ຈີນໃຊ້ກຸນລະຍຸດ “ໝັດຕໍ່ໝັດ” ກັບອາເມລິກາ

11:57 2018/08/09

ຍສໝ - ປະເທດຈີນ ຫາກໍ່ຖະແຫຼງແຜນການນຳໃຊ້ອັດຕາພາສີ 25% ກັບສິນຄ້ານຳເຂົ້າຈາກ ປະເທດອາເມລິກາ, ເທົ່າກັບ 16ຕື້ໂດລາສະຫະລັດ ເພື່ອຕອບໂຕ້ ການກະທຳຂອງອຳນາດການປົກຄອງຂອງລັດຖະບານ ປະທານາທິບໍດີ ໂດນໍ້ ທຣຳ 1ມື້ກ່ອນໜ້ານັ້ນ.

ຈີນໃຊ້ກຸນລະຍຸດ  “ໝັດຕໍ່ໝັດ”  ກັບອາເມລິກາ
ສົງຄາມການຄ້າລະຫວ່າງສອງຍັກໃຫ່ຍຂອງໂລກ.

ສຳນັກຂ່າວ CNN ລາຍງານວ່າ: ໃນຖະແຫຼງການ ວັນທີ 8 ສິງຫາ, ລັດຖະບານ ປະເທດຈີນໄດ້ໃຫ້ຮູ້ວ່າ: ອັດຕາພາສີນຳເຂົ້າໃໝ່ ຈະເລີ່ມໃຊ້ ແລະ ມີຜົນສັກສິດຕັ້ງແຕ່ວັນທີ 23 ສິງຫາເປັນຕົ້ນໄປ. ສິນຄ້າຂອງອາເມລິກາ ທີ່ຖືກນຳໃຊ້ອັດຕາພາສີ 25% ຄັ້ງນີ້ແມ່ນປະກອບມີ ສິນຄ້າປະເພດສານເຄມີ ແລະ ນຳ້ມັນ ດີເຊວ(ນຳ້ມັນກາຊວນ).

ປະຕິກິລິຍານີ້ແມ່ນການອອກໝັດໃໝ່ຫຼ້າສຸດ ຂອງປັກກິ່ງ ຕໍ່ກັບ ວໍຊີງຕັນ. ມື້ວັນທີ 7 ສິງຫາ ລັດຖະບານ ປະທານາທິບໍດີ ອາເມລິກາ ໂດນໍ້ ທຣຳ ໄດ້ຖະແຫຼງການປະກາດລາຍຊື່ສິນຄ້າຈຳນວນ 279 ປະເພດ, ທີ່ມີແຫຼ່ງຜລິດມາຈາກ ປະເທດຈີນ ຢ່າງເປັນທາງການ ມູນຄ່າລວມ 16ຕື້ໂດລາສະຫະລັດຈະຕ້ອງໄດ້ເສຍພາສີ 25% ນັບແຕ່ມື້ວັນທີ 23 ສິງຫາເປັນຕົ້ນໄປ.

ປະຈຸບັນ ວໍຊີງຕັນ ກ່າວຫາ ປັກກິ່ງ ກຳລັງ ມີພືດຕິກຳບໍ່ເປັນທຳໃນຂະແໜງການ-ການຄ້າ. ປະທານາທິບໍດີ ທຣຳ "ສາບານ" ວ່າຈະເຮັດທຸກວິທີທາງເພື່ອລົບລ້າງການຂາດດຸນການຄ້າຂອງ ອາເມລິກາ ກັບ ຈີນ.

ການຄ້າສອງສົ້ນ ລະຫວ່າງ ອາເມລິກາ ແລະ ຈີນ ປະຈຸບັນບັນລຸເຖິງ 650 ຕື້ໂດລາສະຫະລັດ/ປີ, ຫຼາຍທີ່ສຸດໃນການພົວພັນການຄ້າຂອງແຕ່ລະປະເທດ ກັບບັນດາປະເທດທີ່ເຫຼືອໃນໂລກ. ແຕ່ວ່າ ປະເທດຈີນ ພັດສົ່ງອອກ ສິນຄ້າ ແລະ ການບໍລິການ ໃຫ້ແກ່ ອາເມລິກາ ຫຼາຍກວ່າ. ແຕ່ວ່ານັກວິເຄາະໄດ້ ວິເຄາະແລ້ວວ່າ ເຖິງວ່າຈະເປັນແນວນັ້ນກໍ່ຕາມ ແຕ່ ປັກກິງ່ ຈະໝົດ ລູກປືນກ່ອນ ໃນການຕໍ່ສູ້ ກັບ ວໍຊີງຕັນ ໃນສົງຄາມການຄ້າຄັ້ງນີ້.

ເດືອນ ກໍລະກົດ ທີ່ຜ່ານມາ ລັດຖະບານ ໂດນໍ້ ທຣຳ ນຳໃຊ້ອັດຕາສີນຳເຂົ້າ 25% ຮອບທຳອິດ ຕໍ່ກັບຈຳນວນສິນຄ້າທີ່ມາຈາກຈີນ ລວມມູຄ່າ 34 ຕື້ USD. ປັກກິ່ງ ຕີລາຄາວ່ານີ້ແມ່ນການເລີ່ມຂອງການກໍ່ກວນ ແລະ ໃນທັນທີ ຈີນ ໃຊ້ມາດຕະການຕອບໂຕ້ໂດຍທັນທີ ດ້ວຍການເພີ່ມອັດຕາພາສີ ແບບດຽວກັນກັບສິນຄ້າມາຈາກ ປະເທດອາເມລິກາ.

ການກະທຳ ໝັດຕໍ່ໝັດ ໃນສອງວັນທີ່ຜ່ານມາ ຍັງຄົງເຮັດໃຫ້ສະຖານະຄວາມເຄັ່ງຕຶງ ລະຫວ່າງ ພື້ນຖານເສດຖະກິດທີ່ໃຫຍ່ທີ່ສຸດຂອງໂລກ ນັບມື້ນັບໄປສູ່ຄວາມດຸເດືອດ. ນັກສັງເກດການແຈ້ງເຕືອນ ການທີ່ທັງ ສອງປະເທດ ຈີນ ແລະ ອາເມລິກາ ບໍ່ມີໃຜຍອມໃຜ ກຳລັງຍູ້ເສດຖະກິດໂລກປະເຊີນກັບ ສົງຄາມດ້ານການຄ້າ ຂະຫຍາຍເປັນບໍລິເວນກວ້າງ. ບໍ່ແມ່ນພຽງແຕ່ເປັນພື້ນຖານເສດຖະກິດອັນດັບໜຶ່ງຂອງໂລກ ເທົ່ານັ້ນທີ່ໄດ້ຮັບຜົນກະທົບ ແຕ່ບັນດາປະເທດອື່ນໆກໍ່ໄດ້ໄດ້ຮັບຜົນກະທົບໄປນຳ ຍ້ອນການ ຕອບໂຕ້ກັນໄປມາ “ທັງທາງດ້ານຄຸນນະພາບ ແລະ ຄືຈຳນວນ”.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
ony duangmala 10/08/2018 16:29
ສົງຄາມເທື່ອນີ້ລະຫວ່ງ 2 ປະເທດນີ້ອາດຈະສົ່ງຜົນກະທົບໃຫ້ກັບບັນດາປະເທດອອ້ມຂ້າງ
Báo cáo vi phạm 0 | Trả lời
Scroll