ອາ​ເມ​ລິ​ກາ ​ຢັ້ງ​ຢືນ​ວ່າ​ ບໍ່​​ຟ້າວ​ລົງ​ນາມ​ໃນ​ຂໍ​້​ຕົກ​ລົງ​ການ​ຄ້າ ກັ​ບ ຈີນ

06:47 2019/10/23

ຍສໝ - ທ່ານ Wilbur Ross ລັດຖະມົນຕີກະຊວງການຄ້າ ອາເມລິກາຖືວ່າ ໄລຍະ 1 ຂອງ ຂໍ້ຕົກລົງການຄ້າລະຫວ່າງປະເທດນີ້ກັບຈີນບໍ່ຈຳເປັນຕ້ອງສຳເລັດໃນເດືອນໜ້າ.

ອາ​ເມ​ລິ​ກາ ​ຢັ້ງ​ຢືນ​ວ່າ​ ບໍ່​​ຟ້າວ​ລົງ​ນາມ​ໃນ​ຂໍ​້​ຕົກ​ລົງ​ການ​ຄ້າ ກັ​ບ ຈີນ
ພາບປະກອບ

ໃນວັນທີ 18 ຕຸລາ 2019, ກ່າວຄຳເຫັນຢູ່ທຳນຽບຂາວ, ທ່ານປະທານາທິບໍດີອາເມລິກາ Donald Trump ໃຫ້ຮູ້ວ່າ, ທ່ານ ແລະ ທ່ານປະທານປະເທດຈີນ ສີຈີ້ນຜິງ ຈະເຂົ້າຮ່ວມກອງປະຊຸມສຸດຍອດເວທີປາໄສຮ່ວມມືເສດຖະກິດອາຊີ - ປາຊີຟິກ (APEC) ເຊິ່ງຈະດຳເນີນຢູ່ຈີເລ ໃນລະຫວ່າງວັນທີ 16 – 17 ພະຈິກ ແລະ ຫວັງວ່າ ຂໍ້ຕົກລົງດ້ານການຄ້າລະຫວ່າງ 2 ປະເທດຈະໄດ້ຮັບການລົງນາມ ເນື່ອງໃນໂອກາດນີ້.  ຈີນ ໄດ້ເຫັນດີເພີ່ມປະລິມານຜະລິດຕະພັນກະເສດທີ່ຊື້ຂອງອາເມລິກາ ລວມມູນຄ່າຂຶ້ນເປັນ 50 ລ້ານ USD ໃນແຕ່ລະປີ ຕາມຂໍ້ຕົກລົງດ້ານການຄ້າໄລຍະທີ 1 ເຊິ່ງ 2 ປະເທດບັນລຸໄດ້ໃນອາທິດຜ່ານມາ, ເນື່ອງໃນໂອກາດການຢ້ຽມຢາມອາເມລິກາ ຂອງທ່ານຮອງນາຍົກລັດຖະມົນຕີຈີນ ຫຼຽວເຄືອ.

ຕອບສຳພາດຕໍ່ນັກຂ່າວ Fox Business Network ໃນວັນທີ 21 ຕຸລາ 2019, ທ່ານ Wilbur Ross ລັດຖະມົນຕີກະຊວງການຄ້າ ອາເມລິກາ ຢັ້ງຢືນວ່າ: ຂໍ້ຕົກລົງການຄ້າລະຫວ່າງ ອາເມລິກາ ແລະ ຈີນຕ້ອງແມ່ນ ຂໍ້ຕົກລົງທີ່ສົມເຫດສົມຜົນ ແລະ ບໍ່ຈຳເປັນລົງນາມໃນເດືອນພະຈິກ; ສິ່ງສຳຄັນທີ່ສຸດແມ່ນ ຂໍ້ຕົກລົງດັ່ງກ່າວຕ້ອງແມ່ນຂໍ້ຕົກລົງທີ່ເໝາະສົມເມື່ອໄດ້ຍົກອອກມາ. ບັນດາມາດຕະການດ້ານພາສີຄາດຄະເນຈະມີຜົນສັກສິດໃນເດືອນ ທັນວາຈະມາເຖິງ ແລະ ກຸ່ມບໍລິສັດເຕັກໂນໂລຢີ Huawei ຂອງຈີນບໍ່ແມ່ນບັນດາບັນຫາທີ່ໄດ້ຮັບການເຕື້ອງເຖິງໃນໄລຍະ 1 ຂອງ ຂໍ້ຕົກລົງ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll