ເລີ່ມແລ້ວໃນການກູ້ໄພ-ກູ້ຊີບ ທີມນັກເຕະເຍົາວະຊົນ ໝູປ່າອາຄາເດມີ້ອອກມາຈາກ ຖ້ຳຫຼວງ-ຂຸນນ້ຳນາງນອນ

14:30 2018/07/08

ມື້ເຊົ້ານີ້ເວລາປະມານ 10ໂມງ ທີ່ຜ່ານມາ, ຜູ້ຊ່ຽວຊານດ້ານການມຸດນ້ຳ ຈຳນວນ 13 ຄົນ ຮ່ວມກັບທະຫານຈູ່ໂຈມພິເສດ(ໜ່ວຍ ຊິວ) ໄດ້ປະຕິບັນການນຳໂຕນ້ອງໆເຍົາວະຊົນນັກເຕະບານ ອອກມາຈາກຖ້ຳຫຼວງແລ້ວ.

ເລີ່ມແລ້ວໃນການກູ້ໄພ-ກູ້ຊີບ ທີມນັກເຕະເຍົາວະຊົນ ໝູປ່າອາຄາເດມີ້ອອກມາຈາກ ຖ້ຳຫຼວງ-ຂຸນນ້ຳນາງນອນ
ການ​ຖະ​ແຫຼງ​ການ​ຂອງ​ຄະ​ນະ​ກູ້​ໄພ​ໃນ​ການ​ກູ້​ໄພ-ກູ້​ຊີບ ນັກ​ເຕະ​ເຍົາ​ວະ​ຊົນ 13 ຊີວດ​ອອກ​ມາ​ຈາກ​ຖ້ຳ​ຫຼວງ-ຂຸນ​ນ້ຳ​ນາງນອນ.

ທ່ານອາ​ດີດ​ເຈົ້າ​ແຂວງໆ ແຂວງ​ຊຽງ​ລາຍ ທັງ​ເປັນ​ຫົວ​ໜ້າ​ຄະ​ນະ​ຊ່ວຍ​ເຫຼືອ ທີມ​ນັກ​ເຕະ​ບາຍ​ເຍົາ​ວະ​ຊົນ ໝູ​ປ່າ​ອາ​ຄາ​ເດມີ້ 13 ຊີ​ວິ​ດ​ອອກ​ມາ​ຈາກ​ຖ້ຳ​ຫຼວງ ໄດ້​ລາຍ​ງານ​ຕໍ່​ໜ້າ​ຊື່ມວນ​ຊົນ​ທັງ​ໄທ ແລະ ຕ່າງ​ປະ​ເທດ​ທີ່​ກຳ​ລັງ​ຖ້າ​ຢູ່​ຕໍ່​ໜ້າ​ຖ້ຳ​ວ່າ: ປະ​ຈຸ​ບັນ ​ທີມ​ງານ​ ຊຸດ​ກູ້​ໄພ-ກູ້​ຊີບ ປະ​ສົມ​ ແລະ ​ຈິດ​ໃຈ-ກຳ​ລັງ​ໃຈ​ຂອງ​ນ້ອງໆ ແມ່ນມີ​ຄວາມ​ພ້ອມ​ແລ້ວ ​ທີ່​ຈະ​ນຳ​ເອົາ​ໂຕ​ນ້ອງໆ​ນັກ​ເຕະ​ເຍົາ​ວະ​ຊົນ​ອອກ​ມາ​ຈາກ​ຖ​້ຳ​ຫຼວງ. ສະ​ພາບ​ການ​ທີ່​ເຮັດ​ໃຫ້​ມີ​ການ​ປັດ​ຕິ​ບັດ​ການ​ໃນ​ຄັ້ງ​ນີ້​ແມ່ນ: ອັນ​ທີ 1 ​​ລະ​ດັບ​ນ້ຳ​ໃນ​ຖ້ຳ 1-2-3 ຫຼຸດ​ລົງ​ຢ່າງ​ເປັນ​ທີ່​ໜ້າ​ພໍ​ໃຈ​ຄື​ລະ​ດັບ​ນ້ຳ​ຫຼຸດ​ລົງ​ເຖິງ 30%, ສະ​ພາບ​ອາ​ກາດ​ເຫັນ​ວ່າ​ມີ​ຄວາມ​ສັບ​ສົນ​ທີ່​ສຸດ​ເບິ່ງ​ຕົວ​ຈິງ​ຕອນນີ້ພະ​ຍຸ​ໜ່ວຍ​ໃໝ່ກໍ່​ກຳ​ລັງ​ຈະເຂົ້າ​ອີກ​ແລ້ວ, ຄວາມ​ພ້ອມ​ອັນ​ທີ 2 ແມ່ນ ສະ​ພາບ​ຈິດ​ໃຈ ​ແລະ ຮ່າງ​ກາຍ​ຂອງ​ນ້ອງ​ນັກ​ເຕະ​ເຍົາ​ວະ​ຊົນ​ແມ່ນ​ດີ​ທີ່​ສຸດ, ທັງ 13ຄົນ​ຮັບ​ຊາບ ​ຕໍ່​ພະ​ລະ​ກິດ​ທີ່ ທີມ​ງານ​ຊ່ວຍ​ເຫຼືອ​ຈະ​ເລີ່ມ​ປະ​ຕິ​ບັດ​ແລ້ວ ແລະ ພ້ອມ​ໃຫ້​ຄວາມ​ຮ່ວມ​ມື​ອອກ​ມາ​ກັບ​ໜ່ວຍ​ກູ້​ຊີບ​ນຳ​ອີກ. ນ​ອນນີ້​ທາງ​ຄອບ​ຄົວ​ກໍ່​ຄື​ຍາດ​ຕິ​ພີ່​ນ້ອງ​ຂອງ​ນ້ອງ​ນັກ​ເຕະ​ກໍ່​ຮັບ​ຊາບ​ແລ້ວ​ເຊັ່ນ​ດຽວ​ກັນ ແລະ ເຫັນ​ດີ​ເປັນ​ເອກ​ກະ​ພາບ​ນຳ​ຄະ​ນະ​ປະ​ຕິ​ບັດ​ງານ​ຄັ້ງ​ນີ້​ໃນ​ການ​ຊ່ວຍ​ເຫຼືອ​ກູ້​ໄພ-ນຳ​ໂຕ​ນ້ອງ​ທັງ 13 ຊີ​ວິດ​ອອກ​ມາ​ຈາກ​ຖ້ຳ. ຄວາມ​ພ້ອມ​ອັນ​ທີ​ 3 ແມ່ນ​ທີມ​ແພດ​ໝໍ ໃນ​ສອງ​ສາມ​ມື້​ທີ່​ຜ່ານ​ມາ ທີມ​ແພດ​ໝໍ​ໄດ້​ມີ​ການ​ຊ້ອມ​ຢ່າງ​ລະ​ອຽດ​ທຸກ​ຢ່າງໃນ​ການ​ຊ່ວຍ​ເຫຼືອ​ຄັ້ງ​ນີ້. ໃນ​ການ​ນຳ​ໂຕ​ເດັກ​​ນ້ອຍ 4 ຄົນທຳອິດ​ອອກ​ມາໄດ້ອາດ​ຈະ​ແມ່ນ ຕອນ 21ໂມງ​ຄືນມື້ນີ້, ແລະ ຈະຈັດ​ຕັ້ງ​ປະ​ຕິ​ບັດ​ຢ່າງ​ຕໍ່​ເນື່ອງ​ໄປ​ຈົນ​ເຖິງ​ທັງ​ໝົດ​ 13 ຊີ​ວິດ​ຈະ​ອອກ​ມາ​ໝົດ​ ພາ​ລະ​ກິດ​ຈັ່ງ​ຖື​ວ່າ​ຊິ້ນ​ສຸດ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll