ທົ່ວໂລກ ບຸກບືນທີ່ຈະຊ່ວຍດັບເພີງປ່າ Amazon

11:20 2019/08/31

ຍສໝ - ຊຸມຊົນໃນໂລກ ກຳລັງມີຄວາມກັງວົນ ກ່ຽວກັບສະພາບການໄຟປ່າຂອງປ່າໄມ້ Amazon ເພາະວ່າປ່າຝົນແຫ່ງນີ້ໄດ້ຖືວ່າເປັນ "ປອດສີຂຽວຂອງໂລກ", ສະໜອງ ອົກຊີເຈນ ປະມານ 20% ໃຫ້ແກ່ໂລກ.

ໃນໄລຍະສາມອາທິດຜ່ານມາ, ບ່ອນເກີດໄຟໄໝ້ໄດ້“ ເຜົາ” ປ່າ Amazon, ປ່າເຂດຮ້ອນທີ່ມີເນື້ອທີ່ 7 ລ້ານກິໂລຕາແມັດ ແລະ ກະຈາຍໄປທົ່ວອານາເຂດຂອງ 8 ປະເທດ ບຣາຊິນ, ເປຣູ, ໂບລິເວຍ, ເອກວາດໍ, ໂຄລົມເບຍ, ເວເນຊູເອລາ, ກູຢານາ, Suriname ແລະ ເຂດ ແຄວ້ນ Guiana ຂອງຝຣັ່ງ, 60% ໃນນັ້ນແມ່ນຢູ່ປະເທດບຣາຊິນ.

ເຮືອບິນ Hercules C-130 ໄປໃນປ່າ Amazon.

ເພື່ອປະເຊີນໜ້າກັບໄຟໄໝ້, ລັດຖະບານໃນພາກພື້ນໄດ້ໃຊ້ຫຼາຍມາດຕະການ. ທະຫານຂອງປະເທດບຣາຊິນ ຫຼາຍກວ່າ 43,000 ຄົນໄດ້ຖືກລະດົມ, ນໍ້າຫລາຍສິບພັນລິດໄດ້ຂົນສົ່ງໂດຍເຮືອບິນ Hercules C-130 ໄປໃນປ່າ Amazon. ລັດຖະບານ ໂບລິເວຍ ໄດ້ໃຊ້ເຮືອບິນ ໂບອິ້ງ 747 Supertanker, ເຮືອບິນດັບເພີງທີ່ໃຫຍ່ທີ່ສຸດໃນສະຫະລັດອາເມລິກາ, ເພື່ອດຳເນີນການປະຕິບັດງານດັບເພີງ, ແລະປະທານາທິບໍດີ Evo Morales ໄດ້ເລື່ອນບັ້ນຮົບອອກສະໝັກເລືອກຕັ້ງ ເພື່ອສຸມໃສ່ການຕໍ່ສູ້ກັບໄຟປ່າ. ປະທານາທິບໍດີ ໂບລິເວຍ ກໍ່ໄດ້ເຊີນຜູ້ນຳ ປະເທດ G7 ມາ ອາເມລິກາໃຕ້ ເພື່ອ“ໂດຍກົງປ່ຽນຄຳໝັ້ນສັນຍາ ເປັນ ການກະທຳ”. ລັດຖະບານ Paraguay ສະໜອງ ນ້ຳປະມານ 10,000 ລິດ ເພື່ອສະໜັບສະໜູນ ຊາວກະສິກອນໃນເຂດພາກເໜືອ ໃກ້ກັບຊາຍແດນ Bolivia ແລະ Brazil. 

ທ່ານເລຂາທິການໃຫຍ່ສະຫະປະຊາຊາດ Antonio Guterres ໄດ້ສະແດງຄວາມຫວັງຢາກໃຫ້ຈັດກອງປະຊຸມສຸດຍອດກ່ຽວກັບສະພາບການປະຈຸບັນຂອງປ່າ Amazon, ຢູ່ນອກກອງປະຊຸມສະມັດຊາໃຫຍ່ສະຫະປະຊາຊາດ ໃນລະຫວ່າງວັນທີ 20 – 29 ກັນຍາ ຈະມາເຖິງ. ໃນຖະແຫຼງການຢ່າງເປັນທາງການ, ທ່ານ Guterres ເນັ້ນໜັກວ່າ “ສະພາບການຢູ່ປ່າ Amazon ໃນປະຈຸບັນແມ່ນຮ້າຍແຮງທີ່ສຸດ”, ພ້ອມທັງສະແດງຄວາມຫວັງວ່າ “ປະຊາຄົມສາກົນຈະຂົນຂວາຍຢ່າງແຮງ ເພື່ອໜູນຊ່ວຍບັນດາປະເທດໃນພາກພື້ນ Amazon ດັບມອດໄຟໄໝ້ໃຫ້ໄວທີ່ສຸດ ແລະ ດ້ວຍພາຫະນະທຸກຢ່າງທີ່ສາມາດນຳໃຊ້ໄດ້ ແລະ ຫຼັງຈາກນັ້ນແມ່ນມີນະໂຍບາຍປູກປ່າຢ່າງຮອບດ້ານ”.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll