ພາຍຸ Hagibis: ຍີ່ປຸນ ໄດ້ຮັບຜົນເສຍຫາຍໜັກ 9 ຕື້ໂດລາສະຫະລັດ

10:45 2019/10/22

ຍີ່ປຸ່ນ ​ໄດ້​ຮັບ​ຄວາມ​ເສຍ​ຫາຍ ​ຈາກ​ພາຍຸ​ Hagibis ຢ່າງ​ງໜັກ ​ເຮັດ​ໃຫ້​ມີ​ຜູ້​ເສຍ​ຊີວິດ ​ເກືອບ 80 ຄົນ, ສູນ​ຫາຍ 10 ຄົນ, ​ເຮືອນ​ຈົມ​ຢູ່​ໃຕ້​ນ້ຳ ປະມານ 45.000 ຫລັງ ​ແລະ ມີ​ການ​ປະ​ເມີນ​ຄວາມ​ເສຍ​ຫາຍ ​​ເບື້ອງ​ຕົ້ນສູງ​ເຖິງ 9 ຕື້​ໂດ​ລາ​ ສະຫະລັດ, ປະ​ຊາ​ຊົນ 4.600 ຄົນ.

ພາຍຸ Hagibis: ຍີ່ປຸນ ໄດ້ຮັບຜົນເສຍຫາຍໜັກ 9 ຕື້ໂດລາສະຫະລັດ
ຍີ່ປຸ່ນ  ​ໄດ້​ຮັບ​ຄວາມ​ເສຍ​ຫາຍ ​ຈາກ​ພາຍຸ​ Hagibis ຢ່າງ​ງໜັກ ​ເຮັດ​ໃຫ້​ມີ​ຜູ້​ເສຍ​ຊີວິດ ​ເກືອບ 80 ຄົນ, ສູນ​ຫາຍ 10 ຄົນ.(ພາບ:news.zing.vn)

ວັນທີ 13 ຕຸລາ 2019, ວົງການເຈົ້າໜ້າທີ່ຂອງ ຍີ່ປຸ່ນ ໄດ້ປະກາດວ່າ ຢ່າງໜ້ອຍສຸດມີ 11 ຄົນ ເສຍຊີວິດ ເມື່ອພາຍຸ Hagibis ພັດຖະຫຼົ່ມເຂົ້າປະເທດນີ້ ພ້ອມທັງເກີດຝົນຕົກໜັກທີ່ບໍ່ເຄີຍມີມາກ່ອນ. ອໍານາດການປົກຄອງ ໄດ້ອອກຄໍາສັ່ງໃຫ້ຍົກຍ້າຍປະຊາຊົນກວ່າ 6 ລ້ານຄົນ ໄປຍັງບ່ອນປອດໄພໃນທົ່ວປະເທດ ຍີ່ປຸ່ນ. ໄລ່ມາຮອດປັດຈຸບັນ, ຢ່າງໜ້ອຍສຸດມີປະຊາຊົນຮັບບາດເຈັບ 80 ຄົນ, ໃນຂະນະນັ້ນ ມີ 270.000 ຄອບຄົວ ບໍ່ມີໄຟຟ້າໃຊ້.  ຢູ່ເຂດທ່າກໍ່າປັ່ນ ໂຕກຽວ ຢູ່ເມືອງ Nagasaki, ອໍານາດການປົກຄອງໄດ້ຊ່ອຍກູ້ ກໍ່າປັ່ນຂົນສົ່ງສິນຄ້າລໍາໜຶ່ງ ທີ່ຖືກໂຈມນໍ້າ, ກູ້ເອົາຊີວິດຂອງລູກເຮືອຄົນຕ່າງປະເທດ 3 ຄົນ. ສ່ວນຈໍານວນລູກເຮືອທີ່ຍັງເຫຼືອນັ້ນ ໄດ້ຮັບຖືວ່າ ແມ່ນຖືກຫາຍຊາບສູນ. ຕາມຕໍາຫຼວດທະເລຍີ່ປຸ່ນ ແລ້ວ, ນີ້ແມ່ນກໍ່າປັ່ນຂົນສົ່ງສິນຄ້າຂອງ ປານາມາ. ໃນຈໍານວນລູກເຮືອຂອງກໍ່າປັ່ນລໍາດັ່ງກ່າວ ມີຄົນມຽນມາ 3 ຄົນ, ຄົນຈີນ 7 ຄົນ ແລະ ຄົນຫວຽດ 2 ຄົນ.

 ​ເຮືອນ​ຈົມ​ຢູ່​ໃຕ້​ນ້ຳ ປະມານ 45.000 ຫລັງ.(ພາບ:news.zing.vn)

ຂະນະ​ທີ່ ທົ່ງ​ນາ ທາງ​ພາກ​ເໜືອ​ສ່ວນ​ໃຫຍ່ ​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກ ​ເພາະ​ຖືກ​ນ້ຳຖ້ວມ ​ເປັນ​ບໍລິ​ເວນ​ກວ້າງ ​ແລະ ​ເຂື່ອນ​ໃນ​ພື້ນ​ທີ່​ຕ່າງໆ 130 ​ແຫ່ງ ​ໄດ້​ຮັບ​ຄວາມ​ເສຍ​ຫາຍ ​ເຊັ່ນ​ກັນ. ຂະນະ​ທີ່ ລັດຖະມົນຕີ​ ກະຊວງການ​ເງິນ​ ຍີ່ປຸ່ນ ມີ​ງົບປະມານ​ ສຳຮອງ ​ເພື່ອ​ຟື້ນ​ຟູ​​ໄພພິບັດ 500.000 ລ້ານ​ເຢັນ ​ແລະ ພ້ອມ​ເຈລະຈາ​ ເພີ່ມ​ຕື່ມ​ອີກ​ ຖ້າ​ມີ​ຄວາມ​ຈຳ​ເປັນ.ນອກຈາກ​ນີ້ ຍີ່ປຸ່ນ ຍັງ​ກຽມ​ຮັບ​ມື ​ກັບ​ພາຍຸ​​ໃຫຍ່​ອີກ 2 ຫົວ ຄື: ​ໂນ​ກູຣິ ​ແລະ ບົວ​ລອຍ ພວມ​ເຄື່ອນ​ຕົວ ​ເຂົ້າແຄມ​ຝັ່ງ​ທາງພາກ​ໃຕ້ຂອງ​ປະ​ເທດ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll