ມີຜູ້ເສຍຊີວິດ ແລະ ບາດເຈັບຈຳນວນຫຼາຍຈາກຄວາມຮຸນແຮງຢູ່ໃນການປະທ້ວງໃນອິນໂດເນເຊຍ.

13:53 2019/05/27

ທ່ານ ອານີເອສ ບາສະເວດານ ເຈົ້າຄອງນະຄອນຈາກາຕາ ແຈ້ງໃຫ້ຮູ້ເມື່ອວັນທີ 22 ພຶດສະພານີ້ວ່າ ມີຜູ້ເສຍຊີວິດ 6 ຄົນ ແລະ ບາດເຈັບອີກ 200 ຄົນ ຈາກການປະທ້ວງທີ່ກາຍເປັນຄວາມວຸ້ນວາຍ ຊຶ່ງເກີດຂຶ້ນຢູ່ໃນນະຄອນຫຼວງຈາກາຕາ ຫຼັງຈາກທີ່ຄະນະກຳມະການການເລືອກຕັ້ງຂອງອິນໂດເນເຊຍ (KPU) ປະກາດຜົນການເລືອກຕັ້ງປະທານາທິບໍດີຂອງປະເທດນີ້ ເມື່ອກ່ອນໜ້ານັ້ນໜຶ່ງວັນ.

ຂ່າວສານ ຣອຍ​ເຕີ ຂອງ​ອັງກິດ ລາຍ​ງານ​ອ້າງ​ຕາມ​ຄຳ​ປາ​ໄສ​ຂອງ​ທ່ານ​ອາ​ນີ​ເອ​​ສ ບາ​ສະ​ເວ​ດານ ຜ່ານ​ທາງ​ໂທລະພາບ​ຊ່ອງ TVOne ໃຫ້​ຮູ້​ວ່າ ຜູ້​ທີ່​ໄດ້​ຮັບ​ບາດເຈັບ​ດັ່ງກ່າວ ໄດ້​ຖືກ​ນຳ​ຕົວ​ສົ່ງ​ໄປ​ປິ່ນປົວ​ຢູ່​ໃນ​ໂຮງໝໍ 5 ແຫ່ງ ໃນ​ຂະນະ​ທີ່​ໂຮງໝໍ​ກໍ​ໄດ້​ດຳເນີນ​ການ​ສັນ​ລະ​ສູດ​ສົບ​ຜູ້​ເສຍ​ຊີວິດ ເພື່ອ​ກຳນົດ​ເຖິງ​ສາເຫດ​ຂອງ​ການ​ເສຍ​ຊີວິດ.

ຂ່າວ​ແຈ້ງວ່າ​ຜູ້​ປະ​ທ້ວງ​ຈຳນວນ​ຫຼາຍ ໄດ້​ພາກັນ​ໄປ​ເຕົ້າໂຮມ​ຢູ່​ໃນ​ບໍລິເວນ​ອ້ອມແອ້ມ​ຫ້ອງການ​ຂອງ​ອົງການ​ຕິດຕາມ​ກວດກາ​ການ​ເລືອກ​ຕັ້ງ (Bawaslu) ໃນ​ນະຄອນຫຼວງ​ຈາ​ກາ​ຕາ ແລະ KPU.

ການປະທ້ວງໃນອິນໂດເນເຊຍເຮັດໃຫ້ ມີ​ຜູ້​ເສຍ​ຊີວິດ 6 ຄົນ ແລະ​ ບາດເຈັບ​ອີກ 200 ຄົນ.  (ພາບ: vientianemai.net)

ຕຳຫຼວດ​ອິນ​ໂດ​ເນ​ເຊຍ​ໃຫ້​ຮູ້​ວ່າ ການ​ປະ​ທ້ວງ​ເລີ່ມ​ຂຶ້ນ​ດ້ວຍ​ຄວາມ​ສະຫງົບ ແຕ່​ວ່າ​ຫຼັງ​ຈາກ​ນັ້ນ​ໄດ້​ເກີດ​ຄວາມ​ວຸ້ນວາຍ​ຂຶ້ນ ໂດຍ​ສະເພາະ​ແມ່ນ​ໃນ​ເວລາ​ຄ່ຳ​ຄືນ​ຂອງ​ວັນ​ທີ 21 ພຶດສະພາ ເຮັດ​ໃຫ້​ຕຳຫຼວດ​ຕ້ອງ​ໄດ້​ຍິງ​ແກ​​ັສ​ນ້ຳ​ຕາ ເພື່ອ​ສະຫຼາຍ​ຜູ້​ປະ​ທ້ວງ​ຈຳນວນ​ຫຼາຍ. ລົດຍົນ​ຂອງ​ປະຊາຊົນ​ຫຼາຍ​ຄັນ ຢູ່​ໃນ​ເຂດ​ອາຄານ​ບ່ອນຢູ່​ອາ​ໃສ ໃນ​ນະຄອນຫຼວງ​ຈາ​ກາ​ຕາ ແລະ​ບັນດາ​ພາຫະນະ​ທີ່​ຕຳຫຼວດ​ໃຊ້​ເພື່ອ​ປະຕິບັດ​ໜ້າທີ່ ໄດ້​ຖືກ​ໄຟ​ເຜົາ​ໄໝ້.

ໂຄສົກ​ຂອງ​ອົງການ​ຕຳຫຼວດ​ອິນ​ໂດ​ເນ​ເຊຍ ຢັ້ງຢືນ​ວ່າ ຕຳຫຼວດ​ອິນ​ໂດ​ເນ​ເຊຍ​ໄດ້​ຈັບ​ກຸມ 20 ກວ່າ​ຄົນ ທີ່​ຖືກ​ກ່າວ​ຫາ​ວ່າ​ຢູ່​ເບື້ອງ​ຫຼັງ​ການ​ກະ​ຕຸ້ນ​ໃຫ້​ຜູ້​ປະ​ທ້ວງ​ກໍ່​ເຫດ​ວຸ້ນວາຍ.

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll