ອາລົມຈິດຢ່າງເລິກເຊິ່ງກັບປະເທດລ້ານຊ້າງ

09:31 2018/07/04

ໂດຍສັງກັດກໍາລັງທະຫານອາສາສະໝັກກອງພັນໃຫຍ່ຊ່າງແສງ 217 ໄປສະໜາມຮົບລາວ ເພື່ອປະຕິບັດໜ້າທີ່ສາກົນແຕ່ປີ 1965, ພໍ່ເຖົ້າ ເລແຣວ ແມ່ນພະນັກງານໂຄສະນາອົບຮົມຂອງກອງພັນໃຫຍ່ ແລະແມ່ເຖົ້າ ໂດ້ທິອຽນ, ແພດທະຫານກົມກອງ, ໄດ້ເກີດມີຄວາມຮັກແພງນຳກັນ.

ອາລົມຈິດຢ່າງເລິກເຊິ່ງກັບປະເທດລ້ານຊ້າງ
ງານດອງຂອງເຂົາເຈົ້າໄດ້ຈັດຕັ້ງຢູ່ສະຖານທີ່ແຫ່ງໜຶ່ງທີ່ຕິດກັບຊາຍແດນ. ການເລີ່ມຕົ້ນທີ່ໂຊກດີນັ້ນ, ພ້ອມກັບຫຼາຍປີທີ່ປະຕິບັດງານຢູ່ປະເທດເພື່ອນມິດລາວ ແມ່ນສາຍແນນລະຫວ່າງຜົວເມຍເພື່ອໃຫ້ເຂົາເຈົ້າສະໜິດຕິດພັນກັນ ແລະສະຫງວນອາລົມຈິດຢ່າງເລິກເຊິ່ງກັບປະເທດລ້ານຊ້າງ. ດ້ວຍຄວາມຮັກແພງປະເທດລາວ, ແມ່ເຖົ້າໄດ້ລະດົມກໍາລັງໃຈໃຫ້ພໍ່ເຖົ້າ ເລແຣວ ເຂົ້າຮ່ວມທຸກໆການເສັງຊອກຮູ້ກ່ຽວກັບສາຍພົວພັນຫວຽດນາມ-ລາວ, ໂດຍແຂວງ ແທງຮວ໋າ, ສູນກາງ ແລະບາງອົງການຈັດຕັ້ງຂຶ້ນ. ດ້ວຍຄວາມລະມັດລະວັງ, ຮອບຄອບຖີ່ຖ້ວນ, ພໍ່ເຖົ້າໄດ້ເກັບຮັກສາໄວ້ບັນດາສະບັບຂອງໜັງສືພິມເຍິນເຢິນ, ກອງທັບປະຊາຊົນຫວຽດນາມ, ແທງຮວ໋າ ໄວ້ເປັນຢ່າງດີ.
ພໍ່ເຖົ້າ ເລແຣວ ແລະເມຍກັບບັນດາວັດຖຸທີ່ລະນຶກເຊິ່ງບັນດາເພື່ອນມິດ ລາວ ມອບໃຫ້. (ພາບ: ຮົ່ງເວິນ)

ຜ່ານບັນດາການເສັງ “ຊອກຮູ້ປະຫວັດແຫ່ງການພົວພັນແບບພິເສດຫວຽດນາມ-ລາວ, ລາວ-ຫວຽດນາມ” ແລະ “ຫວຽດນາມ-ລາວ ໃນດວງໃຈຂອງຂ້າພະເຈົ້າ” ໂດຍບັນດາຂັ້ນຕ່າງໆຈັດຕັ້ງແຕ່ປີ 2012 ມາຮອດປີ 2017, ຄູ່ຜົວເມຍນີ້ຍາດໄດ້ລາງວັນທີໜຶ່ງລະດັບແຂວງ 2 ລາງວັນ, ລາງວັນທີສາມ 1 ລາງວັນ, ລາງວັນທີສອງ 1 ລາງວັນ ແລະລາງວັນທີໜຶ່ງລະດັບຊາດ 1 ລາງວັນ. ບັນດາບົດເສັງຊອກຮູ້ຂອງຄູ່ຜົວເມຍນີ້ມີນໍ້າໜັກເຖິງ 12 ກິໂລກຼາມ, ດ້ວຍຮູບພາບກວ່າ 400 ແຜ່ນ. ພິເສດປີ 2012, ທັງພໍ່ເຖົ້າ ແລະແມ່ເຖົ້າຖືກເຊື້ອເຊີນໄປຮັບລາງວັນຢູ່ບ້ານ ດົງ, ເມືອງ ເຊໂປນ, ແຂວງ ສະຫວັນນະເຂດ, ປະເທດລາວ ໃນການເສັງ “ຊອກຮູ້ປະຫວັດແຫ່ງການພົວພັນແບບພິເສດຫວຽດນາມ-ລາວ, ລາວ-ຫວຽດນາມ” ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ແລະ 35 ປີແຫ່ງວັນເຊັນສົນທິສັນຍາມິດຕະພາບ ແລະການຮ່ວມມືຫວຽດນາມ-ລາວ.

ປະຈຸບັນ, ເຮືອນຂອງພໍ່ເຖົ້າແມ່ເຖົ້າຢູ່ຕາແສງ ເຢິນກວຽນ (ເມືອງຈ້ຽວເຊີນ, ແຂວງ ແທງຮວ໋າ) ແມ່ນສະຖານທີ່ຢຸດແວ່ພັກຜ່ອນຂອງເພື່ອນຮ່ວມກອງເພື່ອຫວນຄືນໄລຍະທີ່ເປັນໜ້າຈົດຈໍານີ້. ສາງເອກະສານກ່ຽວກັບປະເທດເພື່ອນມິດລາວຂອງພໍ່ເຖົ້າ ແມ່ເຖົ້າ ເຊິ່ງບັນດານັກຮົບເກົ່າ, ນັກຮຽນຢູ່ເມືອງ ຈ້ຽວເຊີນ ແລະນັກສຶກສາລາວ ໄດ້ມາຢ້ຽມຊົມ ແລະຊອກຮູ້ເປັນປະຈໍາ.

(ແຫຼ່ງ​ຂໍ້​ມູນ​: ກປ.ອອນໄລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll