ສະຫະລັດອາເມລິກາ ສະໜັບສະໜູນນັກວິທະຍາສາດໄວໜຸ່ມ ຈາກບັນດາປະເທດລຸ່ມແມ່ນໍ້າຂອງ

11:04 2019/07/10

ສະຫະລັດອາເມລິກາ ສືບຕໍ່ແບ່ງປັນຄວາມຮູ້ ແລະ ຮ່ວມມືກັບ ບັນດາ ນັກວິທະຍາສາດ ໄວໜຸ່ມ ກ່ຽວກັບບັນດາ ສິ່ງທ້າທາຍ ດ້ານສຸຂະພາບທີ່ສໍາຄັນ. ຕົ້ນເດືອນ ກໍລະກົດ 2019, ເຈົ້າໜ້າທີ່ຈາກສະຖານທູດ ສະຫະລັດ ອາເມລິກາ, ກະຊວງສາທາ ແລະ ມະຫາວິທະຍາໄລແຫ່ງຊາດ ໄດ້ຕ້ອນຮັບ ຄະນະນັກວິທະຍາສາດ 33 ທ່ານ ຈາກປະເທດລາວ, ກໍາປູເຈຍ, ມຽນມາ, ໄທ ແລະ ຫວຽດນາມ ເພື່ອຮ່ວມ ສະເຫລີມ ສະຫລອງ ເປີດໂຄງການ ນັກວິທະຍາ ສາມາດໄວໜຸ່ມ ຂອງ ຂໍ້​ລິ​ເລີ່​ມ​ ແມ່​ນ້ຳຂອງ ​ຕອນ​ລຸ່ມ-ສະຫະລັດ ອາ​ເມ​ລິ​ກາ (the Lower Mekong Initiative Young Scientists Program).

ສະຫະລັດອາເມລິກາ ສະໜັບສະໜູນນັກວິທະຍາສາດໄວໜຸ່ມ ຈາກບັນດາປະເທດລຸ່ມແມ່ນໍ້າຂອງ
ສະຫະລັດອາເມລິກາ ສະໜັບສະໜູນນັກວິທະຍາສາດໄວໜຸ່ມ ຈາກບັນດາປະເທດລຸ່ມແມ່ນໍ້າຂອງ.(ພາບ:ຂປລ)

ການຈັດງານຄັ້ງນີ້, ເປັນເຈົ້າພາບໂດຍ ຄະນະ ວິສະວະກໍາ ຂອງມະຫາ ວິທະຍາໄລ ແຫ່ງຊາດ (NUOL) ເພື່ອສະເຫລີມ ສະຫລອງ ພາລະກິດ ພາກສະໜາມ ປະຈໍາປີ ຂອງໂຄງການ ນັກວິທະຍາສາມາດໄວໜຸ່ມ ຂອງ ຂໍ້​ລິ​ເລີ່​ມ ​ແມ່​ນ້ຳຂອງ​ ຕອນ​ລຸ່ມ-ສະຫະລັດ ອາ​ເມ​ລິ​ກາ ທີ່ຈັດຂຶ້ນເປັນປີທີ 2 ເຊິ່ງແມ່ນໂຄງການ ລິເລີ່ມ ການພັດທະນາ ວິທະຍາສາດ, ເຕັກໂນໂລຊີ,ວິສະວະກໍາ ແລະ ຄະນິດສາດ (STEM) ລະດັບພາກພື້ນ ທີ່ໄດ້ຮັບທຶນໂດຍ ສະຫະລັດອາເມລິກາ ແລະ ຈັດຕັ້ງປະຕິບັດໂດຍ ມະຫາວິທະຍາໄລ ລັດອາຣິໂຊນາ. ໂຄງການນີ້, ແນໃສ່ສະໜັບສະໜູນ ແລະ ສົ່ງເສີມ ການຮ່ວມມື ດ້ານວິທະຍາສາດ ໃນເຂດສາມຫລ່ຽມ ລຸ່ມແມ່ນໍ້າຂອງ  ແລະ ສົ່ງເສີມ ການແບ່ງປັນ ຄວາມຮູ້ ກ່ຽວກັບວິທີການ ປະຕິບັດທີ່ດີທີ່ສຸດ ດ້ານວິທະຍາສາດ ແລະ ເຕັກໂນໂລຊີ ແລະ ແນວຄວາມຄິດ ດ້ານການຄົ້ນຄວ້າຕ່າງໆ.

ຕະຫລອດ ເດືອນກໍລະກົດ, ຄະນະ ນັກວິທະຍາສາດ ລະດັບປະລິນຍາໂທ ແລະ ປະລິນຍາເອກ ຈະເຮັດວຽກ ຢູ່ນະຄອນຫລວງວຽງຈັນ ແລະ ສະຖານທີ່ຕ່າງໆ ທົ່ວປະເທດລາວ ເພື່ອຄົ້ນຄວ້າ ແລະ ພັດທະ ນາບັນດາ ວິທີການແກ້ໄຂ ທີ່ມີລັກສະນະ ນະວັດຕະກໍາ ຕໍ່ກັບພະຍາດ ທີ່ເກີດຈາກແມງໄມ້ເ ປັນພາຫະນໍາເຊື້ອ ເຊັ່ນ: ໄຂ້ມາເລເຣຍ ແລະ ໄຂ້ເລືອດອອກ ທີ່ຍຸງເປັນພາຫະນໍາເຊື້ອ. ຄະນະນັກ ວິທະຍາສາດ ດັ່ງກ່າວ ມີຄວາມຊໍານິຊໍານານ ໃນດ້ານ ຕ່າງໆ ນັບຕັ້ງແຕ່ ດ້ານລະບາດ ວິທະຍາ ຈົນເຖິງເຄມີວິເຄາະ ແລະ ວິສະວະກໍາຄອມພິວເຕີ. ໃນບັນດານັກວິທະຍາສາດ 36 ທ່ານ ແລະ 9 ທ່ານມາຈາກ ປະເທດລາວ. 

ໃນບົດກ່າວ ຕໍ່ນັກວິທະຍາສາດ, ເຈົ້າໜ້າທີ່ຂອງ ສປປ ລາວ ແລະ ຄະນະຂອງ NUOL, ເອກອັກ ຄະລັດຖະທູດ ສະຫະລັດອາເມລິກາ ຣີນາ ບິດເຕີ ໄດ້ເນັ້ນຍໍ້າເຖິງ ຄວາມສໍາຄັນ ຂອງການຮ່ວມມື ຫລາຍປະເທດ ໃນການແກ້ໄຂ ບາງບັນຫາ ທີ່ພາກພື້ນ ກໍາລັງປະເຊີນດັ່ງນີ້ “ການປ່ຽນແປງດິນຟ້າອາກາດ, ພະຍາດຕິດຕໍ່ ແລະ ໄພພິບັດທໍາມະຊາດ ບໍ່ໄດ້ຈໍາແນກເຂດແດນ ລະຫວ່າງປະເທດ. ມັນເປັນສິ່ງສໍາຄັນທີ່ສຸດ ທີ່ພວກເຮົາຕ້ອງ ເຮັດວຽກ ຮ່ວມກັນ ຖ້າພວກເຮົາ ຈະສາມາດຕອບໂຕ້ ຕໍ່ກັບບັນດາສິ່ງທ້າທາຍ ທີ່ມີລັກສະນະຮ່ວມກັນ ເຫຼົ່ານີ້”.  

ກະຊວງ ການຕ່າງປະເທດ ສະຫະລັດອາເມລິກາ ເລີ່ມໃຫ້ທຶນໂຄງການ ຂໍ້​ລິ​ເລີ່​ມ​ແມ່​ນ້ຳຂອງ​ ຕອນ​ລຸ່ມ-ສະຫະລັດ ອາ​ເມ​ລິ​ກາ (LMI) ໃນປີ 2009 ໂດຍມີເປົ້າໝາຍ ເສີມຂະຫຍາຍທັກສະ, ສ້າງສາຍພົວພັນ ແລະ ການຮ່ວມມື ລະຫວ່າງ ບັນດາປະເທດ ລຸ່ມແມ່ນໍ້າຂອງ ຄື ປະເທດກໍາປູເຈຍ, ມຽນມາ, ລາວ, ໄທ ແລະ ຫວຽດນາມ. ໂຄງການ ນັກວິທະຍາ ສາມາດໄວໜຸ່ມ ແມ່ນຂໍ້ລິເລີ່ມໜຶ່ງຂອງ LMI ທີ່ສະໜັບ ສະໜູນ ບັນດານັກ ວິຊາການໄວໜຸ່ມ ໂດຍການສ້າງ ໂອກາດ ການເຮັດວຽກຮ່ວມກັນ, ເສີມຂະຫຍາຍ ການຮ່ວມມື ດ້ານວິທະຍາສາດ ໃນເຂດສາມຫຼ່ຽມ ລຸ່ມແມ່ນໍ້າຂອງ ແລະ ສົ່ງເສີມ ການແບ່ງປັນ ຄວາມຮູ້ກ່ຽວກັບ ວິທີການປະຕິບັດ ທີ່ດີທີ່ສຸດ ດ້ານວິທະຍາສາດ ແລະ ເຕັກໂນໂລຊີ ແລະ ແນວຄວາມຄິດ ດ້ານການຄົ້ນຄວ້າຕ່າງໆ.

(ແຫຼ່ງ​ຂໍ້​ມູນ​: ຂປລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll