ອາເມລິກາ ກ້າວເຂົ້າໃກ້ການເຊັນຂໍ້ຕົກລົງການຄ້າກັບ ຈີນ ໄລຍະ 1

14:07 2019/11/15

ຍສໝ - ເມື່ອບໍ່ດົນມານີ້, ທ່ານປະທານາທິບໍດີ ອາເມລິກາ Donald Trump ໃຫ້ຮູ້ວ່າ: ອາເມລິກາ ກ້າວເຂົ້າໃກ້ການເຊັນຂໍ້ຕົກລົງການຄ້າກັບ ຈີນ ໄລຍະ 1.

ອາເມລິກາ ກ້າວເຂົ້າໃກ້ການເຊັນຂໍ້ຕົກລົງການຄ້າກັບ ຈີນ ໄລຍະ 1
ອາເມລິກາ ແລະ ຈີນ ພວມກ້າວເຂົ້າໃກ້ການສ້າງສຳເລັດຂໍ້ຕົກລົງການຄ້າ 2 ຝ່າຍໄລຍະ 1.(ພາບ: vneconomy.vn)

ກ່າວຄຳເຫັນທີ່ສະໂມສອນເສດຖະກິດຢູ່ ນິວຢອກ ໃນວັນທີ 12 ພະຈິກ, ທ່ານປະທານາທິບໍດີ Trump ໃຫ້ຮູ້ວ່າ: ອາເມລິກາ ແລະ ຈີນ ພວມກ້າວເຂົ້າໃກ້ການສ້າງສຳເລັດຂໍ້ຕົກລົງການຄ້າ 2 ຝ່າຍໄລຍະ 1. ທ່ານ Trump ກໍ່ກ່າວເຕືອນວ່າ ຈະຂຶ້ນອັດຕາພາສີນຳເຂົ້າສຳລັບສິນຄ້າ ຈີນ, ຖ້າຫາກ ປັກກິງ ບໍ່ບັນລຸໄດ້ຂໍ້ຕົກລົງກັບ ວໍຊິງຕັນ. ເມື່ອຕອບສຳພາດຕໍ່ຊ່ອງໂທລະພາບ Fox New ໃນວັນທີ 07 ພະຈິກ, ທ່ານນາງ Stephanie Grisham ໃຫ້ຮູ້ວ່າ, ບໍ່ສາມາດເວົ້າໄປກ່ອນກ່ຽວກັບບັນດາການເຈລະຈາກັບຈີນ, ແຕ່ອາເມລິກາ ມີຄວາມປະເອີບໃຈຕໍ່ຄວາມສາມາດບັນລຸໄດ້ຂໍ້ຕົກລົງໂດຍໄວ. ຂໍ້ສັງເກດດັ່ງກ່າວຖືກຍົກອອກມາພາຍຫຼັງທີ່ມີຂ່າວວ່າ ຈີນ ແລະ ອາເມລິກາ ໄດ້ເຫັນດີຍົກເລີກພາສີ ທີ່ໄດ້ຈັດວາງຕໍ່ສິນຄ້າຂອງກັນເມື່ອກ່ອນນີ້, ຖ້າຫາກ 2 ຝ່າຍບັນລຸໄດ້ຂໍ້ຕົກລົງ. ບັນດານັກເຈລະຈາຈີນ ປາດຖະໜາວ່າ ອາເມລິກາ ຈະຫຼຸດພາສີລົງ 15% ສຳລັບຈຳນວນສິນຄ້າຂອງຈີນ ທີ່ມີມູນຄ່າປະມານ 125 ຕື້ USD ທີ່ມີຜົນສັກສິດນັບແຕ່ວັນທີ 01 ກັນຍາ. ປັກກິງ ກໍ່ພວມມານະພະຍາຍາມຫຼຸດລະດັບພາສີ 25% ກ່ອນໜ້ານັ້ນສຳລັບສິນຄ້າທີ່ເປັນເຄື່ອງຈັກ ແລະ ເຄິ່ງຊັກນຳໄຟຟ້າທີ່ນຳເຂົ້າຈາກອາເມລິກາ ເຊິ່ມມີມູນຄ່າ 250 ຕື້ USD. ວັນທີ 14 ພະຈິກ, ທ່ານ Larry Kudlow, ຫົວໜ້າສະພາເສດຖະກິດແຫ່ງຊາດອາເມລິກາ ຢືນຢັນວ່າ, ອາເມລິກາ ພວມກ້າວເຂົ້າໃກ້ກັບຂໍ້ຕົກລົງດ້ານການຄ້າກັບຈີນ ແລະ ທ່ານໃຫ້ຮູ້ວ່າ ບັນດາການປຶກສາຫາລືກັບຈີນ ພວມດຳເນີນໄປຢ່າງມີຄວາມສ້າງສັນ. ກ່າວຄຳເຫັນຢູ່ສະພາການພົວພັນຕ່າງປະເທດ ຢູ່ວໍຊິງຕັນ, ທ່ານ Kudlow ເວົ້າວ່າ, 2 ພື້ນຖານເສດຖະກິດແຖວໜ້າຂອງໂລກຍັງສືບຕໍ່ມີການຕິດຕໍ່ພົວພັນນຳກັນ ແລະ ອາດຈະບັນລຸໄດ້ຂໍ້ຕົກລົງໂດຍໄວ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll