ຖະແຫຼງການຮ່ວມຂອງຝລັ່ງ,ເຢຍລະມັນແລະອັງກິດກ່ຽວກັບທະເລຕາເວັນອອກ

16:18 2019/08/30

ຍສໝ - ໃນວັນທີ 29 ສິງຫາ 2019, ເວັບໄຊຂອງກະຊວງການຕ່າງປະເທດເຢຍລະມັນ ໄດ້ລົງແຈ້ງການກ່ຽວກັບຖະແຫຼງການຮ່ວມຂອງຝລັ່ງ, ເຢຍລະມັນ ແລະ ອັງກິດ ກ່ຽວກັບສະພາບການຢູ່ທະເລຕາເວັນອອກ.

ຖະແຫຼງການຮ່ວມຂອງຝລັ່ງ,ເຢຍລະມັນແລະອັງກິດກ່ຽວກັບທະເລຕາເວັນອອກ
ຖະແຫຼງການຮ່ວມຂອງຝລັ່ງ,ເຢຍລະມັນແລະອັງກິດກ່ຽວກັບທະເລຕາເວັນອອກ. (ພາບ: AFP)

ບັນດາປະເທດສະມາຊິກຂອງສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS), ຝລັ່ງ, ເຢຍລະມັນ ແລະ ອັງກິດ ໄດ້ເນັ້ນໜັກເຖິງຄວາມສົນໃຈຂອງເຂົາເຈົ້າຕໍ່ເລື່ອງເຜີຍແຜ່ການນຳໃຊ້ສົນທິສັນຍາທີ່ວາງອອກໃນຂອບເຂດນິຕິທຳຢ່າງຮອບດ້ານ, ໃນນັ້ນທຸກໆການເຄື່ອນໄຫວຢູ່ບັນດາເຂດທະເລ ລວມທັງທະເລຕາເວັນອອກ ຕ້ອງໄດ້ປະຕິບັດ ແລະ ສິ່ງດັ່ງກ່າວໄດ້ສ້າງພື້ນຖານໃຫ້ແກ່ການຮ່ວມມືລະຫວ່າງບັນດາປະເທດ, ພາກພື້ນ ແລະ ທົ່ວໂລກໃນຂົງເຂດການເດີນທະເລ. ເຂົາເຈົ້າໄດ້ຢ້ຳຄືນຄຳຕັດສິນຂອງສານສາກົນ PCA ຍົກອອກມາຕາມ UNCLOS ເມື່ອວັນທີ 12 ກໍລະກົດ 2016.  ສາມປະເທດດັ່ງກ່າວກໍ່ຮຽກຮ້ອງໃຫ້ທຸກໆປະເທດຢູ່ເຂດແຄມທະເລຕາເວັນອອກ ຈົ່ງປະຕິບັດບັນດາມາດຕະການ ແລະ ວິທີການແກ້ໄຂເພື່ອຫຼຸດຜ່ອນຄວາມເຄັ່ງຕຶງ ແລະ ປະກອບສ່ວນຮັກສາ, ຊຸກຍູ້ສັນຕິພາບ, ຄວາມສະຫງົບ, ຄວາມໝັ້ນຄົງ ແລະ ຄວາມປອດໄພຢູ່ພາກພື້ນ. ຕາມ ອີຢູ ແລ້ວ, ບັນດາຝ່າຍໃນພາກພື້ນທັງໝົດ ຄວນອົດກັ້ນ ແລະ ມີບາດກ້າວເດີນຢ່າງລະອຽດ ເພື່ອມຸ່ງໄປເຖິງການຟຶ້ນຟູສະພາບການໃຫ້ຢູ່ໃນສະພາບເດີມ, ຄວບຄຸມການຫັນເປັນການທະຫານໃນພາກພື້ນ ແລະ ແກ້ໄຂບັນດາການຂັດແຍ້ງໂດຍສັນຕິວິທີ ແລະ ສອດຄ່ອງກັບກົດໝາຍສາກົນ. 

ນັກຂ່າວ Alex Svamberg, ນັກຊ່ຽວຊານວິເຄາະບັນດາບັນຫາຄວາມໝັ້ນຄົງສາກົນ ສັງກັດອົງການໜັງສືພິມ Novinky.cz ຂອງ ເຊັກໂກ ຖືວ່າ ເລື່ອງ ຈີນ ຈັດສົ່ງກໍ່າປັ່ນສໍາຫຼວດໄຮ້ຢາງ 8 ພ້ອມກັບກໍ່າປັ່ນປ້ອງກັນເຂົ້າໄປເຂດເສດຖະກິດຈໍາເພາະຂອງຫວຽດນາມຢູ່ເຂດບ໊າຍຕືຈິ໊ງນັ້ນ ແມ່ນການກະທໍາ ກໍ່ຄວາມເຄັ່ງຕຶງ ຂອງຈີນຢູ່ທະເລຕາເວັນອອກ, ແມ່ນການກະທໍາລະເມີດກົດໝາຍສາກົນ, ໂດຍສະເພາະແມ່ນ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982, ກໍ່ຜົນກະທົບບໍ່ດີຕໍ່ສັນຕິພາບ, ສະຖຽນລະພາບ ແລະ ການພັດທະນາຂອງພາກພື້ນ. 

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll