ເກືອບ 50% ຂອງປະຊາກອນໂລກທີ່ຍັງບໍ່ເຂົ້າເຖິງການບໍລິການສາທາລະນະສຸກຂັ້ນພື້ນຖານ

16:54 2019/09/24

ຍສໝ - ວັນທີ 22 ກັນຍາ ອົງການອະນາໄມໂລກ (WHO) ໄດ້ຮຽກຮ້ອງໃຫ້ບັນດາປະເທດເພີ່ມຄ່າໃຊ້ຈ່າຍ ໃນການຮັກສາສຸຂະພາບຂັ້ນຕົ້ນຂຶ້ນຕືື່ມອີກ ໜ້ອຍສຸດບໍ່ໃຫ້ຫຼຸດ 1% ຂອງລວມຍອດຜະລິດຕະພັນພາຍໃນ (GDP) ເພື່ອຂະຫຍາຍຂອບເຂດການປະກັນໄພສຸຂະພາບ ແລະ ຊ່ວຍເຫຼືອຄົນເຈັບທີ່ມີຖານະຍາກຈົນ.

ເກືອບ 50% ຂອງປະຊາກອນໂລກທີ່ຍັງບໍ່ເຂົ້າເຖິງການບໍລິການສາທາລະນະສຸກຂັ້ນພື້ນຖານ
ພາບປະກອບ

ໃນບົດລາຍງານຂອງບັນດາຊ່ຽວຊານ ຂອງອົງການອະນາໄມໂລກ (WHO)  ສົມທົບກັບອົງການຮ່ວມມື ແລະ ພັດທະນາເສດຖະກິດ (OECD) ແລະ ທະນາຄານໂລກ (WB) ໂດຍອົງການອະນາໄມໂລກ (WHO)  ໄດ້ເນັ້ນໜັກ ວ່າເຖິງຈະມີການປະຕິບັດໄດ້ຕາມຄາດໝາຍທີ່ໜ້າພໍໃຈຈໍານວນໜຶ່ງກໍ່ຕາມ ແຕ່ຍັງເຫັນວ່າຍັງມີຄົນເຈັບອີກຈໍານວນບໍ່ໜ້ອຍຍັງຄົງ ສິ້ນເປືອງນໍາໃຊ້ເງິນສ່ວນຕົວເພື່ອຈ່າຍຄ່າຢາ ແລະ ຄ່າສິ້ນເປືອງປິ່ນປົວອື່ນໆ.

ປ/ອ ປີເຕີ ຊາຣາມາ ປະທານ ອົງການອະນາໄມໂລກ  (WHO)  ຜູ້ຮັບຜິດຊອບກ່ຽວກັບການປະກັນສຸຂະພາບຮອບດ້ານໃຫ້ຮູ້ວ່າ: ພວກເຮົາຍັງຕ້ອງການອີກປະມານ 200 ຕື້ ໂດລາສະຫະລັດ ໃນທຸກໆປີ ເພື່ອເພີ່ມຂອບເຂດການຮັກສາສຸຂະພາບຂັ້ນຕົ້ນ ໃຫ້ບັນດາປະເທດປະຊາຊົນທີ່ມີລາຍຮັບຕໍ່າ ກໍ່ຄືບັນດາປະເທດທີ່ມີລາຍຮັບປານກາງ.

ບົດລາຍງານຍັງໃຫ້ຮູ້ອີກວ່າ: ແຕ່ລະປີທົ່ວໂລກຕ້ອງການນໍາໃຊ້ເງິນປະມານ 7,500 ຕື້ ໂດລາສະຫະລັດ ເຂົ້າໃນການດູແລຮັກສາສຸຂະພາບ ແລະ ບໍລິການດ້ານສາທາລະນະສຸກ, ປັດຈຸບັນເກືອບເຄິ່ງໜຶ່ງຂອງຈໍານວນ 7,7 ຕື້ຄົນ ຢູ່ໃນໂລກ ໄດ້ເຂົ້າເຖິງການບໍລິການສາທາລະນະສຸກຂັ້ນພື້ນຖານ, ຄຽງຄູ່ກັນນັ້ນກໍ່ຍັງຕ້ອງໄດ້ຜັກດັນໃຫ້ຕົວເລກດັ່ງກ່າວເພີ່ມຂຶ້ນເປັນສອງເທົ່າ.

ນັບທັງປະເທດທີ່ມີລາຍຮັບສູງກໍ່ຈໍາຕ້ອງຮອງຮັບການເພີ່ມຂຶ້ນຂອງແຮງໂນ້ມຖ່ວງ ແລະຈໍານວນຄົນ ຈະຕ້ອງໄດ້ນໍາໃຊ້ງົບປະມານສ່ວນໃຫຍ່ ເພື່ອຊ່ວຍເຫຼືອສໍາລັບທຸກບັນຫາເລື່ອງສຸຂະພາບ. ທ່ານ ມູຮາມັດ ເພຕ ປະທານຜູ້ຮັບຜິດຊອບທາງດ້ານສາທາລະນະສຸກທົ່ວໂລກຂອງທະນາຄານໂລກເວົ້າວ່າ: ການຮັກສາສຸຂະພາບຂັ້ນຕົ້ນ ຄົນເຈັບຕ້ອງມີສິດເຂົ້າເຖິງຢາທີ່ມີຄວາມຈໍາເປັນເຊັ່ນ: ຢາປິ່ນປົວພະຍາດເບົາຫວານ, ໄຂ້ຍຸງ ເປັນຕົ້້ນ ເພາະວ່າຢາປະເພດນີ້ມີລາຄາສູງ ບັນດາຢາເຫຼົ່ານີ້ໄດ້ເຮັດໃຫ້ຄົນເຈັບມີຄ່າໃຊ້ຈ່າຍສູງເພີ່ມຂຶ້ນ.

ໄຊພອນ
;

同类别新闻