ປະທານາທິບໍດີ Trump ປະກາດຈະເລີ່ມການເຈລະຈາ ດ້ານການຄ້າ ກັບ ຈີນ ຢ່າງຮີບດ່ວນ

15:58 2019/08/26

ຍສໝ - ສຳນັກຂ່າວ Bloomberg (USA) ໃນວັນທີ 26 ສິງຫານີ້ລາຍງານວ່າ ປະທານາທິບໍດີສະຫະລັດອາເມລິກາ ທ່ານ ໂດນັນ ທຣຳ ປະກາດວ່າຈະເລີ້ມການເຈລະຈາດ້ານການຄ້າ ກັບ ປະເທດຈີນ ຄືນໃໝ່.

ປະທານາທິບໍດີ Trump ປະກາດຈະເລີ່ມການເຈລະຈາ ດ້ານການຄ້າ ກັບ ຈີນ ຢ່າງຮີບດ່ວນ
ປະທານນາທິບໍດີ ສະຫະລັດອາເມລິກາ Donald Trump.(ພາບ:Reuters)

ປະທານາທິບໍດີ Trump ກ່າວຕໍ່ບັນດານັກຂ່າວວ່າ: ລັດຖະບານຈີນໄດ້ຮຽກຮ້ອງໃຫ້ທີມງານຂອງທ່ານຢ່າງຈິງຈັງ ຢູ່ນະຄອນຫຼວງວໍຊິງຕັນ ໃນວັນທີ 25 ສິງຫາ ເພື່ອສະເໜີໃຫ້ເປີດການເຈລະຈາການຄ້າຄືນໃໝ່.

ເມື່ອບໍ່ດົນມານີ້, ຈີນໄດ້ “ເລີ່ມຍິງຄຳເຕືອນ” ໃຫ້ສະຫະລັດອາເມລິກາ ໃນວັນທີ 5 ສິງຫາ ເມື່ອຫຼຸດລາຄາເງິນຢວນລົງ ຢູ່ລະດັບຕໍ່າສຸດໃນຮອບໜຶ່ງທົດສະວັດ.

ປະທານາທິບໍດີ Trump, ໃນວັນທີ 13 ສິງຫາ ໄດ້ປະກາດຍົກເລີກອັດຕາພາສີໃໝ່ 10% ເຊິ່ງຄາດວ່າຈະມີຜົນບັງຄັບໃຊ້ນັບແຕ່ວັນທີ 1 ກັນຍາ ສຳລັບສິນຄ້າຫລາຍພັນປະເພດ ທີ່ນຳເຂົ້າຈາກປະເທດຈີນ, ລວມທັງຜະລິດຕະພັນເຕັກໂນໂລຢີ, ເຄື່ອງນຸ່ງ ... ຮອດວັນທີ 15 ທັນວາ.

ໃນວັນທີ 23 ສິງຫາ, ປະເທດຈີນ ປະກາດນຳໃຊ້ພາສີໃໝ່ຕໍ່ສິນຄ້າທີ່ມີ ມູນຄ່າ 75 ຕື້ໂດລາະຫະລັດ ທີ່ນຳເຂົ້າຈາກສະຫະລັດອາເມລິກາ. ປະທານາທິບໍດີ Trump ໄດ້ຕອບໂຕ້ດ້ວຍການລົງໂທດດ້ານພາສີເພີ່ມເຕີມ ແລະ ເຕືອນກ່ຽວກັບສະພາວະສຸກເສີນທາງເສດຖະກິດທີ່ຈະບັງຄັບໃຫ້ນັກທຸລະກິດສະຫະລັດອາເມລິກາ ຕັດສາຍພົວພັນກັບປະເທດຈີນ.

ໃນສະພາບການທີ່ກ່ຽວຂ້ອງ, ທ່ານປະທານາທິບໍດີ Trump ໄດ້ສະແດງຄວາມເສຍໃຈຕໍ່ການເພີ່ມທະວີສົງຄາມການຄ້າ ກັບ ຈີນ ໃນຕອນທີ່ທ່ານເຂົ້າຮ່ວມກອງປະຊຸມສຸດຍອດອຸດສາຫະກຳ ພັດທະນາ ອັນດັບຕົ້ນໆຂອງໂລກ (G-7)  ຢູ່ປະເທດຝຣັ່ງ ໃນລະຫວ່າງວັນທີ 24-26 ສິງຫາ.

ວັນທີ 25 ສິງຫາ, ຫລັງຈາກໄດ້ຮັບປະທານອາຫານເຊົ້າ ກັບ ນາຍົກລັດຖະມົນຕີອັງກິດທ່ານ Boris Johnson, ປະທານາທິບໍດີ Trump ກ່າວວ່າ: ທ່ານມີຄວາມສົງໄສກ່ຽວກັບສົງຄາມການຄ້າກັບຈີນ.

ກ່ອນໜ້ານີ້, ປະທານາທິບໍດີ Trump ໃນເດືອນມິຖຸນາ 2018 ໄດ້ຕັ້ງພາສີ 25% ຕໍ່ສິນຄ້າຈີນທີ່ມີມູນຄ່າ 50 ຕື້ໂດລາສະຫະລັດ ເພື່ອດັດປັບການຂາດດຸນການຄ້າລະຫວ່າງສອງຝ່າຍ.

ນັບແຕ່ນັ້ນມາ, ອາເມລິກາ ແລະ ຈີນໄດ້ເພີ່ມພາສີ ນຳເຂົ້າສິນຄ້າເຊິ່ງກັນແລະກັນຫຼາຍຄັ້ງ, ເຮັດໃຫ້ການພົວພັນສອງຝ່າຍເຄັ່ງຕຶງ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll