ມາຫາເສດຖີ ມັດ ກຳລັງສ້າງເຮືອມຸດນ້ຳ ນ້ອຍ ເພື່ອຈະຊ່ວຍເຫຼືອນັກເຕະເຍົາວະຊົນທີ່ຕິດຖ້ຳ

16:26 2018/07/08

ຍ​ສ​ໝ - ຜູ້ນຳເທັກໂນໂລຊີ ອາເມລິກາ ໃຫ້ຮູ້ວ່າ ເຮືອມຸດນ້ຳຂອງທ່ານໃຊ້ເວລາຕໍ່ ແລະ ສ້າງ ພາຍໃນ 8ຊົ່ວໂມງເທົ່ານັ້ນ ແລະ 17ຊົ່ວໂມງໃນການນຳສົ່ງເຖິງປະເທດໄທ.

ມາຫາເສດຖີ ມັດ ກຳລັງສ້າງເຮືອມຸດນ້ຳ ນ້ອຍ ເພື່ອຈະຊ່ວຍເຫຼືອນັກເຕະເຍົາວະຊົນທີ່ຕິດຖ້ຳ

ຄືນ​ທີ່​ຜ່ານ​ມາ ມະ​ຫາ​ເສດ​ຖີ ອີ​ລອນ ມັດ ໄດ້​ໂພດ​ສ​ຜ່ານ ທະ​ວິດ​ເຕີ້​ສ່ວນ​ໂຕ ວ່າ: ກຸ່ມ​ເຕັກ​ນິກ​ຂອງ​ລາວ ຈາກ​ບໍ​ລິ​ສັດ rocket SpaceX ຢູ່ ລັດ ລອດ​ ແອັງ​ເຈີລິດ ຈະ​ຕໍ່ ແລະ ສ້າງ​ເຮືອ​ນ້ອຍ​ເພື່ອ​ຊ່ວຍ​ເຫຼືອ​ໃນ​ພາ​ລະ​ກິດ ຊ່ວຍ​ເຫຼືອກູ້ໄພ-ກູ້​ຊີບ ຜູ້​ປະ​ສົບ​ໄພ​ທີ່​ຕິດ​ໃນ​ຖ້ຳ​ຫຼວງ​-ຂຸນນ້ຳ​ນາງນອນ ປະ​ເທດ​ໄທ.

ມະ​ຫ​າ​ເສດ​ຖີ ອີ​ລອນ ມັດ ສ້າງ-ຕໍ່​ເຮືອ​ມຸດ​ນ້ຳ​ຂ​ະ​ໜາດ​ນ້ອຍ ໃນ​ເວ​ລາ 8 ຊົ່ວ​ໂມງ.

ມະ​ຫາ​ເສດ​ຖີ​ທີ່​ເຕັມ​ໄປ​ດ້ວຍ​ແນວ​ຄິດອັນ​ກ້າວ​ໜ້າ ໄດ້​ຂຽນ​ຂໍ້​ຄວາມ​ຜ່ານ​ທະ​ວິດ​ເຕີ້​ສ່ວນ​ຕົວວ່າ: "ພວກ​ເຮົາໄດ້​ຮັບ​ການ​ປະ​ສານ​ຈາກ​ປະ​ເທດ​ໄທວ່າ: ປະ​ຈຸ​ບັນເສັ້ນ​ທາງ​ຫຼັກພື້ນ​ຖານ​ແມ່ນ​ສ້າງ​ເຮືອ​ມຸດ​ນ້ຳ​ຂະ​ໜາດ​ນ້ອຍ, ຂະ​ໜາດ​ສຳ​ລັດ​ເດັກ​ນ້ອຍ..... ມີ​ຄວາມ​ເບົາ ເພື່ອ​ໃຫ້​ນັກ​ມຸດ​ນ້ຳ​ສອງ​ຄົນ​ນຳ​ເຂົ້າ​ໄປ​ໃນ​ຖ້ຳ​ໄດ້ ແລະ ນ້ອຍ​ກະ​ທັດ​ຮັດ ເພື່ອ​ທີ່​ຈະ​ລອດ​ເຂົ້າ​ໃນ​ຊ່ອງ​ຮູ​ຖ້ຳ​ທີ່​ມີ​ຄວາມ​ແຄບ​ໄດ້."

ມະ​ຫາ​ເສດ​ຖີ ມັດ ໄດ້​ເປີດ​ເຜີຍ​ວ່າ ການ​ສ້າງ-ຕໍ່ ເຮືອ​ມຸດ​ນ້ຳ​ຂະ​ໜາດ​ນ້ອຍ 1 ລຳ ທີ່​ເວົ້າ​ມາ ມັນ​ຄ້າຍ​ຄື​ກັບແນວ​ຄິດ​ຂອງ ຫຼາຍ​ຄົນ​ທີ່​ສົ່ງ​ຂໍ້​ຄວາມ​ມາ​ຫາ​ທ່ານ ແລະ ເພື່ອ​ນ​ຮ່ວມ​ງານ​ຂອງ​ທ່ານ​ຄື  ​ Michael Safi ຢ່າງ​ໜ້າ​ແປກ​ໃຈ ໃນ​ອາ​ທິ​ດ​ກ່ອນ .

ຜູ້​ນຳ​ດ້ານ​ເຕັກ​ໂນ​ໂລ​ຊີ ອາ​ເມ​ລິ​ການ ໃຫ້​ຮູ້​ວ່າ ເຮືອ​ມຸດ​ນ້ຳ​ຂະ​ໜາດ​ນ້ອຍ ທີ່​ທ່ານ​ຈະ​ສ້າງ-ຕໍ່ ຂື້ນ​ມາ​ຈະ​ໃຊ້​ເວ​ລາ 8 ຊົ່ວ​ໂມງ ແລະ 17ຊົ່ວ​ໂມງ​ໃນ​ການ​ສົ່ງ​ໄປ​ເຖິງ​ປະ​ເທດ​ໄທ. ປະ​ຈຸ​ບັນ ຍັງ​ບໍ່​ທັນ​ຮູ້​ວ່າ​ຈະ​ໄດ້​ໃຊ້​ເຂົ້າ​ໃນ​ພາ​ລະ​ກິດ​ກູ້​ໄພ-ກູ້​ຊີບ​ຄັ້ງ​ນີ້​ຫຼືບໍ່. ໃນ​ຕອນ​ເຊົ້າ ວັນ​ທີ 8 ກໍ​ລະ​ກົດ​ນີ້, ອຳ​ນາດ​ການ​ປົກ​ຄອງ ໄທ ໄດ້​ຖະ​ແຫຼງ​ຂ່າວ ກ່ຽວ​ກັບ​ກາ​ນ​ຍ້າຍ​ຜູ້​ຄົນ, ນັກ​ຂ່າວ​ທັງ​ພາຍ​ໃນ ແລະ ຕ່າງ​ປະ​ເທດ ອ​ອກ​ຈາກ​ບໍ​ລິ​ເວນ​ປາກ​ຖ້ຳ​ຫຼວງແລ້ວ ເພື່ອ​ປະ​ຕິ​ບັດ​ພາ​ລະ​ກິດ​ຊ່ວຍ​ເຫຼືອກູ້​ໄພ-ກູ້​ຊີບ ເດັກ​ນ້ອຍ ນັກ​ເຕະ​ບານ​ເຍົາ​ວະ​ຊົນ​ທັງ 12 ຄົນ​ພ້ອມ​ຄູ​ຝຶກ ແລ້ວ. ໜ່ວຍ​ແພ​ດ​ໝໍ, ນັກ​ຊ່ຽວ​ຊານ​ມຸດ​ນ້ຳ ໄດ້​ມາ​ຄົບ​ແລ້ວ​ເພື່ອ​ປະ​ຕິ​ບັດ​ພາ​ລະ​ກິດ​ຄັ້ງ​ນີ້.

ສ່ວນ​ຄວາມ​ຄື້ບ​ໜ້າມື້​ເຊົ້າ​ທີ່​ຜ່ານ​ມາ ຢູ່​ຕໍ່​ໜ້າ​ຖ້ຳ​ຫຼວງ-ຂຸນນ້ຳ​ນາງນອນ

ທ່ານ ນະ​ຣົງ​ສັກ ໂອ​ສົດ​ທະ​ນາ​ກອນ ​ເຈົ້າ​ແຂວງໆ ແຂວງ​ຊຽງ​ລາຍ ທັງ​ເປັນ​ຫົວ​ໜ້າ​ຄະ​ນະ​ຊ່ວຍ​ເຫຼືອ ທີມ​ນັກ​ເຕະ​ບາຍ​ເຍົາ​ວະ​ຊົນ ໝູ​ປ່າ​ອາ​ຄາ​ເດມີ້ 13 ຊີ​ວິ​ດ​ອອກ​ມາ​ຈາກ​ຖ້ຳ​ຫຼວງ ໄດ້​ລາຍ​ງານ​ຕໍ່​ໜ້າ​ຊື່ມວນ​ຊົນ​ທັງ​ໄທ ແລະ ຕ່າງ​ປະ​ເທດ​ທີ່​ກຳ​ລັງ​ຖ້າ​ຢູ່​ຕໍ່​ໜ້າ​ຖ້ຳ​ວ່າ: ປະ​ຈຸ​ບັນ​ທີມ​ງານ​ຊຸດ​ກູ້​ໄພ-ກູ້​ຊີບ ປະ​ສົມ​ມີ ແລະ ​ຈິດ​ໃຈ-ກຳ​ລັງ​ໃຈ​ຂອງ​ນ້ອງໆ ແມ່ນ​ພ້ອມ​ແລ້ວ ປະ​ກອບ​ກັບ​ສະ​ພາບ​ສິ່ງ​ແວດ​ລ້ອມ​ໃນ​ກ​ານ​ຊ່ວຍ​ເຫຼືອ​ຄື​ລະ​ດັບ​ນ້ຳ​ໃນ​ຖ້ຳ 1-2-3 ຫຼຸດ​ລົງ​ຢ່າງ​ເປັນ​ທີ່​ໜ້າ​ພໍ​ໃຈ​ຄື​ລະ​ດັບ​ນ້ຳ​ຫຼຸດ​ລົງ​ເຖິງ 30%, ສະ​ພາບ​ອາ​ກາດ​ເຫັນ​ວ່າ​ມີ​ຄວາມ​ສັບ​ສົນ​ທີ່​ສຸດ​ເບິ່ງ​ຕົວ​ຈິງ​ຕອນນີ້ພະ​ຍຸ​ໜ່ວຍ​ໃໝ່ກໍ່​ກຳ​ລັງ​ຈະເຂົ້າ​ອີກ​ແລ້ວ, ຄວາມ​ພ້ອມ​ອັນ​ທີ ສອງ​ແມ່ນ ສະ​ພາບ​ຈິດ​ໃຈ ​ແລະ ຮ່າງ​ກາຍ​ຂອງ​ນ້ອງ​ນັກ​ເຕະ​ເຍົາ​ວະ​ຊົນ​ແມ່ນ​ດີ​ທີ່​ສຸດ, ທັງ 13ຄົນ​ຮັບ​ຊາບ ​ຕໍ່​ພະ​ລະ​ກິດ​ທີ່ ທີມ​ງານ​ຊ່ວຍ​ເຫຼືອ​ຈະ​ເລີ່ມ​ປະ​ຕິ​ບັດ​ແລ້ວ ແລະ ພ້ອມ​ໃຫ້​ຄວາມ​ຮ່ວມ​ມື​ອອກ​ມາ​ກັບ​ໜ່ວຍ​ກູ້​ຊີບ​ນຳ​ອີກ. ນ​ອນນີ້​ທາງ​ຄອບ​ຄົວ​ກໍ່​ຄື​ຍາດ​ຕິ​ພີ່​ນ້ອງ​ຂອງ​ນ້ອງ​ນັກ​ເຕະ​ກໍ່​ຮັບ​ຊາບ​ແລ້ວ​ເຊັ່ນ​ດຽວ​ກັນ ແລະ ເຫັນ​ດີ​ເປັນ​ເອກ​ກະ​ພາບ​ນຳ​ຄະ​ນະ​ປະ​ຕິ​ບັດ​ງານ​ຄັ້ງ​ນີ້​ໃນ​ການ​ຊ່ວຍ​ເຫຼືອ​ກູ້​ໄພ-ນຳ​ໂຕ​ນ້ອງ​ທັງ 13 ຊີ​ວິດ​ອອກ​ມາ​ຈາກ​ຖ້ຳ. ຄວາມ​ພ້ອມ​ອັນ​ທີ​ສາມ ແມ່ນ​ທີມ​ແພດ​ໝໍ ໃນ​ສອງ​ສາມ​ມື້​ທີ່​ຜ່ານ​ມາ ທີມ​ແພດ​ໝໍ​ໄດ້​ມີ​ການ​ຊ້ອມ​ຢ່າງ​ລະ​ອຽດ​ທຸກ​ຢ່າງໃນ​ການ​ຊ່ວຍ​ເຫຼືອ​ຄັ້ງ​ນີ້. ໃນ​ການ​ນຳ​ໂຕ​ເດັກ​ຜູ້​ທຳ​ອອກ​ມາໄດ້ອາດ​ຈະ​ແມ່ນ ຕອນ 21ໂມງ​ຄືນມື້ນີ້, ແລະ ຈັດ​ຕັ້ງ​ປະ​ຕິ​ບັດ​ຢ່າງ​ຕໍ່​ເນື່ອງ​ໄປ​ຈົນ​ເຖິງ​ທັງ​ໝົດ​ 13 ຊີ​ວິດ​ຈະ​ອອກ​ມາ​ໝົດ​ ພາ​ລະ​ກິດ​ຈັ່ງ​ຖື​ວ່າ​ຊິ້ນ​ສຸດ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll