ກອງປະຊຸມລັດຖະມົນຕີຄົມມະນາຄົມຂົນສົ່ງອາຊຽນ ບັນລຸໄດ້ຂໍ້ຕົກລົງສໍາຄັນຕ່າງໆ

06:17 2019/11/18

ຍສໝ - ວັນທີ 15 ພະຈິກ, ທີ່ຮ່າໂນ້ຍ ໄດ້ດໍາເນີນການປະຊຸມຂ່າວເພື່ອແຈ້ງໃຫ້ຊາບກ່ຽວກັບໝາກຜົນຂອງກອງປະຊຸມລັດຖະມົນຕີຄົມມະນາຄົມຂົນສົ່ງອາຊຽນ ຄັ້ງທີ 25 (ATM 25).

ກອງປະຊຸມລັດຖະມົນຕີຄົມມະນາຄົມຂົນສົ່ງອາຊຽນ ບັນລຸໄດ້ຂໍ້ຕົກລົງສໍາຄັນຕ່າງໆ
ພິທີລົງນາມບັນດາຂໍ້ຕົກລົງທີ່ບັນລຸໄດ້ໃນສອງວັນດໍາເນີນກອງປະຊຸມ ATM 25. (ພາບ: vovgiaothong.vn)

ກອງປະຊຸມໄດ້ສຸມໃສ່ປຶກສາຫາລື 4 ບັນຫາຕົ້ນຕໍຄື ປະຕິບັດສໍາເລັດລະບຽບການຕ່າງໆເພື່ອລົງນາມໃນບັນດາເອກະສານຫຼາຍຝ່າຍ ຂັ້ນລັດຖະບານ ແນໃສ່ເພີ່ມທະວີການເຊື່ອມຕໍ່ດ້ານຄົມມະນາຄົມຂົນສົ່ງໃນ ອາຊຽນ ແລະ ລະຫວ່າງ ອາຊຽນ ກັບ ບັນດາປະເທດຄູ່ຮ່ວມມື; ຮັບຟັງບົດລາຍງານກ່ຽວກັບສະພາບການຜັນຂະຫຍາຍບັນດາລາຍການ, ໂຄງການ ນອນໃນຂອບເຂດແຜນການຍຸດທະສາດຄົມມະນາຄົມຂົນສົ່ງ ກົວລາລໍາເປີ 2016 – 2015; ຮັບຮອງເອົາບັນດາໂຄງການ, ແຜນການເຄື່ອນໄຫວໃນຂອບເຂດການຮ່ວມມືຄົມມະນາຄົມຂົນສົ່ງ ອາຊຽນ ໃນປີ 2020; ພົວພັນແລກປ່ຽນ, ຊຸກຍູ້ການຮ່ວມມືຄົມມະນາຄົມຂົນສົ່ງກັບບັນດາຄູ່ເຈລະຈາ ເຊິ່ງລວມມີ ຈີນ, ຍີ່ປຸ່ນ, ສ.ເກົາຫຼີ ແລະ ບັນດາຄູ່ຮ່ວມມືອື່ນໆ. 

ທີ່ກອງປະຊຸມ, ລັດຖະມົນຕີຄົມມະນາຄົມຂົນສົ່ງບັນດາປະເທດອາຊຽນ ໄດ້ສໍາເລັດລະບຽບການເພື່ອລົງນາມບັນດາເອກະສານຫຼາຍຝ່າຍຂັ້ນລັດຖະບານ ແນໃສ່ເພີ່ມທະວີການເຊື່ອມຕໍ່ຄົມມະນາຄົມຂົນສົ່ງໃນອາຊຽນ ແລະລະຫວ່າງອາຊຽນກັບບັນດາປະເທດຄູ່ຮ່ວມມື. ໂດຍລະອຽດແມ່ນ, ອະນຸສັນຍາສໍາຄັນ 2 ສະບັບກ່ຽວກັບການບິນທີ່ໄດ້ຮັບການລົງນາມລວມມີອະນຸສັນຍາວ່າດ້ວຍການປະຕິບັດຄໍາໝັ້ນສັນຍາທີ 11 ກ່ຽວກັບການບໍລິການຂົນສົ່ງທາງການບິນເພື່ອແນໃສ່ຫັນບັນດາການບໍລິການສໍາຮອງດ້ານການບິນໃນພາກພື້ນເປັນເສລີກວ່າອີກ. ອະນຸສັນຍາທີ 3 ວ່າດ້ວຍການເປີດກວ້າງສິດຂົນສົ່ງທີ 5 ລະຫວ່າງບັນດາຝ່າຍລົງນາມ ທີ່ສັງກັດສັນຍາຂົນສົ່ງທາງການບິນອາຊຽນ-ຈີນ ເພື່ອແນໃສ່ເພີ່ມທະວີການເຊື່ອມຕໍ່ດ້ານການບິນລະຫວ່າງອາຊຽນ ແລະຈີນ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll