ຈຳນວນຜູ້ເສຍຊີວິດ ໃນອຸທົກກະໄພ ຢູ່ ຢີປຸ່ນ ເພີ່ມຂື້ນເປັນເກືອບຮອດ 180 ຄົນແລ້ວ

15:59 2018/07/11

ຍ​ສ​ໝ - ຈຳນວນຜູ້ເສຍຊີວິດໃນເຫດການຝົນຕົກໜັກ ເຮັດໃຫ້ມີດິນເຈື່ອນ ແລະ ນ້ຳຖ້ວມ ຢູ່ ພາກຕາເວັນຕົກ ຂອງ ຢີປຸ່ນໄດ້ເພີ່ມຂື້ນເປັນ 179 ຄົນແລ້ວ.

ຈຳນວນຜູ້ເສຍຊີວິດ ໃນອຸທົກກະໄພ ຢູ່ ຢີປຸ່ນ ເພີ່ມຂື້ນເປັນເກືອບຮອດ 180 ຄົນແລ້ວ

ນີ້​ແມ່ນ​ຂໍ້​ມູນ​ທີ່​ໂຄ​ສົກ​ຂອງ​ລັດ​ຖະ​ບານ​ຢີ​ປຸ່ນ ໄດ້​ໃຫ້​ຮູ້​ໃນ​ວັນ​ທີ 11 ກໍ​ລະ​ກົດ​ນີ້.

ຕົວ​ເມືອງ​ເປັນ​ອຳ​ມະ​ພາດ.

ຖະ​ແຫຼງ​ການ​ຂອງ​ຢີ​ປຸ່ນ​ໃຫ້​ຮູ້​ວ່າ ການ​ຄົ້ນ​ຫາ ແລະ ກູ້​ໄພ ແມ່ນ​ກຳ​ລັງ​ດຳ​ເນີນ​ໄປ​ຢ່າງ​ເຮັ່ງ​ດ່ວນ ພາຍ​ຫຼັງ​ຝົນ​ຕົກ​ໜັກ ເຮັດ​ໃຫ້​ເກີດ​ມີນ້ຳ​ຖ້ວມ ແລະ​ດິນ​ເຈື່ອນ. ປະ​ຈຸ​ບັນ ຍັງ​ຄົງ​ມີ​ຜູ້​ສູນ​ຫາຍ​ອີກ​ຫຼາຍ​ສິບ​ຄົນ​ໃນ​ໄພ​ພິ​ບັດ​ຄັ້ງ​ນີ້.

ປະ​ຊາ​ຊົນ​ຜູ້​ປະ​ສົບ​ໄພ​ລໍ​ຖ້າ​ການ​ຊ່ວຍ​ເຫຼືອ​ຈາກ​ເຈົ້າ​ໜ້າ​ທີ່​ກູ້​ໄພ.
ເຮືອນ​ຊານ​ບ້ານ​ຊ່ອງ​ຂອງ​ປະ​ຊາ​ຊົນ​ຈົມ​ຢູ່​ໃຕ້​ນ​້ຳ.

ກ່ອນ​ໜ້າ​ນີ້ ລັດ​ຖະ​ບານ​ໄດ້​ປະ​ກາດ​ ຄຳ​ສັ່ງ​ອົບ​ພະ​ຍົບ ແລະ ຄຳ​ເຕືອນ​ ໃຫ້ປະ​ຊາ​ຊົນຢູ່ 19 ເຂດ ມີຈຳ​ນວນ ​ເຖິງ 5,9 ລ້ານ​ຄົນ.

ແຜນ​ການ ພາຍ​ຫຼັງ​ນ້ຳ​ຫຼຸດ​ລົງ ເຂດ​ທີ່​ປະ​ສົບ​ໄພ​ນ້ຳ​ຖ້ວມ​ດັ່ງ​ກ່າວ​ຕ້ອງ​ການ​ເວ​ລາ​ທີ່​ປັບ​ປຸງ​ຄືນ​ມາ​ຄື​ເກົ່າ, ມີ​ປະ​ຊາ​ຊົນ​ປະ​ມານ 276.000 ຄອບ​ຄົວ ຢູ່ 11ເຂດ​ຂອງ​ຢີ​ປຸ່ນ ກຳ​ລັງ​ຂາດ​ນ້ຳ​ໃຊ້.

ຄວາມ​ຮຸນ​ແຮງ​ຂອງ​ໄພ​ທຳ​ມະ​ຊາດ.
ເຮືອນ​ພໍ່​ແມ່​ປະ​ຊາ​ຊົນ​ຖືກ​ນ້ຳ​ຖ້ວມ​ເປັນ​ບໍ່​ລິ​ເວນກວ້າງ.

ໃນ​ການ​ຖະ​ແຫຼງ​ຂ່າວ​ຄັ້ງ​ກ່ອນ ຂອງ​ທ່ານນາ​ຍົກ​ລັດ​ຖະ​ມົນ​ຕີ ຊິນ​ໂຊ​ ອາ​ເບະ ໄດ້​ເນັ້ນ​ໜັກ​ວ່າ: " ຍັງ​ມີ​ປ​ະ​ຊາ​ຊົນ ຢີ​ປຸ່ນ​ຫຼາຍ​ຄົນ​ກຳ​ລັງ​ສູນ​ຫາຍ ແລະ ປະ​ຊາ​ຊົນ​ຫຼາຍລ້ານ​ຄົນ​ຕ້ອງ​ການ​ຄວາມ​ຊ່ວ​ຍ​ເຫຼືອ, ພວກ​ເຮົາ​ກຳ​ລັງ​ແຂ່ງ​ກັບ​ເວ​ລາ​ ເພື່ອ​ປະ​ຕິ​ບັດ​ການ​ຊ່ວຍ​ເຫຼືອ​ດັ່ງ​ກ່າວ". ທ່ານ​ນາ​ຍົກ​ລັດ​ຖະ​ມົນ​ຕີ ອາ​ເບະ ໄດ້​ອອກ​ຄຳ​ສັ່ງ ໃຫ້ເຕົ້າໂຮມທຸກ​ໆກຳ​ລັງ ເພື່ອ​ຊ່ວຍ​ເຫຼືອ ແລະ ກູ້​ໄພ​ຕໍ່ ປະ​ຊາ​ຊົນ​ຜູ້​ປະ​ສົບ​ໄພ ທຸກໆ​ຄົນ.

ເສັ້ນ​ທາງ​ຄົມ​ມະ​ນາ​ຄົມ​ຖືກ​ຕັດ​ຂາດ.
ໜ່ວຍ​ກູ້​ໄພ​ໃຊ້ ເຮ​ລີ​ຄອບ​ເຕີ້​ຊ່ວຍ​ໃນ​ກູ້​ໄພ​.

ນີ້​ແມ່ນ ອຸ​ທົກ​ກະ​ໄພ​ທາງ​ທຳ​ມະ​ຊາດ ຈາກ​ຝົນ​ຕົກ ສ້າງ​ຄວາມ​ເສຍ​ຫາຍ​ດ້ານ​ຊີ​ວິດ ແລະ ຊັບ​ສິນ​ທີ່​ໃຫຍ່​ທີ່​ສຸດ​ຂອງ ປະ​ເທດ ຢີ​ປຸ່ນ ໃນ​ຊຸມ​ປີ​ທີ່​ຜ່ານ​ມາ. ໃນ​ເຫ​ດ​ການ​ທີ່​ເກີດ​ຂື້ນ​ໃນ​ປີ 2014 ມີ​ຜູ້​ເສຍ​ຊີ​ວິດຢ່າງ​ໜ້ອຍ 74 ຄົນ ໃນ​ເຫ​ດ​ການ​ດິນ​ເຈື່ອນ ພາຍ​ຫຼັງ​ຝົນ​ຕົກ​ໜັກ ຢູ່​ເຂດ Hiroshima./. 

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll