ຈີນຂອບໃຈຢ່າງຈິງໃຈຕໍ່ການສະໜັບສະໜູນຊ່ວຍເຫຼືອຂອງຫວຽດນາມ

05:59 2020/02/11

ຍສໝ - ເຄື່ອງບັນເທົາທຸກ, ວັດຖຸ ອຸປະກອນການແພດຂອງລັດຖະບານຫວຽດນາມໄດ້ຖືກສົ່ງເຖິງລັດຖະບານ ແລະ ປະຊາຊົນຈີນ ແລະ ໄດ້ຖືກສົ່ງໄປຍັງນະຄອນອູ່ຮ້ານແລ້ວ.

ຈີນຂອບໃຈຢ່າງຈິງໃຈຕໍ່ການສະໜັບສະໜູນຊ່ວຍເຫຼືອຂອງຫວຽດນາມ
ໂຄສົກກະຊວງການຕ່າງປະເທດຈີນ ເກີ້ງສວາງ. (ພາບ: tuoitre.vn)

ໂຄສົກກະຊວງການຕ່າງປະເທດຈີນ ເກີ້ງສວາງ ໄດ້ຢັ້ງຢືນວ່າ ເຄື່ອງບັນເທົາທຸກ, ວັດຖຸ ອຸປະກອນການແພດຂອງລັດຖະບານຫວຽດນາມໄດ້ຖືກສົ່ງເຖິງລັດຖະບານ ແລະ ປະຊາຊົນຈີນ ແລະ ໄດ້ຖືກສົ່ງໄປຍັງນະຄອນອູ່ຮ້ານແລ້ວ ພ້ອມທັງຝາກຄວາມ ຂອບໃຈຢ່າງຈິງໃຈເຖິງການສະໜັບສະຫນູນ ຊ່ວຍເຫຼືອຂອງຫວຽດນາມທີ່ມີຕໍ່ຈີນ. 

ພິທີມອບເຄື່ອງອຸປະກອນ, ວັດຖຸດ້ານການແພດຂອງພັກ, ລັດຖະບານ ແລະ ປະຊາຊົນຫວຽດນາມ ໃຫ້ແກ່ພັກ, ລັດຖະບານ ແລະ ປະຊາຊົນຈີນ ຖືກດຳເນີນໃນຕອນບ່າຍວັນທີ 09 ກຸມພາ, ຢູ່ສະໜາມບິນສາກົນໂນ້ຍບ່າຍ, ຮ່າໂນ້ຍ. ທີ່ພິທີ, ໂດຍຕາງໜ້າໃຫ້ຝ່າຍຫວຽດນາມ, ທ່ານຮອງລັດຖະມົນຕີການຕ່າງປະເທດຫວຽດນາມ ໂຕແອັງຢຸງ ໄດ້ມອບເຄື່ອງອຸປະກອນ, ວັດຖຸດ້ານການແພດຈຳນວນໜຶ່ງໃຫ້ທ່ານເອກອັກຄະລັດຖະທູດຈີນ ຊຸງປົວ ລວມມີ ເຄື່ອງຊ່ວຍຫາຍໃຈ, ຊຸດປ້ອງກັນເຊື້ອພະຍາດ, ຖົງມື ແລະ ຜ້າອັດປາກ ລວມມູນຄ່າ 500.000 USD, ເຊິ່ງແມ່ນຂອງຂວັນຂອງພັກ, ລັດຖະບານ ແລະ ປະຊາຊົນຫວຽດນາມ ມອບໃຫ້ພັກ, ລັດຖະບານ ແລະ ປະຊາຊົນຈີນ. ທ່ານຮອງລັດຖະມົນຕີ ໂຕແອັງຢຸງ ຢືນຢັນວ່າ, ຫວຽດນາມ ພວມເດັດດ່ຽວຜັນຂະຫຍາຍບັນດາມາດຕະການເພື່ອແນໃສ່ປ້ອງກັນ, ຕ້ານ ແລະ ຄວບຄຸມເຊື້ອພະຍາດ, ຮັກສາສຸຂະພາບໃຫ້ແກ່ປະຊາຊົນ…; ພ້ອມກັນນັ້ນກໍ່ຊຸກຍູ້ບັນດາຄວາມມານະພະຍາຍາມລວມຂອງອາຊຽນ ດ້ວຍຖານະເປັນປະທານອາຊຽນ 2020, ຮຽງບ່າຮຽງໄຫຼ່ພ້ອມກັບຈີນ ແລະ ບັນດາປະເທດໃນການຕໍ່ສູ້ຕ້ານເຊື້ອພະຍາດດັ່ງກ່າວ.

ຮອດເວລາ 12 ໂມງຂອງວັນທີ 8 ກຸມພາ, ຈີນໄດ້ຮັບຄື່ອງບັນເທົາທຸກ, ວັດຖຸ ອຸປະກອນການແພດຂອງ 21 ປະເທດ ແລະ 1 ອົງການສາກົນ. ໄລ່ໝົດວັນທີ 9 ກຸມພາ, ຍອດຈຳນວນຜູ້ເສຍຊີວິດຍ້ອນເຊື້ອໄວຣັດ nCoV ຢູ່ຈີນເພີ່ມຂຶ້ນເປັນ 908 ຄົນໃນນັ້ນມີຜູ້ຕິດເຊື້ອພະຍາດເພີ່ມຂຶ້ນເປັນ 40.171ຄົນ, 3.281 ຄົນໄດ້ຮັບການປິ່ນປົວຫາຍດີ ແລະອອກໂຮງໝໍແລ້ວ. ຈຳນວນຜູ້ເສຍຊີວິດດັ່ງກ່າວໄດ້ລື່ນກາຍຈຳນວນຜູ້ເສຍຊີວິດຍ້ອນໂລກລະບາດ SARS ເມື່ອ ປີ 2002 – 2003.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll