ມື້ນີ້​ເລີ່ມ​ປະ​ຕິ​ບັດ​ການ​ກູ້​ໄພ-ກູ້​ຊີບ ນຳ​ໂຕ​ໝູ​ປ່າ​ອອກ​ຈາກ​ຖ້ຳອີກ​ແລ້ວ

16:35 2018/07/09

ຍ​ສ​ໝ - ພາຍຫຼັງຜົນສຳເລັດຂອງການປະຕິບັດການມື້ວານນີ້ເຊິ່ງໄດ້ນຳໂຕນ້ອງນັກຮຽນທີມນັກເຕະບານ ໝູປ່າອອກມາໄດ້ 4 ຄົນ, ມື້ນີ້ໃນຕອນປະມານ 11ໂມງ ທີມງານມຸດ-ປະດານ້ຳ ໄດ້ເລີ່ມປະຕິບັດການຄັ້ງທີສອງແລ້ວ.

ມື້ນີ້​ເລີ່ມ​ປະ​ຕິ​ບັດ​ການ​ກູ້​ໄພ-ກູ້​ຊີບ ນຳ​ໂຕ​ໝູ​ປ່າ​ອອກ​ຈາກ​ຖ້ຳອີກ​ແລ້ວ
ຜູ້​ບັນ​ຊາ​ການ​ສູນ​ຊ່ວຍ​ເຫຼືອ-ກູ້​ໄພ-ກູ້​ຊີບ ອອກ​ຖະ​ແຫຼງ​ການ​.

ທ່າມ​ການ​ຄວາມ​ດີ​ໃຈ​ຂອງ​ທີມ​ຊ່ວຍ​ເຫຼືອ​ທີ່​ເຂົ້າ​ໄປ​ນຳ​ໂຕ​ທີມ​ໝູ​ປາ ອາ​ຄາ​ເດມີ້​ອອກ​ມາ​ຈາກ​ຖ້ຳ​ຫວຼງ​-ຂຸນ​ນ້ຳ​ນາງນອນ,  ທີມ​ສື່​ນັກທັງ​ໄທ​ແລະ​ຕ່າງ​ປະ​ເທດ​ທີ່​ຖ້າ​ເອົາ​ຂ່າວ​ຢູ່​ພາຍນອກ, ພໍ່​ແມ່​ຍາດ​ຕິ​ພີ່​ນ້ອງ​ຂອງ​ນ້ອງໆ​ທັງ 13 ຊີ​ວີດ ແລະ ພ​ໍ່​ແມ່​ປະ​ຊາ​ຊົນ​ຊາວ​ໄທ​ໃນ​ທົ່​ວ​ປະ​ເທດຕ່າງ​ພາ​ກັນ​ດີ​ໃຈ ແລະ ມີ​ຄວາມ​ຊາບ​ຊືງ​ເມືອ​ເຫັນ​ການ​ເຄື່ອນ​ໄຫວ​ຂອງ​ລົດ​ພະ​ຍາ​ບານ-ຍົນ ເຮ​ລີ​ຄອບ​ເຕີ້ ມີ​ການ​ເຄື່ອນ​ໄຫວ ເພາະ​ສິ່ງນັ້ນ​ໝາຍ​ເຖິງ​ການ​ຂົນ​ສົ່ງ​ເດັກ​ນ້ອຍ​ໄປ​ໂຮງ​ໝໍ.

ພາຍ​ຫຼັງ​ການ​ປະ​ຕິ​ບັດ​ການ​ຊິ້ນ​ສຸດ​ລົງ ຫົວ​ໜ້າ​ສູນ​ປະ​ຕິ​ບັດ​ການ​ຊ່ວຍ​ເຫຼືອ​ ອາ​ດີດ​ເຈົ້າ​ແຂວງ ຊຽງ​ລາຍກໍ່​ໄດ້​ອອກ​ມາ​ຖະ​ແຫຼງ​ການ​ຢ່າງ​ເປັນ​ທາງ​ການ​ວ່າ: ມີນີ້​ການ​ປະ​ຕິ​ບັດ​ການ​ນຳ​ໂຕ​ເດັກ​ນ້ອຍ​ເຍົາ​ວະ​ຊົນ​ອອກ​ມາ​ຈາກ​ຖ້ຳ​ມື້ນີ້​ແມ່ນ​ມີ​ຄວາມ​ສຳ​ບູນ 100% ໂດຍ​ນຳ​ໂຕ​ອອກ​ມາ​ໄດ້ 4ຄົນ ດ້ວຍ​ຄວາມ​ປອດ​ໄພ, ແຕ່​ທ່ານ​ກ່າວ​ວ່າ​ປະ​ຈຸ​ບັນ​ແມ່ນບໍ່​ສາ​ມາດ​ເປີດ​ເຜີຍ​ໄດ້​ວ່າ​ ເດັນ​ນ້ອຍ​ທັງ​ສີ່​ຄົນ​ທີ່​ອອກ​ມາ​ແມ່ນ​ຊື່​ຫຍັງ.

ມາ​ຮອດ​ຕອນ 15ໂມງ​ ຂອງວັນ​ທີ 9 ກໍ​ລະ​ກົດ​ທີ່​ຜ່ານ​ມາ, ທ່າ​ນ​ຫົວ​ໜ້າ​ສູນ​ບັນ​ຊາ​ການ ກາ​ນ​ກູ້​ໄພ-ກູ້​ຊີບ ຊ່ວຍ​ເຫຼືອ​ເດັກ​ນ້ອຍເຍົາ​ວະ​ຊົນ​ທັງ 13 ຊີ​ວິດ​ອອກ​ມາ​ຈາກ​ຖ້ຳ​ຫຼວງ-ຂຸນ​ນ້ຳ​ນາງນອນ ໄດ້​ອອກ​ມາ​ຖະ​ແຫຼງ​ການ​ອີກ​ຄັ້ງ​ໜຶ່ງວ່າ: ມື້ນີ້​ຄະ​ນະ​ຊ່​ຽວ​ຊານ​ດ້ານ​ການ​ມຸດ-ປະ​ດາ​ນ້ຳ​ຊຸດ​ເກົ່າ​ໄດ້ ເລີ່ມ​ຈັດ​ຕັ້ງ​ປະ​ຕິ​ບັດ​ການ​ຊ່ວຍ​ເຫຼືອ-ກູ້​ໄພ-ກູ້​ຊີບ ນຳ​ໂຕ​ໝູ​ປາ​ທີ່​ຍັງ​ເຫຼືອ​ອອກ​ມາ​ແລ້ວ​ໃນ​ເວ​ລາ 11ໂມງ. ທັງ​ນີ້​ທ່ານ​ກໍ່​ຂໍ​ໃຫ້​ພີ່​ນ້ອງ​ສື່ມວນ​ຊົນ, ທີມ​ງານ​ທຸ​ຄົນ​ນະ​ທີ່ນີ້, ພໍ່​ແມ່​ຍາດ​ຕິ​ພີ່​ນ້ອງ​ຂອງ​ເດັກ​ນ້ອຍ ແລະ ປະ​ຊາ​ຊົນ​ທົ່ວ​ປະ​ເທດ​ຈົ່ງ​ສົ່ງ​ກຳ​ລັງ​ໃຈ ໃຫ້​ການ​ປະ​ຕິ​ບັດ​ການ​ຄັ້ງ​ນີ້​ປະ​ສົບ​ຄວາມ​ສຳ​ເລັດ​ດ້ວຍ​ດີ.

ຫັດ​ທະ​ບູນ
;

同类别新闻