ເພີ່ມທະວີການຮ່ວມມືດ້ານຊາຍແດນ ລະຫວ່າງ ແຂວງເຊກອງ ແລະ ແຂວງ

16:09 2018/10/10

ວັນ​ທີ 9 ຕຸລາ 2018 ນີ້, ທ່ານ ຖາວອນ ພົມມະໄລລຸນ ຄະນະ​ປະຈຳ​ພັກ​ແຂວງ, ຮອງເຈົ້າແຂວງເຊກອງ ໄດ້​ຕ້ອນຮັບ​ການ​ມາຢ້ຽມຢາມ ແລະ ເຮັດວຽກຢູ່ແຂວງເຊກອງ​ ຂອງ​ທ່ານ ຟ້າມຫງັອກຟູ໋ ຫົວໜ້າກອງບັນຊາການທະຫານແຂວງກອນຕູມ ສສ ຫວຽດນາມ ພ້ອມດ້ວຍ​ຄະນະ ​ເພື່ອມາແຈ້ງເຊີນ ເລຂາພັກແຂວງເຊກອງ ພ້ອມຄະນະ ​ໄປເຂົ້າຮ່ວມ ກອງປະຊຸມຊາຍແດນເຊກອງ-ກອນຕູມ ຄັ້ງທີ I ທີ່ຈະຈັດຂຶ້ນໃນມໍ່ໆນີ້ ທີ່ແຂວງກອນຕູມ ສສ ຫວຽດນາມ.

ເພີ່ມທະວີການຮ່ວມມືດ້ານຊາຍແດນ ລະຫວ່າງ ແຂວງເຊກອງ ແລະ ແຂວງ
ຄະນະປະຈຳພັກແຂວງໆ ເຊກອງ ໃຫ້ການຕ້ອນຮັບ ຄະນະ ກອງບັນຊາການທະຫານ ກອນຕຸມ.

​ທ່ານ ຖາວອນ ພົມມະໄລລຸນ  ໄດ້​ສະ​ແດງ​ຄວາມ​ຍິນ​ດີຕ້ອນຮັບ  ​ແລະ ຊົມ​ເຊີຍ​ການ​ມາ​ຢ້ຽມຢາມ ​ແລະ ​ເຄື່ອນ​ໄຫວ​ເຮັດ​ວຽກ  ຢູ່ແຂວງເຊກອງ ຂອງ​ທ່ານ ຟ້າມຫງັອກຟູ໋  ພ້ອມ​ຄະນະ​ໃນ​ຄັ້ງ​ນີ້  ພ້ອມ​ທັງ​ໄດ້​ຕີ​ລາຄາ​ສູງ​ການ​ພົວພັນຮ່ວມ​ມື​ລະຫວ່າງ  ​ແຂວງເຊກອງ ​ແລະ ແຂວງ ກອນຕູມ  ​ເຊິ່ງເປັນການປະກອບສ່ວນທີ່ສຳຄັນ ເຂົ້າໃນການເສີມຂະຫຍາຍ ສາຍພົວ ພັນຮ່ວມມື  ລະຫວ່າງ ​ແຂວງເຊກອງ  ​ແລະ ​ແຂວງກອນຕູມ ໃຫ້ນັບມື້ນັບແໜ້ນແຟ້ນຍິ່ງຂຶ້ນ  ແລະ ໄດ້ມີ​ບາດກ້າວ​ເຕີບ​ໃຫຍ່​ ຂະຫຍາຍຕົວ​ເປັນ​ກ້າວໆ ​ແລະ ສືບຕໍ່ໃນການສະໜັບສະໜູນ,  ຊ່ວຍເຫລືອ ເຊິ່ງກັນ  ແລະ ກັນຕະຫລອດໄປ ໂດຍສະເພາະ ແມ່ນການພົວພັນຮ່ວມມືວຽກງານຊາຍແດນ ຂອງສອງແຂວງ ໃຫ້ມີຄວາມສະຫງົບປອດໄພ,  ມີຄວາມເປັນລະບຽບຮຽບຮ້ອຍ  ແລະ ມີຄວາມ ຜາສຸກ.

ບັນຍາກາດການພົບປະ ຂອງສອງແຂວງ.

ໂອກາດ​ດຽວກັນ, ທ່ານ  ຟ້າມຫງັອກຟູ໋  ກໍໄດ້ກ່າວ​ສະ​ແດງ​ຄວາມ​ຂອບ​ໃຈ  ຕໍ່​ການ​ຕ້ອນ ຮັບຂອງ​ທ່ານ​  ຄະນະປະຈໍາພັກແຂວງເຊກອງ ພ້ອມ​ທັງ  ແຈ້ງ​​ຜົນສຳ​ເລັດ​ຂອງ​ການ​ມາ​ເຄື່ອນ​ໄຫວຢ້ຽມຢາມ  ​ແລະ​ ເຮັດ​ວຽກ ຢູ່ ສປປ ລາວ ກໍຄື  ແຂວງເຊກອງ ​ໃນ​ຄັ້ງ​ນີ້ ພ້ອມທັງ​ໄດ້ຢືນຢັນວ່າ:  ຈະ​ສືບ​ຕໍ່​ເສີມ​ຂະຫຍາຍ​ສາ​ຍພົວພັນ​ມິດຕະພາບ  ຄວາມ​ສາມັກຄີ​ພິ​ເສດ ແລະ ການ​ຮ່ວມ​ມືຮອບດ້ານ  ລະຫວ່າງ ສອງ​ພັກ, ສອງ​ລັດ ​ແລະ ປະຊາຊົນ​ສອງ​ຊາດ  ໃຫ້​ເກີດ​ດອກ​ອອກ​ຜົນ​ຍິ່ງໆຂຶ້ນ.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll