ບັນດາຂໍ້ລິເລີ່ມຂອງອາຊຽນ ເພື່ອການຮ່ວມມືໃນພາກພື້ນ

08:09 2019/10/12

ຍສໝ - ຫວ່າງແລ້ວນີ້, ກອງປະຊຸມຮອງລັດຖະມົນຕີປ້ອງກັນປະເທດ ອາຊຽນ-ຍີ່ປຸ່ນ ຄັ້ງທີ 11 ໄດ້ຈັດຂຶ້ນຢູ່ນະຄອນຫຼວງໂຕກຽວ, ຍີ່ປຸ່ນ.

ບັນດາຂໍ້ລິເລີ່ມຂອງອາຊຽນ ເພື່ອການຮ່ວມມືໃນພາກພື້ນ
ກອງປະຊຸມຮອງລັດຖະມົນຕີປ້ອງກັນປະເທດ ອາຊຽນ-ຍີ່ປຸ່ນ ຄັ້ງທີ 9.(ພາບ:TTXVN)

ທີ່ກອງປະຊຸມ, ບັນດາບົດກ່າວປາໄສໄດ້ເຫັນດີເປັນເອກະພາບໃຫ້ຂໍ້ສັງເກດວ່າ  ພາກພື້ນກໍາລັງປະເຊີນໜ້າກັບສິ່ງທ້າທາຍນາໆປະການທັງກ່ຽວຂ້ອງກັບການທະຫານ ແລະບໍ່ແມ່ນການທະຫານ, ພິເສດແມ່ນການແກ່ງແຍ່ງລະຫວ່າງປະເທດມະຫາອໍານາດ, ການຂັດແຍ່ງອະທິປະໄຕຜືນແຜ່ນດິນ, ການກໍ່ການຮ້າຍ, ຄວາມໝັ້ນຄົງທາງອິນເຕີແນັດ ແລະ ອື່ນໆ.

ກ່າວຄໍາເຫັນທີ່ກອງປະຊຸມ, ທ່ານພົນຕີ ໂງມິງຕ໋ຽນ, ຫົວໜ້າຄະນະຫວຽດນາມ ໄດ້ເນັ້ນໜັກວ່າ: ເລື່ອງເພີ່ມທະວີການຮ່ວມມືຫຼາຍຝ່າຍ, ໂດຍສະເພາະແມ່ນບັນດາການຮ່ວມມືໃນຂອບເຂດກອງປະຊຸມລັດຖະມົນຕີປ້ອງກັນປະເທດບັນດາປະເທດອາຂຽນ (ADMM)  ແລະ ກອງປະຊຸມລັດຖະມົນຕີປ້ອງກັນປະເທດບັນດາປະເທດອາຊຽນເປີດກວ້າງ (ADMM+) ແມ່ນສິ່ງທີ່ຈໍາເປັນຕ້ອງເພື່ອເພີ່ມທະວີການເຈລະຈາກ່ຽວກັບບັນດາບັນຫາສາກົນ, ພາກພື້ນທີີ່ຕ່າງຝ່າຍຕ່າງມີຄວາມສົນໃຈ, ປະກອບສ່ວນເພີ່ມທະວີຄວາມໄວ້ວາງໃຈລະຫວ່າງບັນດາປະເທດ ແລະສ້າງຂອບເຂດເພື່ອຊຸກຍູ້ການຮ່ວມມື ທີ່ແທດຈິງລະຫວ່າງກໍາລັງການທະຫານບັນດາປະເທດພາຍໃນ ແລະນອກອາຊຽນ; ພ້ອມທັງຕີລາຄາສູງບັນດາການປະກອບສ່ວນທີ່ຕັ້ງໜ້າຂອງຍີ່ປຸ່ນ ໃນຂອບເຂດ ADMM+ ນັບແຕ່ເມື່ອກົນໄກນີ້ໄດ້ຮັບການສ້າງຕັ້ງຢູ່ຫວຽດນາມ ໃນເດືອນ ຕຸລາ ປີ 2010; ຫວຽດນາມ ຈະສືບຕໍ່ສົມທົບກັນຢ່າງແໜ້ນແຟ້ນ ກັບບັນດາຝ່າຍທີ່ກ່ຽວຂ້ອງເພື່ອສືບຕໍ່ຜັນຂະຫຍາຍບັນດາເນື້ອໃນຮ່ວມມືລະຫວ່າງອາຊຽນ ແລະ ຍີ່ປຸ່ນ ບົນຈິດໃຈເອກະສານ “ວິໄສທັດວຽງຈັນ”.

ກອງປະຊຸມຮອງລັດຖະມົນຕີປ້ອງກັນປະເທດ ອາຊຽນ-ຍີ່ປຸ່ນ ຄັ້ງທີ 11 ມີ 3 ວາລະຕົ້ນຕໍດ້ວຍບັນດາຫົວຂໍ້: ສະພາບຄວາມໝັ້ນຄົງຢູ່ພາກພື້ນ, ພາບພົດໃນອະນາຄົດໃຫ້ແກ່ພາກພື້ນມະຫາສະໝຸດອິນເດຍ-ປາຊີຟິກ: ມຸ່ງໄປເຖິງຄວາມເປັນລະບຽບຮຽບຮ້ອຍຂອງພາກພື້ນເສລີພາບ ແລະເປີດກວ້າງ; ບັນດາຂໍ້ລິເລີ່ມຂອງອາຊຽນ ເພື່ອການຮ່ວມມືໃນພາກພື້ນ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll