ອາຊຽນຄວນສາມັກຄີກັນສະກັດກັ້ນການກະທຳລະເມີດກົດໝາຍຂອງຈີນຢູ່ທະເລຕາເວັນອອກ

19:46 2019/09/08

ບັນດາການກະທຳລະເມີດກົດໝາຍຂອງຈີນ ຢູ່ເຂດທະເລຕາເວັນອອກ ຫວ່າງມໍ່ໆມານີ້, ພິເສດແມ່ນຢູ່ ບ໋າຍຕືຈິ໊ງ ຂອງຫວຽດນາມ, ໄດ້ເຮັດໃຫ້ປະຊາຄົມສາກົນມີຄວາມວິຕົກກັງວົນ.

ອາຊຽນຄວນສາມັກຄີກັນສະກັດກັ້ນການກະທຳລະເມີດກົດໝາຍຂອງຈີນຢູ່ທະເລຕາເວັນອອກ

ຫວ່າງມໍ່ໆມານີ້, ສື່ສັງຄົມອອນລາຍ Eurasia Review ຂອງອິນໂດເນເຊຍ ໄດ້ລົງບົດນຳດ້ວຍຫົວຂໍ້ວ່າ “ເຄົາລົບກົດໝາຍ: ສັນຕິພາບແມ່ນບຸລິມະສິດແຖວໜ້າຢູ່ທະເລຕາເວັນອອກ”. ບົດຂຽນຂອງນັກຂ່າວ, ນັກສັງເກດການ ການພົວພັນສາກົນຂອງອິນໂດເນເຊຍ, ທ່ານ Veeramalla Anjaiah ໄດ້ຊີ້ໃຫ້ເຫັນລັກສະນະຜິດກົດໝາຍໃນບັນດາການກະທຳຂອງຈີນ ຢູ່ທະເລຕາເວັນອອກ, ພິເສດແມ່ນຢູ່ເຂດ ບ໋າຍຕືຈິ໊ງ ຂອງຫວຽດນາມ ແລະ ຖືວ່າ, ສາກົນຄວນສືບຕໍ່ກ່າວປະນາມ, ເພີ່ມຄວາມກົດດັນບັງຄັບໃຫ້ຈີນ ຕ້ອງຖອນກ່ຳປັັ່ນຂອງຕົນອອກຈາກເຂດທະເລຂອງບັນດາປະເທດໃນພາກພື້ນ. 

ອາຊຽນຄວນສາມັກຄີກັນສະກັດກັ້ນການກະທຳລະເມີດກົດໝາຍຂອງຈີນຢູ່ທະເລຕາເວັນອອກ.(ພາບ:biengioibienbentre.vn)

ຕາມນັກຂ່າວ Veeramalla Anjaiah ແລ້ວ, ຫວຽດນາມ ບໍ່ແມ່ນປະເທດໜຶ່ງດຽວເຊິ່ງຈີນ ປະຕິບັດບັນດາການກະທຳນາບຂູ່. ທ່ານ Veeramalla ກໍ່ຍົກອອກບັນດາການກະທຳຜິດກົດໝາຍຂອງຈີນ ຢູ່ທະເລຕາເວັນອອກຄື: ການຖົມດິນເປັນເກາະ, ກໍ່ສ້າງເກາະທຽມຢ່າງຜິດກົດໝາຍ, ສະກັດກັ້ນບັນດາການເຄື່ອນໄຫວຫາປາ ແລະ ຂຸດຄົ້ນນ້ຳມັນໃນບັນດາເຂດທະເລຂອງບັນດາປະເທດບ້ານໃກ້ເຮືອນຄຽງຄື ມາເລເຊຍ ຫຼື ຕຳກ່ຳປັ່ນຫາປາຂອງຟີລິບປິນ ໃຫ້ຈົມນ້ຳ, ເອົາລົງກ່ຳປັ່ນຮົບ ແລະ ກ່ຳປັ່ນສະໜາມບິນ ລ້ຽວນິງ ໄປຜ່ານເຂດທະເລຂອງຟີລິບປີນ.

ເວັບໄຊ Eurasia Review ໄດ້ຄັດສະເໜີບົດຂຽນຂອງນັກຂ່າວ ອິນໂດເນເຊຍ ທີ່ຄັດຄ້ານບັນດາການກະທຳຜິດກົດໝາຍຂອງ ຈີນ ຢູ່ທະເລຕາເວັນອອກ, ພິເສດແມ່ນຢູ່ເຂດ ບາຍຕືຈິ໊ງ ຂອງ ຫວຽດນາມ.  ບົດຂຽນຢືນຢັນວ່າ ບັນດາການກະທຳໃໝ່ຂອງ ຈີນ ຢູ່ທະເລຕາເວັນອອກ ໄດ້ລະເມີດສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ປີ 1982 ເຊິ່ງປະເທດນີ້ໄດ້ລົງນາມ ແລະ ແມ່ນສາຍເຫດທີ່ເຮັດໃຫ້ສະພາບການຢູ່ທະເລຕາເວັນອອກຊົ່ວຮ້າຍລົງ. ນັກຂຽນກໍ່ຕີລາຄາສູງຕໍ່ເລື່ອງ ຫວຽດນາມ ຮຽກຮ້ອງ ຈີນ ໂດຍກົງໃຫ້ຖອນບັນດາກ່ຳປັ່ນຂອງເຂົາເຈົ້າອອກຈາກເຂດ ບາຍຕືຈິ໊ງ ໃນທັນ. 

ທ່ານ Veeramalla Anjaiah, ນັກຂ່າວ, ນັກສັງເກດການ ການພົວພັນສາກົນຂອງອິນໂດເນເຊຍ. (ພາບ:vovworld.vn)

ບົດຂຽນຍົກອອກການກະທຳຂອງ ຈີນ ຢູ່ທະເລຕາເວັນອອກ ຖືກບັນດາປະເທດ ແລະ ອົງການຈັດຕັ້ງບໍ່ຂຶ້ນກັບລັດຖະບານກ່າວປະນາມ. ອາເມລິກາ ໄດ້ຕຳໜິຕິຕຽນບັນດາການກະທຳພຽງລຳພັງຝ່າຍດຽວ, ທີ່ມີລັກສະນະເກາະຜິດຂອງ ຈີນ. ຍີ່ປຸ່ນ, ສະຫະພາບ ເອີຣົບ (ອີຢູ), ຝຣັ່ງ, ເຢຍລະມັນ, ການາດາ, ອົດສະຕາລີ ແລະ ບາງປະເທດອື່ນ ກໍ່ຕຳໜິຕິຕຽນບັນດາການກະທຳພຽງລຳພັງຝ່າຍດຽວຂອງ ຈີນ ຢູ່ທະເລຕາເວັນອອກ ແລະ ຮຽກຮ້ອງໃຫ້ຮັກສາຄວາມເປັນລະບຽບຮຽບຮ້ອຍ ໂດຍອີງໃສ່ກົດໝາຍສາກົນ. ສະມາຄົມທະນາຍຄວາມປະຊາທິປະໄຕສາກົນ (IADL) ກໍ່ຕຳໜິຕິຕຽນ ຈີນ ວ່າໄດ້ລະເມີດບັນດາສິດຖືກຕ້ອງຕາມກົດໝາຍຂອງ ຫວຽດນາມ ຢູ່ເຂດ ບາຍຕືຈິ໊ງ. 

ຕາມບົດຂຽນຂອງນັກຂ່າວຜູ້ດັ່ງກ່າວ, ເລື່ອງທຳອິດ ແລະ ສຳຄັນທີ່ສຸດ ເຊິ່ງ ອາຊຽນ ແລະ ປະຊາຄົມສາກົນຄວນປະຕິບັດ ເພື່ອສະກັດກັ້ນ ຈີນ ແມ່ນກ່າວປະນາມບັນດາການກະທຳເກາະຜິດພຽງລຳພັງຝ່າຍດຽວຂອງ ຈີນ ເຊິ່ງໄດ້ລະເມີດກົດໝາຍສາກົນທີ່ກ່ຽວຂ້ອງເຖິງເຂດເສດຖະກິດຈຳເພາະ ແລະ ເຂດໄຫຼ່ທະວີບຂອງບັນດາປະເທດອາຊີຕາເວັນອອກສ່ຽງໃຕ້. ແລະຖືວ່າ: ອາຊຽນ ຕ້ອງສາມັກຄີກັນ, ສ້າງຄວາມຮັບຮູ້ລວມໃນກຸ່ມກ່ຽວກັບບັນຫາທະເລຕາເວັນອອກ. 

ນອກນັ້ນ, ອາຊຽນ ຄວນສົ່ງເສີມການປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ເພື່ອຫລຸດຜ່ອນຄວາມເຄັ່ງຕຶງ ແລະ ຫຼີກລ້ຽງການປະທະກັນ, ພ້ອມທັງ ກ້າວໄປເຖິງປະມວນກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ຢ່າງມີປະສິດທິຜົນ, ຜູກມັດດ້ານນິຕິກຳ, ອີງໃສ່ UNCLOS ແລະ ບັນດາກົດຂໍ້ບັງຄັບສາກົນອື່ນໂດຍໄວ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll