ກອງປະຊຸມບັນດາເຈົ້າໜ້າທີ່ອາວຸໂສອາຊຽນ-ອີຢູ: ຍູ້ແຮງການຮ່ວມມືໃນບັນດາຂົງເຂດ

12:09 2020/02/14

ຍສໝ - ວັນທີ 11 ກຸມພາ 2020, ທີ່ Brussels, ປະເທດແບນຊິກ ໄດ້ດໍາເນີນກອງປະຊຸມບັນດາເຈົ້າໜ້າທີ່ອາວຸໂສອາຊຽນ-ອີຢູ.

ກອງປະຊຸມບັນດາເຈົ້າໜ້າທີ່ອາວຸໂສອາຊຽນ-ອີຢູ: ຍູ້ແຮງການຮ່ວມມືໃນບັນດາຂົງເຂດ
ບັນດາຜູ້ແທນເຂົ້າຮ່ວມກອງປະຊຸມບັນດາເຈົ້າໜ້າທີ່ອາວຸໂສອາຊຽນ-ອີຢູ. (ພາບ: hanoitv.vn)

ກອງປະຊຸມດັ່ງກ່າວໄດ້ແບ່ງປັນກ່ຽວກັບບັນດາການຜັນແປທີ່ສັບສົນ, ຍາກທີ່ຈະຄາດເດົາລ່ວງໜ້າໄດ້ຂອງສະພາບການເສດຖະກິດ ແລະການເມືອງໃນໂລກ, ເຫັນດີເປັນເອກະສັນສືບຕໍ່ສົມທົບກັນຊຸກຍູ້ລັດທິຫຼາຍຝ່າຍ, ສະໜັບສະໜູນລະບົບການຄ້າຫຼາຍຝ່າຍເປີດກວ້າງ, ຄວາມຍຸຕິທໍາ, ອີງໃສ່ລະບຽບກົດໝາຍ, ສົມທົບກັນຢ່າງແໜ້ນແຟ້ນໃນການແກ້ໄຂບັນດາສິ່ງທ້າທາຍໃນທົ່ວໂລກກໍ່ຄືຊຸກຍູ້ການເຈລະຈາ, ສ້າງຄວາມໄວ້ເນື້ອເຊື່ອໃຈ, ສະກັດກັ້ນການປະທະກັນ. 

ບັນດາປະເທດສືບຕໍ່ເນັ້ນໜັກເຖິງຄວາມສໍາຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນທະເລ ແລະການບິນ, ເຄົາລົບກົດໝາຍ; ຮຽກຮ້ອງໃຫ້ບັນດາຝ່າຍຈົ່ງລະງັບໃຈ, ບໍ່ນໍາໃຊ້ ຫຼື ນາບຂູ່ນໍາໃຊ້ກຳລັງອາວຸດ, ແກ້ໄຂບັນດາການຂັດແຍ້ງກັນໂດຍສັນຕິວິທີ, ບົນພື້ນຖານກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) 1982; ສະໜັບສະໜູນບັນດາຄວາມມານະພະຍາຍາມຂອງອາຊຽນ ແລະຈີນ ໃນການປະຕິບັດຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງມີປະສິດທິຜົນ ແລະບັນລຸໄດ້ກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ມີຜົນສັກສິດ, ເນື້ອແທ້ ແລະສອດຄ່ອງກັບກົດໝາຍສາກົນໂດຍໄວ.

ບັນດາປະເທດໄດ້ຊົມເຊີຍເລື່ອງ ຫວຽດນາມ ປະຕິບັດສໍາເລັດໜ້າທີ່ເປັນປະທານສະພາຄວາມໝັ້ນຄົງໃນເດືອນ ມັງກອນ 2020 ເປັນຢ່າງດີ ແລະລໍຖ້າໝາກຜົນອັນດີງາມຂອງການໃຫ້ສັດຕະຍາບັນສັນຍາການຄ້າເສລີ (EVFTA) ແລະສັນຍາປົກປ້ອງການລົງທຶນ (EVIPA)  ລະຫວ່າງຫວຽດນາມ ແລະສະຫະພາບເອີລົບ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll