ນັກວິຊາການລັດເຊຍ ຕີລາຄາສູງບົດບາດຂອງການພົວພັນຮ່ວມມື ກັບ ຫວຽດນາມ

20:00 2019/08/13

ຍສໝ - ຕາມນັກວິຊາຊານ Grigory Trofimchuk, ໃນກໍລະນີທີ່ຫວຽດນາມ, ຄູ່ຮ່ວມມືຍຸດທະສາດຮອບດ້ານ ຂອງ Moskva, ແມ່ນ ໜຶ່ງໃນ ຕົວຢ່າງອັນພົ້ນເດັ່ນເຮັດໃຫ້ ລັດເຊຍເພີ່ມທະວີການປະກົດຕົວຢູ່ໃນອາຊີ.

ນັກວິຊາການລັດເຊຍ ຕີລາຄາສູງບົດບາດຂອງການພົວພັນຮ່ວມມື ກັບ ຫວຽດນາມ
ການພົວພັນຮ່ວມມື ກັບ ຫວຽດນາມ.(ພາບ: ສຳນັກຂ່າວຫວຽດນາມ)

ຕາມການລາຍງານຂອງ ນັກຂ່າວສຳນັກຂ່າວຫວຽດນາມ ປະຈຳ Moska, ສຳນັກຂ່າວ Realist ຂອງລັດເຊຍ ໄດ້ລົງບົດຂ່າວໃນເວບໄຊ ກ່ຽວກັບບົດວິເຄາະ ໂດຍນັກວິຊາການວິເຄາະ ສາກົນ Grigory Trofimchuk: ໃນຫົວຂໍ້ “ ຮ່ວມມື ລັດເຊຍ-ຫວຽດນາມກຳລັງພັດທະນາຢ່າງເຂັ້ມແຂງ”.

ບົດວິເຄາະໄດ້ຊີ້ໃຫ້ເຫັນວ່າ ຣັດເຊຍ ໄດ້ເພີ່ມທະວີການປະກົດຕົນ ຢູ່ ໃນພາກຕາເວັນອອກ, ພິເສດແມ່ນ ໃນອາຊີຕາເວັນອອກສຽງໃຕ້, ເກີດຈາກຄວາມຕ້ອງການຕົວຈິງ ເພື່ອຊຸກຍູ້ເພີ່ມທະວີການເຊື່ອມໂຍງ ກັບ ບັນດາປະເທດໃນພາກພື້ນ.

ຕາມນັກວິຊາຊານ Grigory Trofimchuk, ໃນກໍລະນີທີ່ຫວຽດນາມ, ຄູ່ຮ່ວມມືຍຸດທະສາດຮອບດ້ານ ຂອງ Moskva, ແມ່ນໜຶ່ງໃນຕົວຢ່າງອັນພົ້ນເດັ່ນເຮັດໃຫ້  ລັດເຊຍເພີ່ມທະວີການປະກົດຕົວຢູ່ໃນອາຊີ. ສອງຝ່າຍກຳລັງຈັດຕັ້ງປະຕິບັດ ການຮ່ວມມືດ້ານເສດຖະກິດຮອບດ້ານ, ເຊິ່ງປະກອບມີ ການຮ່ວມມືຢ່າງມີປະສິດທິຜົນໃນຂົງເຂດ ນ້ຳມັນເຊື້ອໄຟ .

ນັກວິຊາການ Grigory Trofimchuk ໄດ້ໃຫ້ຮູ້ວ່າ: ດ້ວຍຊ່ວຍເຫຼືອ, ສະໜັບສະໜູນ ຂອງຄູ່ຮ່ວມມື ທີ່ໄວ້ເນື້ອເຊື່ອໃຈ ຄື ຫວຽດນາມ, ລັດເຊຍ ຈິງຮັກສາໄດ້ສະຖານະທີ່ເໝາະສົມ ໃນແຜນທີ່ພະລັງງານຂອງອາຊີຕາເວັນອອກສ່ຽງໃຕ້. ນັກວິຊາການລັດເຊຍ ຍັງເຊື່ອວ່າ: ໜຶ່ງໃນບັນດາຫຼັກຖານ ກໍ່ຄືສິ່ງທີ່ໜ້າເຊື່ອຖືທີ່ສຸດຂອງການຮ່ວມມືນີ້ ແມ່ນການຈັດຕັ້ງປະຕິບັດການດຳເນີນທຸລະກິດ ຂອງ ບໍລິສັດ Rosneft Vietnam BV, ເຊິ່ງເປັນບໍລິສັດລູກ ຂອງ ກຸ່ມບໍລິສັດ ນ້ຳມັນອາຍແກັສຂອງລັດເຊຍ, Rosneft.

ປະຈຸບັນບໍລິສັດໄດ້ດຳເນີນການຂຸດເຈາະ ດ້ວຍເຕັກໂນໂລຢີສູງ ຢູ່ເຂດໄຫຼ່ທະວີບຂອງຫວຽດນາມ ທະເລຕາເວັນອອກ,   ເຮັດໃຫ້ແຫ່ຼງສະໜອງ ວັດຖຸດິບນັ້ນຄືນ້ຳມັນດີບເພີ່ມຂຶ້ນ. ກ່ຽວກັບບັນຫາຕ່າງໆ ຢູ່ທະເລຕາເວັນອອກ, ນັກວິເຄາະ Grigory Trofimchuk ໄດ້ໃຫ້ຮູ້ຕື່ມອີກວ່າ: ທ່າທີຂອງລັດເຊຍ ບໍ່ປ່ຽນແປງ, ອີງໃສ່ການປະຕິບັດຕາມຫຼັກການກົດໝາຍສາກົນ, ສົນທິສັນຍາສະຫະປະຊາຊາດກ່ຽວກັບກົດໝາຍທະເລ ໃນປີ 1982, ຖະແຫຼງການກ່ຽວກັບພຶດຕິກຳ ຂອງແຕ່ລະຝ່າຍໃນທະເລຕາເວັນອອກ (DOC), ພ້ອມກັນນັ້ນ, ສະໜັບສະໜູນ ຍູ້ແຮງຂັ້ນຕອນການຮ່າງກົດລະບຽບ ຫຼັກການ ແຫ່ງການປະພຶດຕົວ ຢູ່ ທະເລຕາເວັນອອກ (COC).

​ຫັດ​ທະ​ບູນ
;

同类别新闻