"ຮ່ວມສາຍມະຫານະທີ ເຊໂປນ" - ສະຫງ່າຜ່າເຜີຍ ແລະ ຈາລຶກໄວ້ໃນໃຈຕະຫຼອດມາ

11:29 2019/07/30

ຕອນຄ່ຳ ວັນທີ 29 ກໍລະກົດ, ຢູ່ເທດສະບານເມືອງລາວບາວ, ເມືອງເຮືອງຫວ໋າ, ແຂວງກວ້າງຈິ ໄດ້ດຳ ເນີນລາຍການພົບປະແລກປ່ຽນ "ຮ່ວມສາຍມະຫານະທີ ເຊໂປນ". ນີ້ແມ່ນ ໜຶ່ງ ໃນບັນດາເຫດການຕົ້ນຕໍໃນລາຍການພົບປະແລກປ່ຽນມິດຕະພາບຊາຍແດນຫວຽດນາມ - ລາວ 2019 ໂດຍ ກອງບັນຊາການທະຫານຊາຍແດນ ສົມທົບກັບ ກຳມະການພັກແຂວງ ແລະ ຄະນະກຳມະການປະຊາຊົນແຂວງກວ້າງຈິ.

"ຮ່ວມສາຍມະຫານະທີ ເຊໂປນ" - ສະຫງ່າຜ່າເຜີຍ ແລະ ຈາລຶກໄວ້ໃນໃຈຕະຫຼອດມາ
ບັນດາຜູ້ແທນທີ່ເຂົ້າຮ່ວມລາຍການພົບປະແລກປ່ຽນ. (ພາບ: ຫວຽດ ລາມ)

ເຂົ້າຮ່ວມລາຍການພົບປະແລກປ່ຽນ ຝ່າຍລາວ ປະກອບມີ: ທ່ານພົນຈັດຕະວາ ສີພັນ ພຸດທະວົງ, ຫົວໜ້າກົມທະຫານຊາຍແດນ, ກະຊວງປ້ອງກັນປະເທດ; ທ່ານພົນຈັດຕະວາ ບຸນມີ ແສງຄຳດອງ, ຫົວໜ້າ ກົມໃຫຍ່ຕຳຫຼວດ, ກະຊວງປ້ອງກັນຄວາມສະຫງົບ; ທ່ານພົນຈັດຕະວາ ປອ ທອງສາຫວັນ ວົງສະຫວັດ, ຮອງຫົວໜ້າ ກົມໃຫຍ່ ຕຳຫຼວດ, ກະຊວງປ້ອງກັນຄວາມສະຫງົບ; ທ່ານພັນເອກ ບັງສີ ໄຊສົມພົດ, ທີ່ປຶກສາດ້ານການທະຫານ ສະຖານທູດລາວ ປະຈຳ ຫວຽດນາມ.

ຝ່າຍຫວຽດນາມ ມີບັນດາສະຫາຍ: ຫງວ໋ຽນ ວັນ ຮຸ່ງ, ກຳມະການສູນກາງພັກ, ເລຂາພັກແຂວງເຈົ້າແຂວງກວ້າງຈິ; ສະຫາຍ ຫງວ໋ຽນ ດຶກ ຈິ໋ງ , ຮອງເລຂາ, ປະທານ ຄະນະ ກຳມະການປະຊາຊົນແຂວງກວ້າງຈິ ; ທ່ານພົນຈັດຕະວາ ຫງວ໋ຽນ ດ້າຍ ໂຮ້ຍ, ຮອງຫົວໜ້າ ກົມພົວພັນຕ່າງປະເທດ ກະຊວງປ້ອງກັນປະເທດ; ທ່ານພົນຈັດຕະວາ ຫງວ໋ຽນ ວັນ ນາມ, ຮອງຫົວໜ້າກອງບັນຊາການ, ຫົວໜ້າເສນາທິການທະຫານຊາຍແດນ; ທ່ານພົນຈັດຕະວາ ຫງວ໋ຽນ ຮວ່າຍ ເຟືອງ, ຮອງຫົວໜ້າກອງບັນຊາການທະຫານປ້ອງກັນຊາຍແດນ ... ຕ່າງ ໜ້າອຳນາດການປົກຄອງ,ພະນັກງານ, ທະຫານ, ກຳລັງປະກອບອາວຸດ ແລະ ປະຊາຊົນ ສອງຝັ່ງຊາຍແດນອີກເປັນ ຈຳນວນຫຼວງຫຼາຍ.

ບັນດາແຂກທີ່ເຂົ້າຮ່ວມການພົບປະສົນທະນາ. (ພາບ: ຫວຽດລາມ)

ລາຍການພົບປະແລກປ່ຽນ ໄດ້ຮັບການຈັດຂື້ນໃນຮູບແບບຄືເຮັດເປັນເວທີ. ໃນທີ່ນີ້, ບັນດາຜູ້ແທນສາມາດຊົມລາຍການສະແດງ ສິລະປະຫຼາຍລາຍການ, ຕິດຕາມລາຍການທາງໂທລະພາບ ເຊິ່ງມີການຍ້ອງຍໍສັນລະເສີນນຳ້ໃຈແຫ່ງຄວາມສາມັກຄີ, ມິດຕະພາບ ລະຫວ່າງອຳນາດການປົກຄອງ, ປະຊາຊົນສອງປະເທດຫວຽດນາມ - ລາວ ໃນແຕ່ລະໄລຍະສອງປະເທດ.

ຈຸດສຸມຂອງລາຍການ ແມ່ນການພົບປະໂອ້ລົມສົນທະນາ, ແລກປ່ຽນຕົວແທນຂອງຜູ້ບັນຊາການ ກຳລັງປະກອບອາວຸດ, ການນຳຂອງອຳນາດການປົກຄອງທ້ອງຖິ່ນ ຂອງສອງຝ່າຍໃນວຽກງານ ການຮ່ວມມືປົກປັກຮັກສາຊາຍແດນ, ໜູນຊ່ວຍປະຊາຊົນ ພັດທະນາເສດຖະກິດ-ສັງຄົມ; ແຕ່ລະປະສົບການ, ວີທີຈັດຕັ້ງປະຕິບັດອັນດີຂອງແຕ່ລະຝ່າຍໃນການຊີ້ນຳ, ປຸກລະດົມປະຊາຊົນເຂົ້າໃນການ ປ້ອງກັນຊາຍແດນ.

ການໂອ້ລົມສົນທະນາໄດ້ເຮັດໃຫ້ຜູ້ຊົມເຫັນໄດ້ຄວາມຕັດສິນໃຈຂອງ ກຳລັງປະກອບອາວຸດ, ອຳນາດການປົກຄອງປະຊາຊົນສອງຟາກຊາຍແດນ ຫວຽດນາມ - ລາວ ໃນພາລະກິດປົກປັກຮັກສາ, ສ້າງສາຊາຍແດນຮ່ວມ ແຫ່ງສັນຕິພາບ, ມິດຕະພາບ ພິເສດແມ່ນໃນໄລຍະປະຈຸບັນ.

ທ່ານພົນຈັດຕະວາ ຫງວ໋ຽນ ວັນ ນາມ ໄດ້ ງົວແນວພັນ ຈຳນວນ 30 ໂຕ ມູນຄ່າ 500 ລ້ານດົ່ງ ໃຫ້ບັນດາຄອບຄົວທຸກຍາກ ຢູ່ 3 ແຂວງກວ້າງຈິ (ຫວຽດນາມ), ສາລະວັນ ແລະ ສະຫວັນນະເຂດ (ສປປ ລາວ). (ພາບ: ຫວຽດລາມ)

ສະຫາຍ ຫງວ໋ຽນ ວັນ ຮຸ່ງ ແລະ ພົນຈັດຕະວາ ຫງວ໋ຽນ ຮວ່າ ເຟືອງ ມອບຂອງຂວັນໃຫ້ນັກຮຽນທຸກຍາກ. (ພາບ:ຫວຽດລາມ)

ຄະນະຜູ້ຈັດລາຍການໄດ້ຖ່າຍຮູບຮ່ວມກັບນັກສະແດງຂອງຄະນະສິລະປະ. (ພາບ: ຫວຽດລາມ)


ລາຍການສະແດງສິລະປະທີ່ມີສີສັນ ແລະ ເປັນເອກະລັກຂອງລາຍການສະແດງ. (ພາບ: ຫວຽດລາມ - ວັນເຈືອງ)

ໃນຂອບເຂດລານການພົບປະແລກປ່ຽນ, ຄະນະຈັດຕັ້ງພິທີໄດ້ມອບຂອງຂວັນ 30 ຊຸດ ໃຫ້ແກ່ນັກຮຽນທຸກຍາກ ແລະ ງົວແນວພັນຈຳນວນ 30 ໂຕ ມູນຄ່າ 500 ລ້ານດົ່ງ ໃຫ້ບັນດາຄອບຄົວທຸກຍາກ ຢູ່ 3 ແຂວງກ້ວາງຈິ, ສາລະວັນ ແລະ ສະຫວັນນະເຂດ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll