ຮອງນາຍົກລັດຖະມົນຕີ ສສ ຫວຽດນາມ ຕ້ອນຮັບ ທ່ານເຈົ້າຄອງນະຄອນ ຫຼວງ ວຽງຈັນ

14:18 2018/10/12

ຍສໝ - ຕອນເຊົ້າຂອງວັນທີ 12 ຕຸລາ , ທີ່ສຳນັກງານນາຍົກ ຮອງນາຍົກລັດຖະມົນຕີ ປະຈຳສຳນັກງານນາຍົກ ເຈືອງຮ່ວາ ບິ່ງ ໄດ້ໃຫ້ກຽດຕ້ອນຮັບ ສະຫາຍ ສິນລະວົງ ຄຸດໄພທູນ ກຳມະການກົມການເມືອງ ເຈົ້າຄອງນະຄອນຫຼວງວຽງຈັນ ແຫ່ງ ສປປ ລາວ.

ຮອງນາຍົກລັດຖະມົນຕີ ສສ ຫວຽດນາມ ຕ້ອນຮັບ ທ່ານເຈົ້າຄອງນະຄອນ ຫຼວງ ວຽງຈັນ
ທ່ານຮອງນາຍົກລັດຖະມົນຕີ ແຫ່ງ ສສ ຫວຽດນາມ ເຈືອງຮວ່າ ບິ່ງ ແລະ ສະຫາຍ ສິນລະວົງ ຄຸດໄພທູນ ເຈົ້າຄອງນະຄອນຫຼວງ ວຽງຈັນ. (ພາບ:VGP/ຫງວ໋ຽນຮວ່າງ)

ຕ່າງໜ້າລັດຖະບານ ທ່ານຮອງນາຍົກລັດຖະມົນຕີ ເຈືອງຮວ່າ ບິ່ງ ຍິນດີຕ້ອນຮັບ ສະຫາຍ ສິນລະວົງ ຄຸດໄພທູນ ທີ່ໄດ້ນຳພາຄະນະຜູ້ແທນຂັ້ນສູງ ຂອງ ນະຄອນຫຼວງວຽງຈັນ ມາຢ້ຽມຢາມ ນະຄອນຫຼວງຮ່າໂນ້ຍ ຢ່າງເປັນທາງການ; ຢັ້ງຢືນ ສາຍພົວພັນມິດຕະພາບພິເສດຫວຽດນາມ-ລາວ ແມ່ນສາຍພົວພັນມີໜຶ່ງດຽວໃນໂລກ, ຫວຽດນາມຍາມໃດກໍ່ຖືວຽກງານປົກປັກຮັກສາ ແລະ ພັດທະນາສາຍພົວພັນ ອັນຊື່ສັດຈິງໃຈ, ໂປ່ງໃສ, ພິເສດ ຫວຽດນາມ-ລາວ ເປັນພິເສດ  ສິ່ງດັ່ງກ່າວ ໄດ້ຖືກ ປະທານ ໂຮ່ຈີ໋ມິງ ແລະ ປະທານ ໄກສອນ ພົມວິຫານ ແລະ ບັນດາການນຳລຸ້ນກ່ອນ ແລະ ປະຊາຊົນສອງຊາດ ສະຫຼະເຮື່ອແຮງປັບປຸງເສີມຂະຫຍາຍ, ກາຍເປັນຊັບສັບສົມບັດອັນລຳ້ຄ່າອັນຫາແນວປຽບບໍ່ໄດ້ ຂອງສອງພັກ ສອງລັດ ແລະ ປະຊາຊົນສອງຊາດ ຫວຽດນາມ-ລາວ.

ທ່ານຮອງນາຍົກລັດຖະມົນຕີ ເຈືອງຮວ່າ ບິ່ງ ສະແດງຄວາມຍິນດີແລະຮັບຮູ້ວ່າ ສາຍພົວພັນຮ່ວມມືມິດຕະພາບ ລະຫວ່າງ ນະຄອນຫຼວງ ທັງສອງ ນັບມື້ນັບມີການພັດທະນາຢ່າງຈົບງາມ, ຮອບດ້ານ, ໃນນັ້ນປະກອບມີການຮ່ວມມືລະຫ່ວາງ ນະຄອນຫຼວງວຽງຈັນ ແລະ ນະຄອນຫຼວງຮ່າໂນ້ຍ ນັບມື້ນັບໄດ້ຮັບຜົນສຳເລັດ ອັນຕັ້ງໜ້າ ສະແດງອອກຜ່ານການເຄື່ອນໄຫວ ແລກປ່ຽນຂອງຄະນະ, ຮ່ວມມືດ້ານເສດຖະກິດ, ການສຶກສາ, ວັດທະນະທຳ , ສັງຄົມ, ສາທາລະນະສຸກ, ກະສິກຳ, ແລກປ່ຽນປະຊາຊົນ... ສິ່ງເລົ່ານັ້ນປະກອບສ່ວນອັນຕັ້ງໜ້າເຂົ້າໃນສາຍພົວພັນຮ່ວມມືອັນດີງາມຮ່ວມກັນ ລະຫວ່າງສອງຊາດ ໃນທຸກໆຂົງເຂດ.

ບັນຍາກາດກອງປະຊຸມພົບປະ.(ພາບ:VGP/ຫງວ໋ຽນຮວ່າງ)

ສະຫາຍ ສິນລະວົງ ຄຸດໄພທູນ ສະແດງຄວາມຂອບອົກຂອບໃຈ ຕໍ່ການຕ້ອນຮັບອັນອົບອຸ່ນ ເປັນກັບເອງ ແລະ ເຕັມໄປດ້ວຍຄວາມສາມັກຄີ ທີ່ທ່ານຮອງນາຍົກລັດຖະມົນຕີ ເຈືອງຮວ່າ ບິ່ງ ມອບໃຫ້ໃນການຢ້ຽມຢາມຂອງຄະນະຄັ້ງນີ້. ພ້ອມນີ້ ກໍ່ລາຍງານຜົນສຳເລັດຂອງການເຮັດວຽກກັບ ສະຫາຍ ເຈົ້າຄອງນະຄອນຫຼວງຮ່າໂນ້ຍ , ເຊິ່ງທັງສອງໄດ້ແບ່ງປັນບົດຮຽນກໍ່ຄືປະສົບການຫຼາຍຢ່າງ, ແບບແຜນດີໃນການກໍ່ສ້າງ ແລະ ພັດທະນາ ນະຄອນຫຼວງຂອງແຕ່ລະປະເທດ; ເຫັນດີເປັນເອກກະພາບນຳມາດຕະການຊຸກຍູ້ຫຼາຍຂື້ນກ່ຽວກັບການເຄື່ອນໄຫວຮ່ວມມື ດ້ານເສດຖະກິດ, ວັດທະນະທຳ, ສຶກສາ, ສາທາລະນະສຸກ, ແລກປ່ຽນປະຊາຊົນ... ລະຫວ່າງ ສອງນະຄອນຫຼວງ.

ສະຫາຍ ສິນລະວົງ ຄຸດໄພທູນ ຫວັງເປັນຢ່າງຍິ່ງວ່າ ລັດຖະບານຫວຽດນາມ ຈະສືບຕໍ່ຊ່ວຍເຫຼືອ, ສ້າງເງື່ອນໄຂສະດວກ ໃຫ້ແກ່ນະຄອນຫຼວງວຽງຈັນ ຊຸກຍູ້ໃຫ້ຫຼາຍກວ່າເກົ່າບັນດາການເຄື່ອນໄຫວຮ່ວມມື ກັບນະຄອນຫຼວງຮ່າໂນ້ຍ ກໍ່ຄືກັບບັນດາທ້ອງຖິ່ນອື່ນໆຂອງຫວຽດນາມ ໃນທຸກຂົງເຂດ, ເພືອ່ປະກອບສ່ວນຢ່າງຕັ້ງໜ້າເຂົ້າໃນຜົນສຳເລັດລວມຂອງສອງປະເທດ ຫວຽດນາມ-ລາວ.

(​ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll