບູນຢ່າງບໍ່ຢຸດຢັ້ງ, ປັບປຸງເປົ້າໝາຍ, ຂັ້ນຕອນ, ຜົນສຳເລັດ ຂອງການຮ່ວມມື ຜ່ານຫຼາຍຮູບແບບຄື: ການອອກບັນດາຂໍ້ຕົກລົງ, ນິຕິກຳ ທີ່ກ່ຽວຂ້ອງ ເພື່ອຍົກສູງ ຄວາມເຊື່ອໝັ້ນ ເປີດກ້ວາງ ຮູບພາບຂອງການຮ່ວມມືໃນພາກພື້ນ.

ສາມ ກໍ່ສ້າງຄວາມສາມາດ. ບັນດາປະເທດ ເຂດລຸ່ມແມ່ນຳ້ຂອງ ຕ້ອງມີກົນໄກການເມືອງ, ລະບົບກົດໝາຍ, ເຄື່ອນໄຫວດ້ານການເືອງ ກໍ່ຄືຄວາມສາມາດພັດທະນາທີ່ແຕກຕ່າງກັນ. ຍົກຕົວຢ່າງ ປະເທດຈີນ ມີບົດຮຽນຢ່າງຫຼວງຫຼາຍ, ມີຄວາມສາມາດ ຢ່າງເຂັ້ມແຂງ ດ້ານການຜັນຂະຫຍາຍແຫຼ່ງນຳ້, ວິທະຍາສາດດ້ານກະສິກຳ, ຄຸ້ມຄອງທີ່ດິນ... ສ່ວນປະເທດລາວ, ກຳປູເຈຍ, ມຽນມາ ແມ່ນຍັງມີຈຸດອ່ອນຂອງໃຜລາວ.

ສີ່ແມ່ນ ປະສານສົມທົບ ພາຍໃນແລະພາຍນອກ ຮ່ວມກັນພັດທະນາແບບຍືນຍົງ. ປະຈຸບັນຢູ່ເຂດນີ້ມີຫຼາຍຮູບແບບຂອງກົນໄກຮ່ວມມືນອກຈາກ MRC, GMS, ແລ້ວຍັງມີ ການຮ່ວມມື ພັດທະນາ ASEAN ກັບ ແມ່ນຳ້ຂອງ (AMBDC), ໂຄງການການເຄື່ອນໄຫວຂອງລຸ່ມແມ່ນຳ້ຂອງຕອນລຸ່ມ ໂດຍ ອາເມລິການເປັນຜູ້ລິເລີ່ມ, ເຈລະຈາລະດັບສູງ ແມ່ນຳ້ຂອງ ກັບ ຍີປຸ່ນ, ການຮ່ວມມື ແມ່ນຳ້ ຄົງຄາ- ປະເທດລຽບຕາມແມ່ນຳ້ຂອງ ໂດຍ ປະເທດ ອິນເດຍເປັນຜູ້ລິເລີ່ມ, ກອງປະຊຸມລັດຖະມົນຕີການຕ່າງປະເທດ ແມ່ນຳ້ຂອງ- ເກົາຫຼີໃຕ້... ການຮ່ວມມື ແມ່ນຳ້ຂອງ-ລ້ານຊ້າງ ຕ້ອງໄດ້ປະສານສົມທົບກັນຢ່າງລົງຕົວ ກັບບັນດາກົນໄກຂອງບັນດາປະເທດລຸ່ມແມ່ນຳ້ຂອງ, ຫຼຸດຜ່ອນຄວາມສົງໄສລະຫວ່າງກັນຂອງບັນດາປະເທດພາຍໃນ ແລະ ນອກພາກພື້ນ  ແລະ ການແຂ່ງຂັນທີ່ທີ່ບໍເປັນທຳຂອງກົນໄກ.

ຫ້າ ສ້າງຄວາມສົມບູນຂອງລະບົບກົນໄກ.  ໃນໄລຍະຕົ້ນຂອງກົນໄກທີ່ຫາກໍ່ສ້າງຕັ້ງ ບັນດາປະເທດໃນພາກພື້ນຕ້ອງການການປະສານສົມທົບຢ່າງຮັດກຸມເຊິ່ງກັນ ແລະ ກັນ ໃນທຸກໆດ້ານ, ຮ່ວມມືຜ່ານຄວາມໄກ້ສິດ-ພົບປະກັນ.

ຫົກ ແມ່ນເພີ່ມທະວີການເຊື່ອມຕໍ່ທາງຂວາງເຊັ່ນ: ຮ່ວມມື ຈີນ- ASEAN, ຮ່ວມມື ແມ່ນຳ້ຂອງ-ລ້ານຊ້າງ ແລະ ບັນດາອົງການຈັດຕັ້ງອື່ນໆ. ຜ່ານການສ້າງຕັ້ງການພົວພັນກັບຄູ່ຮ່ວມມື MRC, GMS..., ຮ່ວມມື ແມ່ນຳ້ຂອງ-ລ້ານຊ້າງ ຕ້ອງໄດ້ຄຸ້ມຄອງປະສານງານຢ່າງມີປະສິດທິຜົນ ສາຍພົວພັນແຕ່ລະຝ່າຍ, ສາມາດມາດຮັບບັນດາປະເທດ ແລະ ອົງການຈັດຕັ້ງອື່ນໆ ມາເປັນຜູ້ສັງເກດການ, ຄຸ້ມຄອງປະສານງານ ລະຫວ່າງ ບັນດາປະເທດພາຍໃນ-ນອກ ພາກພື້ນ ແລະ ອົງການຈັດຕັ້ງພາກພື້ນ.

ສຸດທ້າຍແມ່ນການກໍ່ສ້າງລະບົບນິເວດ ເຄົາລົບທະມະຊາດ, ພັດທະນາສີຂຽວ. ນີ້ແມ່ນສິ່ງທີ່ສຳຄັນໃນການຊຸກຍູ້ເພື່ອພັດທະນາຍືນຍົງ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll