ພົບ​ແລ້ວ ທີມໝູປ່າ ອາຄາດາມິ້ ຊຽງລາຍປະເທດໄທ

14:18 2018/07/03

ຍ​ສ​ໝ - ໃນຄືນຂອງວັນທີ 2 ກໍລະກົດ ປະມານ 23 ໂມງ ທາງອຳນາດການປົກຄອງ ແຂວງ ຊຽງລາຍໂດຍທ່ານ ເຈົ້າແຂວງ-ແຂວງຊຽງລາຍ ໄດ້ຖະແຫຼງຂ່າວດີດັ່ງກ່າວໃຫ້ ພໍ່ແມ່ຜູ້ປົກຄອງ, ຍາດຕິພີ່ນ້ອງຂອງເດັກນ້ອຍທັງ 12 ຄົນ ແລະ ຄູຝຶກອີກ 1 ຄົນ ພ້ອມທັງຄົນໄທ ທັງປະເທດທີ່ກຳລັງຈົດຈໍ່ຕິດຕາມໃນການຊ່ວຍເຫຼືອ ກູ້ຊີວິດ ນຳຕົວທີມໝູ່ປ່າອອກມາຈາກຖ້ຳ.

 ພົບ​ແລ້ວ ທີມໝູປ່າ ອາຄາດາມິ້ ຊຽງລາຍປະເທດໄທ
ເດັກ​ນ້ອຍ​ເຍົາ​ວະ​ຊົນ​ທີມ​ເຕະ​ບານ ໝູ​ປ່າ ອາ​ຄາ​ດາມີ້ ທັງ​ 13 ຄົນ ປອດ​ໄພ​ດີ.

ເມື່ອ​ໄດ້​ຮັບ​ຂ່າວ​ຈາກ ນັກ​ມຸດ​ນ້ຳ​ ຊາວ​ອັງ​ກິດ​ສອງ​ຄົນ​ທີ່​ເປັນ​ໜ່ວຍ​ກູ້​ໄພ​ຊຸດ​ທຳ​ອິດ​ທີ່​ດຳ​ເນີນ​ການ​ມຸດ​ນ້ຳ​ເຂົ້າ​ໄປ​ກ່ອນ ແລະ ພົບ​ກັບ​ທີມ​ເຕະ​ບານ​ເຍົາ​ວະຊົນ ໝູ​ປ່າ ອາ​ຄາ​ດາ​ມີ້ . ຫຼັງ​ຈາກນັ້ນ​ທ່ານ ນະ​ລົງ​ສັກ ໂອ​ສົດ​ທະ​ນາ​ກອນ ເຈົ້າ​ແຂ​ວງ - ແຂວງ​ຊຽງ​ລາຍ ແລະ​ ທີມ​ງານ​ຊ່ວຍ​ເຫຼືອ ກູ້​ໄພ ແລະ ນຳ​ນັກ​ເຕະ​ບານ​ເຍົາ​ວະ​ຊົນ ອອກ​ມາ​ຈາກ ຖ້ຳ​ຫຼວງ ກໍ່​ໄດ້​ທຳ​ການ​ຖະ​ແຫຼງ​ຂ່າວ​ດີ ທີ່​ຄົນ​ໄທ​ທັງ​ປະ​ເທດ​ກຳ​ລັງ​ເຝົ້າ​ຕິດ​ຕາມ​ຢ່າງ​ໃຈ​ຈົດ​ໃຈ​ຈໍ່ ແລະ ສົ່ງ​ກຳ​ລັງ​ໃຈ​ມາ​ທີ່​ຖ້ຳ​ຫຼວງ​ແຫ່ງນີ້​ເວົ້າ​ລວມ, ພໍ່​ແມ່​ຜູ້​ປົກ​ຄອງ ຍາດ​ຕິ​ພີ່​ນ້ອງ​ຂອງ​ນ້ອງໆ​ນັກ​ເຕະ​ບານ​ເຍົາ​ວະ​ຊົນ ທີ່​ກຳ​ລັງ​ເຝົ້າ​ປາກ​ຖ້ຳ ດ້ວຍ​ຄວາມ​ເປັນ​ຫ່ວງ ແລະ​ ມີ​ຄວາມ​ຫັວງ ເວົ້າ​ສະ​ເພາະ​.

ທີມ​ກູ້​ໄພ​ເພື່ອ​ຄົ້ນ​ຫາ​ເດັກ​ນ້ອຍ​ທັງ 13 ຄົນ.

ໃນ​ການ​ຊ່ວຍ​ເຫຼືອ ກູ້​ໄພ​ໃນ​ຄັ້ງ​ນີ້ ແມ່ນ​ລວມ​ເອົາ ຜູ້​ຊ່ຽວ​ຊານ​ໃນ​ການ​ກູ້​ໄພ ທັງ​ພາຍ​ໃນ ແລະ ທົ່ວ​ໂລກ. ໃນ​ນັ້ນ​ພິ​ເສດ​ແມ່ນ​ກອງ​ທະ​ຫານ ໝ່ວຍ​ພິ​ເສດ(ຊິວ) ກໍ່​ໄດ້​ເຂົ້າ​ຮ່ວມ​ຢ່າງ​ເຕັມ​ກຳ​ລັງ . ໃນ​ການ​ຊ່ວຍ​ເຫຼືອ​ໃນ​ໄລ​ຍະ​ເວ​ລາປະ​ມານ 10 ວັນ ແມ່ນ​ມີ​ຄວາມ​ຫຍຸ້ງ​ຍາກ​ລຳ​ບາກ​ຫຼາຍ​ທີ່​ສຸດ ເພາະ​ຖືກ​ກະ​ທົບ​ຈາກ​ສະ​ພາບ​ອາ​ກາດທີ່ ມີ​ຝົນ​ຕົກ​ລົງ​ມາ​ຢ່າງ​ຕໍ່​ເນື່ອງ​, ເຮັດ​ໃຫ້​ທາງ​ເຂົ້າ​ຖ້ຳ ມີ​ນ້ຳ​ຖ້ວມ ເຮັດ​ໃຫ້​ຄະ​ນະ, ທີມ​ຊ່ວຍ​ເຫຼືອ​ທັງ​ພາຍ​ໃນ ແລະ ຕ່າງ​ປະ​ເທດ ປະ​ສົບ​ກັບ​ອຸ​ປະ​ສັກ​ຫຼາຍ​ທີ່​ສຸດ.

ການ​ເຮັດ​ວຽກ​ຢ່າງ​ຕໍ່​ເນື່ອງ​ລຽນ​ຕິດ​ຕະ​ຫຼອດ 24 ຊົ່ວ​ໂມງ​ຂອງ​ທະ​ຫານ​ໃນ​ການ​ຊ່ວຍ​ເຫຼືອ​ຄັ້ງ​ນີ້.

ພາຍ​ຫຼັງ​ຄວາມ​ພະ​ຍາ​ຍາມ​ຢ່າງ​ບໍ່​ຮູ້​ອິດ​ຮູ້​ເມື່ອຍ​ຂອງ​ອຳ​ນາດ​ການ​ປົກ​ຄອງ, ໜ່ວຍ​ງານ​ກູ້​ໄພ​ ທັງ​ພາຍ​ໃນ​ແລະ​ຕ່າງ​ປະ​ເທດ, ນອກ​ນັ້ນ​ກໍ່​ຍັງ​ມີ​ພໍ່​ແມ່​ປະ​ຊາ​ຊົນ ຢູ່​ອ້ອມ​ຂ້າງກໍ່​ອຳ​ນວຍ​ຄວາມ​ສະ​ດວກ​ຢ່າງ​ເຕັມ​ກຳ​ລັງ​ເພື່ອ​ເປັນ​ສ່ວນ​ໜື່ງ​ໃນ​ການ​ຊ່ວຍ​ເຫຼືອ​ເດັກ​ນ້ອຍ​ເຍົາ​ວະ​ຊົນ​ທັງ​ 13 ຄົນ.

ການ​ເຮັດ​ວຽກ​ຢ່າງ​ຕໍ່​ເນື່ອງ​ລຽນ​ຕິດ​ຕະ​ຫຼອດ 24 ຊົ່ວ​ໂມງ​ຂອງ​ທະ​ຫານ​ໃນ​ການ​ຊ່ວຍ​ເຫຼືອ​ຄັ້ງ​ນີ້.

ຊ່ວງ​ປະ​ມານ 21ໂມງ 45 ນາ​ທີ ຂອງວ​ານນີ້, ນັກ​ມຸດ​ນ້ຳ​ຊາວ​ອັງ​ກິດ 2 ຄົນ ແມ່ນ​ທິມ​ທຳ​ອິດ​ທີ່ໄດ້​ມຸດ​ນ້ຳ​ເຂົ້າ​ໄປ ແລະ ພົບ​ກັບ​ເດັກ​ນ້ອຍ ທັງ 13 ຄົນ. ໃນ​ການ​ພົບ​ເຫັນ​ເບື້ອງ​ຕົ້ນ​ເຫັນ​ວ່າ​ເດັກ​ນ້ອຍ​ທັງ 13 ຄົນ​ແມ່ນ​ຍັງ​ປອດ​ໄພໝົດ​ທຸກ​ຄົນ, ເດັກ​ນ້ອຍ​ສາ​ມາດ​ເວົ້າ​ຈາ​ໂຕ້​ຕອບກອບ​ໜ່ວຍ​ກູ້​ໄພ​ຊາວ​ອັງ​ກິດ​ໄດ້​ດີ.

ປະ​ຈຸ​ບັນ​ຫົວ​ໜ້າ​ຊຸດ ກູ້​ໄພ, ຊ່ວຍ​ເຫຼືອ ແລະ ນຳ​ເດັກ​ນ້ອຍ​ອອກ​ມາ​ຈາກ​ຖ້ຳ​ຫວຼງ ແມ່ນ​ກຳ​ລັງ​ວາງ​ແຜນ​ທີ່​ຈະ​ນຳ​ຕົວ​ເດັກ​ນ້ອຍ​ທັງ​ໝົດ​ອອກ​ມາ​ຈາກ​ຖ້ຳ​ໃຫ້​ປອດ​ໄພ. ເບື້ອງ​ຕົ້ນ​ແມ່ນ​ຈະ​ລຳ​ລຽງ​ອາ​ຫ​ານ, ຢາ​, ເຄື່ອງ​ນຸ່ງ​ຮົມ ເພື່ອ​ຈະ​ປະ​ຖົມ​ພະ​ຍາ​ບານ​ເບື້ອງ​ຕົ້ນ​ໃຫ້​ນ້ອງໆ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll