ເກົາຫລີເໜືອ ກຳລັງຢັ່ງໃຈ ສະຫາລັດອາເມລິກາ ກ່ອນທີ່ຈະປົດອາວຸດນິວເຄຣຍ

11:02 2018/09/29

ຍສໝ - ເມື່ອວັນທີ 29 ກັນຍາ 2018 ທີ່ຜ່ານມາ ທ່ານ ຣີ ຢອງ-ໂຮ ລັດຖະມົນຕີກະຊວງການຕ່າງປະເທດ ເກົາຫຼີເໜືອ ກ່າວຖະແຫຼງຕໍ່ກອງປະຊຸມສະມັດຊາໃຫຍ່ ແຫ່ງສະຫະປະຊາຊາດ ມີເນື້ອໃນສຳຄັນວ່າ: ເກົາຫຼີເໜືອໄດ້ດຳເນີນການຢ່າງເປັນມິດໃນຫຼາຍດ້ານ ຕະຫຼອດໄລຍະເວລາ 1 ປີທີ່ຜ່ານມາ ບໍ່ວ່າຈະເປັນການຢຸດຕິການທົດລອງຂີປະນາວຸດ ແລະ ລະເບີດນິວເຄຼຍ, ການຮື້ຖອນ ແລະ ທຳລາຍສູນທົດລອງທີ່ກ່ຽວຂ້ອງ ແລະ ການໃຫ້ຄຳໝັ້ນຢ່າງເປັນລາຍລັກອັກສອນໃນການຢຸດຕິໂຄງການພັດທະນາດ້ານອາວຸດ.

ເກົາຫລີເໜືອ ກຳລັງຢັ່ງໃຈ ສະຫາລັດອາເມລິກາ ກ່ອນທີ່ຈະປົດອາວຸດນິວເຄຣຍ
ທ່ານ ຣີ ຢອງ-ໂຮ ລັດຖະມົນຕີກະຊວງການຕ່າງປະເທດ ເກົາຫຼີເໜືອ.

ເຖິງຢ່າງໃດກໍ່ຕາມ, ລັດຖະບານເກົາຫຼີເໜືອຍັງບໍ່ເຄີຍໄດ້ຮັບການຕອບສະໜອງທີ່ສອດຄ່ອງກັນ ຈາກສະຫະລັດ ອາເມຣິກາ ເຊິ່ງການສະແດງທ່າທີດັ່ງກ່າວຂອງລັດຖະບານສະຫະລັດ ອາເມຣິກາສົ່ງຜົນກະທົບຕໍ່ຄວາມເຊື່ອໝັ້ນຂອງສອງຝ່າຍໃນທຸກດ້ານ, ໂດຍສະເພາະໃນດ້ານຄວາມໝັ້ນຄົງແຫ່ງຊາດ ເນື່ອງຈາກເກົາຫຼີເໜືອຈະບໍ່ມີທາງດຳເນີນການປົດອາວຸດພຽງຝ່າຍດຽວ ພາຍໃຕ້ພຶດຕິກຳດັ່ງກ່າວຂອງສະຫະລັດ ອາເມຣິກາ ທີ່ເປັນອັນຕະລາຍຕໍ່ຄວາມໄວ້ວາງໃຈເຊິ່ງກັນ ແລະ ກັນ ແລະ ຈະສົ່ງຜົນຕໍ່ສະຖຽນລະພາບຂອງປະເທດ ພ້ອມທັງຢ້ຳວ່າການທີ່ສະຫະລັດ ອາເມຣິກາຍັງເຊື່ອໝັ້ນໃນການໃຊ້ມາດຕະການຂວໍ້າບາດ ວ່າຈະສາມາດກົດດັນໃຫ້ເກົາຫຼີເໜືອເປັນຝ່າຍຍ່ອມກ່ອນ ເປັນໄດ້ກໍ່ພຽງແຕ່ຄວາມຝັນເທົ່ານັ້ນ.

ການຖະແຫຼງຂອງທ່ານ ຣີ ຢອງ-ໂຮ ເກີດຂຶ້ນພາຍຫຼັງທ່ານ ໄມ ພອມແພວ ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ກ່າວເມື່ອວັນພະຫັດ ທີ່ຜ່ານມາວ່າ: ມາດຕະການຂວໍ້າບາດຕໍ່ເກົາຫຼີເໜືອຕາມແນວທາງຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ຕ້ອງດຳເນີນຕໍ່ໄປ ຈົນກວ່າຂະບວນການປົດອາວຸດນິວເຄຼຍຂອງລັດຖະບານເກົາຫຼີເໜືອຈະສົມບູນ ແລະ ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ກ່າວກ່ອນໜ້ານັ້ນວ່າ ສະຫະລັດ ອາເມຣິກາບໍ່ໄດ້ກຳນົດໄລຍະເວລາວ່າການປົດອາວຸດນິວເຄຼຍຂອງເກົາຫຼີເໜືອຕ້ອງສຳເລັດເມື່ອໃດ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll