ວິໄສທັດມະຫາສະມຸດອິນເດຍ-ມະຫາສະມຸດປາຊີຟິກຂອງອາຊຽນ

06:55 2019/09/23

ຍສໝ - ສໍານັກຂ່າວ Antara ( ອິນໂດເນເຊຍ ) ໄດ້ເຜີຍແຜ່ບົດຂຽນ ວິໄສທັດມະຫາສະມຸດອິນເດຍ-ມະຫາສະມຸດປາຊີຟິກຂອງອາຊຽນ ໃນນັ້ນໄດ້ວິເຄາະຄວາມໝາຍ, ຄຸນຄ່າ ແລະ ຄວາມສຳຄັນຂອງວຽກງານການປົກປັກຮັກສາຄວາມໝັ້ນຄົງໃນພາກພື້ນ ແລະ ໃນອານາຄົດຂອງອາຊຽນ.

ວິໄສທັດມະຫາສະມຸດອິນເດຍ-ມະຫາສະມຸດປາຊີຟິກຂອງອາຊຽນ
ພາບປະກອບ

ວິໄສທັດມະຫາສະມຸດອິນເດຍ - ມະຫາສະມຸດປາຊີຟິກຂອງອາຊຽນ ໄດ້ຮັບການຮັບຮອງຈາກບັນດາຜູ້ນໍາອາຊີຕາເວັນອອກສ່ຽງໃຕ້, ໃນກອງປະຊຸມສຸດຍອດອາຊຽນຄັ້ງທີ່ 34 ໃນເດືອນ 6 ທີ່ຜ່ານມານີ້, ມັນໄດ້ກາຍເປັນໜື່ງໃນຂອງຂັວນພິເສດໃຫ້ແກ່ອາຊຽນເພື່ອກ້າວເຂົ້າຄົບຮອບ 52 ປີໃນວັນທີ່ 8 / 8 / 2019.

ຂໍ້ສະເໜີນີ້ຂອງອິນໂດເນເຊຍ ໄດ້ກໍານົດທິດທາງໃຫ້ແກ່ອາຊຽນ, ເພື່ອປະເຊີນໜ້າກັບແຂ່ງຂັນຍາດແຍ່ງອໍານາດລະຫ່ວາງບັນດາປະເທດມະຫາອຳນາດຢູ່ໃນພາກພື້ນອາຊີຕາເວັນອອກສ່ຽງໃຕ້.  ASEAN ໄດ້ຮັບການເຫັນດີເຫັນພ້ອມກ່ຽວກັບບັນຫານີ້ເຊີ່ງບໍ່ສາມາດຕັດແຍກອອກຈາກບົດບາດຂອງອິນໂດເນເຊຍໄດ້, ວິໄສທັດສະແດງໃຫ້ເຫັນເຖິງຄວາມມຸ່ງມາດປາດຖະນາທີ່ຈະຮັກສາສະຖຽນລະພາບຂອງພາກພື້ນ, ຮັບປະກັນໃນອານາຄົດໃຫ້ແກ່ອາຊຽນ ແລະ ບໍ່ໄດ້ຂື້ຢູ່ກັບພຽງແຕ່ອຳນາດຢ່າງດຽວທີ່ສຳຄັນສີ່ງນີ້ເປັນການຍັ້ງຢືນວ່າຫຼັກໝັ້ນຂອງອາຊຽນບໍ່ໄດ້ຢືນຢູ່ບົນປະເທດມະຫາອຳນາດໃດໆໃນການຍາດແຍ່ງອິດທິພົນຊຶ່ສຽງໃນພາກພື້ນອາຊຽນ. ສາຍເຫດການຍາດແຍ່ງອິດທິພົນຊື່ສຽງໃນພາກພື້ນອາຊຽນກໍ່ຄື: ເພາະວ່າອາຊີຕາເວັນອອກສ່ຽງໃຕ້ມີຄຸນຄ່າທາງດ້ານຍຸດທະສາດທີ່ໃຫ່ຍຫຼວງເພາະອາຊີຕາເວັນອອກສ່ຽງໃຕ້ຕັ້ງຢູ່ບົນເສັ້ນທາງການຄ້າລະຫວ່າງພາກພື້ນອາຊີຕາເວັ້ນອອກໄປຍັງບັນດາປະເທດຍູໂລບ, ອາຟິລິກາ, ຕາເວັນອອກກາງ ແລະ ອິນເດຍ, ດ້ວຍປະຊາກອນປະມານ 660 ລ້ານຄົນ ແລະ ຮັບປະກັນຄວາມໝັ້ນຄົງໃນພາກພື້ນອາຊຽນໄດ້ດືງດູດຄວາມສົນໃຈຂອງບັນດາມະຫາອຳນາດ ເພາະອາຊຽນນອນຢູ່ລະຫ່ວາງມະຫາສະມຸດອິນເດຍ ແລະ ມະຫາສະມຸດປາຊີຟິກ.

ດ້ວຍວິໄສທັດນີ້, ປະຈຸບັນອາຊຽນມີແນວທາງໃນການປ້ອງກັນສິດຜົນປະໂຫຍດຮ່ວມກັນໃນພາກພື້ນໃນສະພາບການການຍາດແຍ່ງນັບມື້ນັບເພີ່ມຂື້ນລະຫວ່າງອາເມລິກາ ແລະ ສປຈີນ. ການຮັບຮອງວິໄສທັດນີ້ແມ່ນສຸດທີ່ມີຄວາມໝາຍຄວາມສຳຄັນເພື່ອຮັກສາບົດບາດລວມຂອງອາຊຽນພ້ອມທັງຍັງຮັບປະກັນຄວາມສະຫງົບສຸກ ແລະ ຄວາມໝັ້ນຄົງຂອງອາຊີຕາເວັນອອກສ່ຽງໃຕ້.

ແນວຄວາມຄິດກ່ຽວກັບມະຫາສະມຸດອິນເດຍ - ມະຫາສະມຸດປາຊີຟິກ ໄດ້ກາຍມາເປັນເຄື່ອງມືໜື່ງທີ່ຊ່ວຍໃຫ້ອາຊຽນມີສ່ວນຮ່ວມໃນການແກ້ໄຂບັນຫາໃນພາກພື້ນເຊີ່ງບັນດາປະເທດຄູ່ຮ່ວມມື, ຄູ່ການຄ້າຂອງອາຊຽນເຊີ່ງໄດ້ແກ່ປະເທດອົດສະຕາລີ, ສປຈີນ, ອິນເດຍ, ຍີ່ປຸ່ນ, ເກົາຫຼີໃຕ້, ນິວຊີແລນ ແລະ ອາເມລິກາ.

ຜົນປະໂຫຍດຫລັກສອງຢ່າງ.

ດຣ Teuku Rezasgah ອາຈານສອນໃນສາຍຮຽນສາຍສຳພັນລະຫວ່າງຊາດ ທີ່ມະຫາວິທະຍາໄລ PadJadJaran ໄດ້ກ່າວວ່າ: ບັນດາປະເທດຄູ່ຮ່ວມມືກຽມພ້ອມທີ່ຈະສະໜັບສະໜູນທັດສະນະແນວຄວາມຄິດກ່ຽວກັບ ມະຫາສະມຸດອິນເດຍ-ມະຫາສະມຸດປາຊີຟິກທີ່ສ້າງໂດຍອາຊຽນໄດ້ພິສູດໃຫ້ເຫັນເຖີງຄວາມເຊື່ອຖື ແລະ ໄວ້ວາງ

ໃຈໃນຄວາມຮ່ວມມືລະດັບພາກພື້ນ, ຜົນທີ່ຕາມມາກໍ່ຄື: ອາຊຽນຈຳຕ້ອງໄດ້ປະຕິບັດຫຼາຍບົດບາດສະແດງອອກທີ່ແຕກຕ່າງຮ່ວມກັນ. ທ່ານ :Teuku Rezasgah ໄດ້ຕັ້ງຂໍ້ສັງເກດວ່າເພື່ອທໍາຄວາມເຂົ້າໃຈກ່ຽວກັບໂຄງປະກອບສ້າງຂອງອົງການຈັດຕັ້ງທີ່ມີຄວາມຄ່ອງຕົວ, ບັນດາທັດສະນະຍຸດທະສາດບໍ່ຄວນກຳນົດທິດໄປສູ່ການສ້າງພັນທະມິດໃໝ່, ສິ່ງນີ້ເປັນສິ່ງສຳຄັນເພື່ອສະກັດກັ້ນບັນດາແນວຄວາມຄິດມັກງ່າຍຂອງບັນດາສະມາຊິກໃນພາກພື້ນມະຫາສະມຸດອິນເດຍ-ມະຫາສະມຸດປາຊີຟິກທີ່ອາດຈະສ້າງຄວາມເສຍຫາຍຕໍ່ຄວາມໝັ້ນຄົງ. ວິໃສທັດນີ້ອາຊຽນຈະຕ້ອງດຳເນີນການຮ່ວມມືກັບຫຼາຍຂົງເຂດລວມເຖິງການຮ່ວມມືທາງທະເລເຊື່ອມຕໍ່ກັບບັນດາເປົ້າໝາຍພັດທະນາທີ່ຍືນຍົງຂອງສະຫະປະຊາຊາດໃນປີ 2030 ແລະ ການຮ່ວມມືທາງເສດຖະກິດອື່ນໆ.

ການກ່າວປາໄສ ທີ່ສູນກາງການຄົ້ນຄ້ວາຍຸດທະສາດ ແລະ ສາກົນ( CSIS )  ວັນທີ 28/8 ເອກອັກຄະລັດຖະທູດ ອິນໂດເນເຊຍປະຈຳສະຫະລາດຊະອານາຈັກອັງກິດ, ໄອແລນ ແລະ ຄະນະການຈັດຕັ້ງທາງເດີນທະເລສາກົນ (IMO), ທ່ານ Risal SuKma ໄດ້ກ່າວວ່າ ວິໄສທັດມະຫາສະມຸດອິນເດຍ-ມະຫາສະມຸດປາຊີຟິກຂອງອາຊຽນແມ່ນໜຶ່ງໃນຄວາມຕ້ອງການຍຸດທະສາດອັນໜື່ງ. ອາຊຽນບໍ່ຄວນຈະເມີນເສີຍອີກຕໍ່ໄປໃນຂະນະທີ່ບັນດາປະເທດມະຫາອຳນາດນອກພາກພື້ນກັບມາເປັນເຈົ້າການກຳນົດອານາຄົດຂອງພາກພື້ນນີ້, ອາຊຽນຕ້ອງສ້າງຄວາມຮັບປະກັນໃຫ້ແກ່ຜົນປະໂຫຍດຫຼັກສອງຢ່າງຄືບົດບາດລວມຂອງອາຊຽນ ແລະ ຄວາມເປັນເຈົ້າຍຸດທະສາດຂອງພາກພື້ນ.

ຈາກຂໍ້ມູນຂອງທ່ານ: SuKma ວິໄສທັດນີ້ຈະບໍ່ສາມາດເປັນໄປໄດ້ຖ້າຫາກປາສະຈາກແນວຄວາມຄິດລິເລີ່ມ ແລະ ຄວາມຕັດສີນໃຈສູງຂອງອີນໂດເນເຊຍ. ພາຍໃຕ້ຄວາມເປັນຜູ້ນໍາ ແລະ ການມີສ່ວນຮ່ວມໂດຍກົງຂອງລັດຖະມົນຕີການຕ່າງປະເທດ Retno ອີນໂດເນເຊຍເຊື່ອໝັ້ນວ່າພັນທະມິດໃນພູມີພາກນີ້ເປັນຄວາມຕ້ອງການຍຸດທະສາດອາຊຽນເພື່ອໃຫ້ວິໄສທັດໃນອານາຄົດມີຄວາມເປັນລະບຽບ ແລະ ເປັນໂຄງປະກອບສ້າງຂອງພາກພື້ນ.

ບັນດາຜູ້ນໍາອາຊີຕາເວັນອອກສ່ຽງໃຕ້ ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ່ 34 ໃນເດືອນ 6 ທີ່ຜ່ານມາ.(ພາບ:baoquocte.vn)

ລູກກຸນແຈໄຂສູ່ຜົນສໍາເລັດ.

ກ່ຽວກັບຍຸດທະສາດ, ພວກເຮົາຄາດຫວັງວ່າວິໄສທັດຈະສາມາດມີບົດບາດນໍາໜ້າ, ເປັນພື້ນຖານໜື່ງທີ່ສາມາດຫລຸດຜ່ອນ ແລະ ສະກັດກັ້ນໄດ້ຂໍ້ຂັດແຍ່ງຕໍ່ການຍາດແຍ່ງລະຫວ່າງປະເທດມະຫາອໍານາດ. ທ່ານ: SuKma ເວົ້າວ່າ: ຄວາມມຸ່ງມາດປາດຖະນາໃນຍຸດທະສາດຈະມີບົດບາດນໍາໜ້າເປັນບ່ອນພົບປະຮອບດ້ານໃຫ້ແກ່ບັນດາຍຸດທະສາດທີ່ແຕກຕ່າງກັນໃນຄວາມເປັນລະບຽບຮຽບຮ້ອຍຂອງພາກພື້ນ ແລະ ສິ່ງສໍາຄັນທີ່ສຸດມັນໄດ້ນໍາເອົາຄວາມມຸ່ງຫວັງມາສູ່ການເສີມຂະຫຍາຍບົດບາດລວມ, ຮັກສາໄດ້ຄວາມຄວາມເປັນເອກະພາບສູງສຸດ, ຄວາມສາມັກຄີ ແລະ ສິດເປັນເຈົ້າຍຸດທະສາດຂອງອາຊຽນ.

ເພື່ອວິໄສທັດ ມະຫາສະມຸດອິນເດຍ - ມະຫາສະມຸດປາຊີຟິກຂອງອາຊຽນ ມີຄວາມໝາຍຄວາມສໍາຄັນ, ຮຽກຮ້ອງໃຫ້ຕ້ອງມີພື້ນຖານໜຶ່ງ. ກອງປະຊຸມສຸດຍອດອາຊີຕາເວັນອອກ (EAS) ມີທ່າແຮງບົ່ມຊ້ອນກາຍເປັນພື້ນຖານໜຶ່ງຄືແນວນັ້ນແລ້ວ, ທ່ານ: SuKma ເວົ້າວ່າ: ວິໄສທັດແມ່ນຂັ້ນຕອນໜຶ່ງທີ່ຖືກຕ້ອງ, ເຖີງແນວນັ້ນກໍ່ຕາມສີ່ງທ້າທາຍໃນອານົດນັ້ນຍັງມີຫລວງຫລາຍຖ້າປຽບທຽບໃສ່ໝາກຜົນທີ່ຍາດມາໄດ້, ໜຶ່ງໃນຄວາມເຫັນດີເຫັນພ້ອມ, ອີນໂດເນເຊຍຄວນພື້ນຟູຄືນໃໝ່ກ່ຽວກັບແນວຄວາມຄິດເພື່ອຍົກສູງລະດັບກົດບັດອາຊຽນ ແລະ ປະເມີນຄືນວ່າຈະເຮັດແນວໃດເພື່ອໃຫ້ອາຊຽນກຽມພ້ອມຮັບມືກັບສີ່ງທ້າທາຍໃນປະຈຸບັນ ແລະ ອະນາຄົດໄດ້. ສຸດທ້າຍ, ເພີ່ມທະວີຄວາມເປັນເອກະພາບ ແລະ ຄວາມສາມາດຂອງກົດບັດອາຊຽນໃຫ້ເຂັ້ມແຂງກາຍເປັນລູກກຸນແຈໄຂທີ່ສໍາຄັນໃຫ້ແກ່ບົດບາດລວມຂອງອາຊຽນໃນເວທີໂລກ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll