ເຊຈອງ (Sejong)-ເມືອງຕົ້ນແບບ ຂອງ ເກົາຫຼີໃຕ້

11:00 2018/05/15

ຍ​ສ​ໝ - ນັບຕັ້ງແຕ່ລົງມືກໍ່ສ້າງ ໃນປີ 2012, ເຊຈອງ ໄດ້ຖືກກໍານົດວ່າເປັນຕົວເມືອງ ທີ່ມີການບໍລິຫານ ຈັດການ ທີ່ເຊື່ອມໂຍງກັບເຕັກໂນໂລຢີທີ່ທັນສະໄຫມທີ່ສຸດ ເຂົ້າໃນ ການບໍລິການສາທາລະນະ ຂອງລັດ.

ເຊຈອງ (Sejong)-ເມືອງຕົ້ນແບບ ຂອງ ເກົາຫຼີໃຕ້

ເກົາ​ຫຼີ​ໃຕ້ ແມ່ນ ຫນຶ່ງໃນບັນດາປະເທດ ນໍາໜ້າໃນອາຊີ ກ່ຽວ​ກັບການພັດທະນາຮູບແບບ ຕົວເມືອງຕົ້ນ​ແບບ (ເມືອງອັດ​ສະ​ລິ​ຍະ), ເຊິ່ງແມ່ນນອນຢູ່ໃນຍຸດທະສາດການກໍ່ສ້າງ ປະເທດຕົ້ນ​ແບບ(ປະ​ເທດ​ສະ​ຫຼາດ).

ພື້ນຖານໂຄງລ່າງທໍາອິດ ແລະ ສໍາຄັນທີ່ສຸດສໍາລັບການກໍ່ສ້າງເມືອງຕົ້ນ​ແບບ ຂອງ ເກົາ​ຫຼີ​ໃຕ້ ແມ່ນ ລະບົບການຂົນສົ່ງທີ່ອັດ​ສະ​ລິ​ຍະ.

ສະຖານີລົດເມທີ່ທັນສະໄຫມ ຕັ້ງຢູ່ໃນຮູບແບບຕົວເມືອງອັດ​ສະ​ລິ​ຍະ ຂອງ​ນະ​ຄອນ ເຊຈອງ ເກົາຫຼີໃຕ້ ປະ​ກອບດ້ວຍ3 ເງື່ອນໄຂຄື: ລະບົບ ພະລັງງານຂັບ​ເຄື່ອນດ້ວຍແສງຕາເວັນທີ່ມີການ​ຕິດ​ຕັ້ງ ເທິງ​ຫຼັງ​ຄາ​ອາ​ຄານ ດ້ວຍ​ການສະແດງ​ຜົນ ຂອງເວລາລົດເມຈະອອກ ແລະ ປະ​ຕູເຊັນ​ເຊີ້  ເພື່ອຊ່ວຍໃຫ້ຜູ້ໂດຍສານສາມາດ ຂື້ນລົດໂດຍ​ສານໄດ້ຍ່າງປອດໄພ.

ນີ້ແມ່ນພຽງແຕ່ຫນຶ່ງໃນການບໍລິການຂັ້ນພື້ນຖານ, ບັນ​ດາ​ຂໍ້​ສະ​ດວກ ພື້ນຖານຂອງ​ຮູບ​ແບບຕົວເມືອງ​ສ​ະ​ຫຼາດ,  ໃນປັດຈຸບັນກຳ​ລັງຖືກນໍາໃຊ້ໃນຫລາຍເມືອງ​ໃນ​ໂລກ.

ຮູບ​ແບບ ຊຸມ​ຊົນ​ຄອມ​ເພຼກ ​ຂອງ​ນະ​ຄອນ ເຊ​ຈອງ(Sejong).

ມີ 5 ສິ່ງທີ່ປະຊາຊົນຈະບໍ່ເຫັນຢູ່ຕາມ​ທ້ອງຖະຫນົນຂອງ ເຊຈອງ, ເຖິງແມ່ນວ່າ​ເປັນ​ສິ່ງ​ທີ່​ເຫັນ​ໄດ້​ງ່າຍ ໃນ​ຫຼາຍ​ຕົວ ເມືອງໃນໂລກ. ນັ້ນແມ່ນ: ເສົາໄຟຟ້າ, ຂີ້ເຫຍື້ອ, ຮົ້ວ(ກຳ​ແພງ), ປ້າຍໂຄສະນາ ແລະ ບ່ອນຈອດລົດຕາມຖະຫນົນ. ເຫດຜົນແມ່ນຍ້ອນວ່າ ລະບົບຕາ​ໜ່າງໄຟຟ້າ, ລະ​ລົບ​ອາຍ​ແກ໊ດ, ​ລະ​ບົບໂທລະຄົມມະ​ນາ​ຄົມ ແລະ ລະບົບຈັດເກັບ ແລະ ຈັດ​ການຂີ້ເຫຍື້ອ ແມ່ນຕິດຕັ້ງຢູ່ໃຕ້ດິນ.

ແຕ່​ວ່າ ສິ່ງທີ່ພົ້ນ​ເດັ່ນທີ່ສຸດ ແມ່ນໂຄງການອັດ​ສັງ​ຫາ​ຂອງລັດຖະບານປະ​ກອບ​ມີ:  16 ຕືກ​ສຳ​ນັກ​ງານ​ລັດ​ຖະ​ບານ ເຊື່ອ​ມ​ຕໍ່​ກັນ​ດ້ວຍ​ຂົວຕໍ່​ໃນ​ລະ​ດັບ​ສູງ ກາຍ​ເປັນ​ຫຼັງ​ຄາ​ທີ່​ຍາວ ກວ່າ 2 ກມ, ເບິ່ງ​ພາບ​ໃນ​ມູມ​ສູງ​ບັນ​ດາ​ອາ​ຄານ​ດັ່ງ​ກ່າວ​ຄື​ກັນ​ກັບ​ມັງ​ກອນ​ກຳ​ລັງ​ບິນ.

ຢູ່ Sejong, ຜູ່​ປົກ​ຄອງ ສາມາດຕິດຕາມກວດກາການເຄື່ອນໄຫວໄປ​ມາຂອງລູກ ຂອງພວກເຂົາ ແລະ ພໍ່ແມ່ຜູ້ສູງອາຍຸໂດຍຜ່ານອຸປະກອນ ສະ​ແກນ​ໃບ​ໜ້າ ຄື້ນ​ຄວາມ​ຖິ່​ສຸງ. ແຕ່ຢ່າງໃດກໍຕາມ, ໃນສັງຄົມທີ່ມີຂໍ້ມູນ​ອອນ​ລາຍ ແລະ ແລກ​ປ່ຽນ​ກັນຫຼາຍເກີນໄປ, ​ບໍ່​ຮູ້​ວ່າມັນຈະເປັນສິ່ງທີ່ດີ?

ຄາດ​ຄະ​ເນວ່າໃນປີ 2030, ໂຄງການ ເມືອງ​ຕົ້ນ​ແບບ(ເມືອງ​ອັດ​ສະ​ລິ​ຍະ) ເຊຈອງ  ດ້ວຍ​ມູນ​ຄ່າ 20 ຕື້ໂດລາສະ​ຫະ​ລັດຈະເສັດ​ສົມ​ບູນດ້ວຍປະຊາກອນປະມານ 800,000 ຄົນ. ມັນຈະເປັນຕົວເມືອງທີ່ມີຄວາມຍືນຍົງ ດ້ວຍຕົວມັນເອງ, ດຳ​ເນີນ​ການ​ບໍ​ຫານ​ຈັດ​ດ້ວຍ​ສິ່ງ​ອຳ​ນວຍ​ຄວາມ​ສະ​ດວກ ທີ່ເຊື່ອມຕໍ່ກັນ ແລະ ກັນ  ແລະ ເຊື່ອມ​ຕໍ່​​ຄົນ​ທຸກ​ຄົ​ນ​ພາຍ​ໃນ​ເມືອງ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll