ບັນດາປະເທດໃນອາຊີ ໄດ້ມີວິທີການຈັດພິທີສະເຫຼີມສະຫຼອງເທດສະການໄຫວ້ພະຈັນຄືແນວໃດ

14:50 2019/09/11

ຍສໝ - ມີບາງປະເທດ ເປັນຕົ້ນແມ່ນ ຫວຽນາມ, ເກົາຫຼີໃຕ້ ແລະ ຈີນ ເທດສະການໄຫວ້ພະຈັນ ຖືເປັນໂອການເພື່ອເຕົ້າໂຮມສະມາຊິກພາຍໃນຄອບຄົວ ແລະ ພ້ອມກັນອອກແຈກເຂົ້າໜົມໃຫ້ເດັກນ້ອຍ ແລະ ພ້ອມກັນແຫ່ໂຄມໄຟ.ເທດສະການໄຫວ້ພະຈັນ ຖືເປັນເທດສະການໃຫຍ່ທີ່ຕິດພັນກັບເດັກນ້ອຍໂດຍກົງ. ກ່ອນເທດສະການ ບັນດາຖະໜົນຫົນທາງຈະຖືກປະດັບປະດາດ້ວຍໂຄມໄຟຫຼາກຫຼາຍສີສັນ ຢ່າງສວຍສົດງົດງາມ.

ບັນດາປະເທດໃນອາຊີ ໄດ້ມີວິທີການຈັດພິທີສະເຫຼີມສະຫຼອງເທດສະການໄຫວ້ພະຈັນຄືແນວໃດ
ພາບປະກອບ

ຫວຽດນາມ

ພໍຮອດວັນທີ 15 ເດືອນ 8 (ຕາມປະຕິທິນທ້ອງຖິ່ນ) ຜູ້ຄົນຈະພ້ອມກັນຈັດພາໝາກໄມ້ບູຊາຕາມຮີດຄອງປະເພນີທີ່ເຄີຍສືບຕໍ່ກັນມາທຸກປີ, ຫຼັງຈາກນັ້ນສະມາຊິກໝົດທຸຄົນພາຍໃນຄອບຄົວຈະພ້ອມກັນແຫ່ໂຄມໄຟ, ຊົມການເຊີດສິງໂຕ ແລະ ພ້ອມກັນແຈກເຂົ້ານົມຂ້ອງຕ້ອນໃຫ້ເດັກນ້ອຍ.

ພາບປະກອບ

ເກົາຫຼີໃຕ້

ເທດສະການໄຫວ້ພະຈັນ ເປັນໜຶ່ງໃນເທດການທີ່ໃຫຍ່ທີ່ສຸດຂອງເກົາຫຼີ, ຕາມປະເພນີຂອງຊາວເກົາຫຼີ ເທດ ສະການນີ້ຈະເປັນມື້ພັກຍາວ 3 ມື້ຕິດຕໍ່ກັນ, ໂອກາດນີ້ຄົນເກົາຫຼີຈະນິຍົມກັນກັບບ້ານເກີດເມືອງນອນເພື່ອໄຫວ້ບັນພະບູລຸດ ແລະ ຖືເອົາໂອກາດນີ້ເພື່ອເປັນການພົບປະສັງສັນລະຫວ່າງສະມາຊິກພາຍໃນຄອບຄົວດ້ວຍກັນ. ອາຫານພື້ນເມືອງປະຈຳເທດສະການນີ້ໄດ້ແກ່ເຂົ້າໜົມ song pyeon ເຊິ່ງເຮັດຈາກແປ້ງເຂົ້າປັ້ນເປັນຮູບພະຈັນເຄິ່ງສ້ຽວ ນອກນີ້ຍັງມີປີ້ງລູກຊີ້ນ, ເຂົ້າໜົມຖົ່ວລຽນ... ນອກນັ້ນຄົນເກົາຫຼີຍັງນິຍົມມອບຂອງຕ້ອນໃຫ້ກັນເປັນຕົ້ນແມ່ນ: ຊີ້ນງົວ, ນໍ້າມັນພືດ, ໝາກໄມ້ ແລະ ໂສມ.

ພາບປະກອບ

ຈີນ

ເທດສະການໄຫວ້ພະຈັນ ເປັນໃນເທດການທີ່ໃຫຍ່ອັນດັບສອງຂອງຈີນ ຮອງຈາກກຸດຈີນ. ຊິ່ງເທດສະການນີ້ໄດ້ເລີ່ມມີມາແຕ່ສະໄໝລາດຊະວົງຈູ (1046-256 ກ່ອນ ຄສ) ໃນເທດສະການປະຊາຊົນຊາວຈີນຈະພ້ອມກັນກັບບ້ານເພື່ອພ້ອມກັນກິນເຂົ້າແລງ, ກິນເຂົ້າໜົມພື້ນເມືອງພ້ອມກັບສະມາຊິກໃນຄອບຄົວ.

ພາບປະກອບ

ຍີ່ປຸ່ນ

ເທດສະການໄຫວ້ພະຈັນ ຫຼື ເອີ້ນເປັນພາສາຍີ່ປຸ່ນວ່າ ຊູກິມິ ຫຼື ໂອຊູກິມິ. ຢູ່ໃນດິນແດນຊາກຸລະແຫ່ງນີ້ ພໍຮອດມື້ຄືນພະຈັນເຕັມດວງ 15 ເດືອນ 8 (ຕາມປະຕິທິນທ້ອງຖິ່ນ) ຄົນຍີ່ປຸ່ນຈະພ້ອມກັນຈັດງານຂຶ້ນຢ່າງອະລັງການ ບັນດາຖະໜົນຫົນທາງຈະຖືກປະດັບປະດາດ້ວຍ susuki ແລະ ພ້ອມກັນກິນເຂົ້າໜົມພື້ນເມືອງຂອງຍີ່ປຸ່ນທີ່ມີຊືວ່າ tsukimi dango, ພ້ອມກັນດືື່ມນ້ຳຊາ ຫຼື ສາເກ ແລະ ຊົມພະຈັນ ນອກຈາກນີ້ກໍ່ຍັງມີອາຫານປະເພດ ເຜືອກມັນຈຳນວນໜຶ່ງ.

ພາບປະກອບ

ສິງກາໂປ

ໃນດິນແດນໝູ່ເກາະແຫ່ງສິງໂຕ ເປັນຕົ້ນແມ່ນຢູ່ຕາມຊຸມຊົນທີ່ມີເຄົ້າກຳເນີດມາຈາກຈີນ ຈະພ້ອມກັນສະຫຼອງ ເທດສະການໄຫວ້ພະຈັນ ແລະ ເທດສະການນີ້ກໍ່ຈະຄ້າຍໆຄືກັບປະເພນີຂອງຈີນ, ກິດຈະກຳທີ່ສາມາດເຫັນໄດ້ທົ່ວໄປຢ່າງຫຼາກຫຼາຍແມ່ນ ການແຫ່ໂຄມໄຟ. ບໍ່ເທົ່າໃດອາທິດກ່ອນເທດສະການເລີ່ມຂຶ້ນ ພວກເຮົາຈະສາມາດເຫັນໄດ້ບັນດາໂຄມໄຟຫຼາກຫຼາຍສີສັນສວຍງາມປະກົດຂຶ້ນຢູ່ທົ່ວເກາະສິງກາໂປ ແຕ່ເຂົ້າໜົມໄຫວ້ພະຈັນຂອງສິງກະໂປຈະມີລົດຊາດແຕກຕ່າງຈາກເຂົ້າໜົມໄຫວ້ພະຈັນຂອງຈີນ ແລະ ມີຫຼາຍທີ່ສຸດແມ່ນເຂົ້າໜົມທີ່ເຮັດມາຈາກໝາກຖົ່ວລຽນ.

ພາບປະກອບ

ໄທ

ເທດສະການໄຫວ້ພະຈັນ ໄດ້ຕິດພັນກັບເລື່ອງເລົ່າກ່ຽວກັບເທບພະເຈົ້າ 8 ອົງໄດ້ບິນຂຶ້ນໄປເທິງດວງຈັນເພື່ອໄປເອົາໝາກໄມ້ສະຫວັນມາມອບເປັນຂອງຂັວນວັນເກີດໃຫ້ແກ່ເຈົ້າແມ່ກວນອິມ. ໃນວັນເທດສະການຜູ້ຄົນຈະພ້ອມກັນກັບບ້ານ ແລະ ນິຍົມກັນສະຫຼອງເທດສະການດ້ວຍໝາກພຸກ ແລະ ເຂົ້າໜົມມາກຖົ່ວລຽນ ສອງອາຫານປະເພດນີ້ເປັນອາຫານທີ່ໄດ້ຮັບຄວາມນິຍົມຫຼາຍສຸດໃນເທດສະການ. ກ່ອນເລີ່ມເທດສະການບັນດາຕົວເມືອງຈະໄດ້ຮັບການຕົບແຕ່ງຢ່າງສວຍງາມ ເປັນຕົ້ນແມ່ນ: ຈັງຫວັດຕຣັງ ແລະ ຈັງຫວັດຫາດໃຫຍ່ ສອງບ່ອນນີ້ຈະຄຶກຄື້ນກ່ວາໝູ່ເພາະສອງຈັງ ຫວັດນີ້ມີຊາວຈີນອາໃສຢູ່ຫຼາຍທີ່ສຸດ.

ພາບປະກອບ

ມາເລເຊຍ

ເທດສະການໄຫວ້ພະຈັນ ຢູ່ມາເລເຊຍກໍ່ຄ້າຍຄືກັບຢູ່ຈີນ ບັນດາປະເພນີທີ່ສຳຄັນທີ່ສຸດແມ່ນການເຕົ້າໂຮມສະມາຊິກພາຍໃນຄອບຄົວ, ການຫ້ອຍໂຄມໄຟ ແລະ ກິນເຂົ້າໜົມໄຫວ້ພະຈັນ. ພິເສດ ການຈັດເທດສະການຄຶກຄື້ນກວ່າໝູ່ໝົດແມ່ນຢູ່ນະຄອນຫຼວງກົວລາລຳເປີ, ປີນັງ ແລະ ໄອໂປ ເພາະ ບັນດາແຂວງເຫຼົ່ານີ້ມີຄົນມາເລເຊື້ອສາຍຈີອາໄສຢູ່ຫຼາຍທີ່ສຸດ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll