ປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງ ​ແລກປ່ຽນ​ຄວາມ​ຮູ້ ການພັດທະນາໄອຊີທີແບບຍືນຍົງ

10:23 2019/07/01

ໃນວັນລະຫວ່າງວັນທີ 27-28 ມິຖຸນາ 2019 ທີ່ໂຮງແຮມ ດອນຈັນພຣາເລດ ນະຄອນຫລວງວຽງຈັນ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດສຳມະນາ ພາຍໃຕ້ຫົວຂໍ້ ການພັດທະນາ ໄອຊີທີ ແບບຍືນຍົງ ຂອງປະເທດ ລຸ່ມແມ່ນໍ້າ ຂອງ-ແມ່ນໍ້າ ລ້ານຊ້າງຂຶ້ນ ເພື່ອແລກປ່ຽນຄວາມຮູ້ ແລະ ປະສົບການ ລະຫວ່າງ ປະເທດ ເຂດລຸ່ມ ແມ່ນໍ້າຂອງ-ແມ່ນໍ້າລ້ານຊ້າງ ແລະ ສປ ຈີນ, ​ໂດຍໄດ້ຮັບທຶນ​ສະ​ໜັບ​ສະ​ໜູນພາຍ​ໃຕ້ກອງ​ທຶນ​ພິ​ເສດ ແມ່​ນ້ຳ​ຂອງ-ແມ່ນ້ຳລ້ານ​ຊ້າງ ຂອງ​ລັດ​ຖະ​ບານ ສ​ປ ຈີນ.

ປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງ ​ແລກປ່ຽນ​ຄວາມ​ຮູ້ ການພັດທະນາໄອຊີທີແບບຍືນຍົງ
ປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງ ​ແລກປ່ຽນ​ຄວາມ​ຮູ້ ການພັດທະນາໄອຊີທີແບບຍືນຍົງ

ໃນງານສໍາມະນາດັ່ງກ່າວ, ​ນັກສໍາມະນາກອນ ໄດ້ຮັບຟັງການເຜີຍແຜ່, ປະກອບຄໍາເຫັນ, ແລກ ປຽ່ນບົດຮຽນ, ປະສົບການ ທາງດ້ານເຕັກໂນໂລຊີ ແລະ ແນວທາງນະໂຍບາຍຕ່າງໆ, ນິຕິກໍາ ທີ່ຍົກໃຫ້ ເຫັນສະພາບ ການນໍາໃຊ້ ໄອຊີທີ, ທິດທາງ ແລະ ແຜນການຂອງແຕ່ລະປະເທດ ລວມ​ເຖິງຫົວ​ຂໍ້ຕິດພັນ ກັບການພັດທະນາແບບຍືນຍົງ, ເສດຖະກິດດິຈິຕອນ ແລະ ການຫັນເປັນທັນສະໄໝ. 

ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ ​ໄດ້​ກ່າວ​ວ່າ: ການສົນທະນາ ກ່ຽວກັບ ການພັດທະນາ ໄອຊີທີ ຂອງພາກພື້ນນີ້, ບໍ່ພຽງແຕ່ ເປັນການ ແລກປ່ຽນຄວາມຮູ້ ແລະ ປະສົບການອັນດີ ລະຫວ່າງ ກັນແລ້ວ ແຕ່ຍັງເປັນການ ສົ່ງເສີມ ສາຍພົວພັນອັນດີ ລະຫວ່າງປະເທດ ເພື່ອນບ້ານ ທີ່ຢູ່ໃນຂົງເຂດ ແມ່​ນ້ຳ​ຂອງ-ແມ່ນ້ຳ​ລ້ານ​ຊ້າງ. ໃນປີ 2017 ແລະ 2018 ລັດຖະບານ ສປ ຈີນ ໄດ້ໃຫ້ການ ຊ່ວຍເຫລືອ ຫລາຍກິດຈະກໍາແກ່ ສປປ ລາວ ແລະ ບັນດາປະເທດ ເຂດລຸ່ມແມ່ນໍ້າຂອງ-ແມ່ນໍ້າລ້ານຊ້າງ, ພ້ອມທັງໄດ້ ຜັນຂະຫຍາຍວິໃສທັດ ຮອດປີ 2030, ແຜນຍຸດທະສາດໄລຍະ 10 ປີ (2016-2025) ແລະ ແຜນພັດທະນາ 5 ປີ ຄັ້ງທີ II (2016-2020) ຂອງຂະແໜງ ປທສ.

ທ່ານ ທອງ​ໃສ ຊານໄຊຍະ ກ່າວຕື່ມ​ວ່າ: ໃນຍຸກເສດຖະກິດ ດິຈິຕອນ, ໄອຊີທີ ແລະ ເຕັກໂນໂລຊີດິຈິຕອນ ແມ່ນມີບົດບາດສໍາຄັນ ໃນການພັດທະນາ ເສດຖະກິດ-ສັງຄົມ ຂອງທຸກປະເທດ ນັບມື້ນັບຂະຫຍາຍຕົວ ແລະ ມີຄວາມເກາະກ່າຍ ຂ້າມຂະແໜງການ. ພວກເຮົາຫວັງຢ່າງຍິ່ງວ່າ ການຮ່ວມມື ພາຍໃຕ້ຂອບ ການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງນີ້ ຈະຂັບເຄື່ອນ ໃຫ້ບັນລຸເປົ້າໝາຍ ຊຶ່ງຈະເປັນການ ຊ່ວຍພັດທະນາ ຂະແໜງການໄອຊີທີ ແບບຍືນຍົງ ໃນອະນຸພາກພື້ນ ເພື່ອໃຫ້ເປັນແຮງຜັກດັນ ການສ້າງສາ ແລະ ພັດທະນາ ປະເທດຊາດໂດຍລວມ.

(ແຫຼ່ງ​ຂໍ້​ມູນ​: ຂປລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll