ພິທີຕ້ອນຮັບຄະນະຜູ້ແທນລາວ ເຂົ້າຮ່ວມງານພົບປະແລກປ່ຽນມິດຕະພາບຊາຍແດນ ຫວຽດນາມ - ລາວ ປີ 2019

09:52 2019/07/30

ຍສໝ - ຕອນບ່າຍ ວັນທີ 29 ກໍລະກົດ, ທ່ານ ພົນຈັດຕະວາ ຫງວ໋ຽນ ວັນ ນາມ, ຮອງຫົວໜ້າກອງບັນຊາການ, ເສນາທິການກອງບັນຊາການທະຫານຊາຍແດນ ແລະ ສະຫາຍ ຫງວ໋ຽນ ດຶກ ຈິ໋ງ, ປະທານ ຄະນະ ກຳມະການປະຊາຊົນແຂວງກວ້າງຈິ ໄດ້ຮ່ວມເປັນປະທານ ໃນການຕ້ອນຮັບ, ພົບປະກັບບັນດາຄະນະຜູ້ແທນທ້ອງຖິ່ນ, ກຳລັງ, ໜ່ວຍງານ ຂອງ ສາທາລະນະລັດປະຊາທິປະໄຕ ປະຊາຊົນ ລາວ ໄປເຂົ້າຮ່ວມລາຍການພົບປະແລກປ່ຽນມິດຕະພາບຊາຍແດນ ຫວຽດນາມ - ລາວ 2019 ທີ່ຕົວເມືອງລາວບາວ, ເມືອງເຮືອງຫວ໋າ, ແຂວງກວ້າງຈິ.

ພິທີຕ້ອນຮັບຄະນະຜູ້ແທນລາວ ເຂົ້າຮ່ວມງານພົບປະແລກປ່ຽນມິດຕະພາບຊາຍແດນ ຫວຽດນາມ - ລາວ ປີ 2019
       ທ່ານ ພົນຈັດຕະວາ ຫງວ໋ຽນ ວັນ ນາມ, ຮອງຫົວໜ້າກອງບັນຊາການ, ເສນາທິການກອງບັນຊາການທະຫານຊາຍແດນ ກ່າວຕ້ອນຮັບຄະນະຜູ້ແທນ ແຫ່ງ ສປປ ລາວ. (ພາບ: ຫວຽດ ລາມ)

ກ່າວຄຳເຫັນທີ່ການຕ້ອນຮັບ, ທ່ານ ພົນຈັດຕະວາ ຫງວ໋ຽນ ວັນ ນາມ ໄດ້ສົ່ງຄຳຂອບອົກຂອບໃຈເຖິງຄະນະຜູ້ແທນທ້ອງຖິ່ນ, ກຳ ລັງ, ໜ່ວຍງານທ້ອງຖິ່ນຂອງ ສປປ ລາວ ທີ່ໄດ້ຮັບ ຄຳເຊື້ອເຊີນ, ໄປເຂົ້າຮ່ວມລາຍການ; ພ້ອມດຽວກັນນີ້, ທ່ານ ພົນຈັດຕະວາ ຫງວ໋ຽນ ວັນ ນາມ ກໍ່ສະແດງຄວາມປາດຖະໜາວ່າ ບັນດາການນຳທ້ອງຖິ່ນ, ຜູ້ຊີ້ນຳຂອງກອງກຳລັງ, ໜ່ວຍງານ ຂອງ ສປປ ລາວ ຈະສືບຕໍ່ປະສານສົມທົບ ກັບ ທະຫານຊາຍແດນ, ອຳນາດການປົກຄອງທ້ອງຖິ່ນຂອງບັນດາແຂວງຕາມຊາຍແດນຫວຽດນາມ ເພື່ອຮ່ວມກັນປົກປັກຮັກສາ, ພັດທະນານຳ້ໃຈສາມັກຄີ,ມິດຕະພາບພິເສດຂອງສອງປະເທດ, ຮ່ວມກັນກໍ່ສ້າງເສັ້ນຊາຍແດນສັນຕິພາບ, ມິຕະພາບອັນເປັນແບບຢ່າງ.

ສະຫາຍ ພັນເອກ ຟ້າມ ຊົນ ຢ້ຽວ, ຮອງຫົວໜ້າເສນາທິການທະຫານຊາຍແດນ ມອບດອກໄມ້ເພື່ອຕ້ອນຮັບຄະນະຜູ້ແທນກົມທະຫານຊາຍແດນລາວ ທີ່ດ່ານຊາຍແດນສາກົນລາວບາວ. (ພາບ: ຫວຽດລາມ)

ແລະທີ່ການຕ້ອນຮັບ, ສະຫາຍ ພັນເອກ ຟ້າມ ຊົນ ຢ້ຽວ ໄດ້ສະຫຼຸບລາຍງານໂດຍສັງເຂບກ່ຽວກັບເນື້ອໃນ, ຢັ້ງຢືນຄວາມໝາຍທີ່ສຳຄັນຍິ່ງໃຫຍ່ຂອງລາຍການ ກັບ ລັດຖະບານ, ທະຫານ ແລະ ປະຊາຊົນ ຫວຽດນາມ-ລາວ. ລາຍການດັ່ງກ່າວນີ້ຍາມໃດກໍ່ໄດ້ຮັກຄວາມເອົາໃຈໃສ່ເປັນພິເສດ ຈາກ ຜູ້ນຳຂອງ ກະຊວງປ້ອງກັນປະເທດ, ກອງບັນຊາການທະຫານຊາຍແດນ, ອຳນາດການປົກຄອງທ້ອງຖິ່ນ ແຂວງກວາງຈິ. ທ່ານ ພົນຈັດຕະວາ ຫງວ໋ຽນ ວັນ ນາມ ໄດ້ກ່າວຕື່ມວ່າ: ວຽກງານກະກຽມງານໄດ້ຮັບການປະສານສົມທົບເປັນຢ່າງດີ ເພື່ອຮັບປະກັນບັນດາການເຄື່ອນໄຫວ ພາຍໃນຂອບເຂດລາຍການດຳເນີນໄປດ້ວຍຄວາມສຳເລັດຢ່າງດີງາມ.

ການນຳ ກອງບັນຊາການທະຫານຊາຍແດນ ແຂວງກວ້າງຈິ ໄດ້ຕ້ອນຮັບຄະນະຜູ້ແທນແຂວງສະຫວັນນະເຂດເຂົ້າຮ່ວມລາຍການ. (ພາບ: ຫວຽດລາມ)

ລາຍການພົບປະແລກປ່ຽນມິດຕະພາບຊາຍແດນ ຫວຽດນາມ - ລາວ 2019 ໄດ້ຮັບການປະສານສົມທົບກັນ ລະຫວ່າງ ກອງບັນຊາການທະຫານຊາຍແດນ ແລະ ຄະນະກຳມະການປະຊາຊົນ, ກຳມະການພັກແຂວງກວ້າງຈີ ເຊິ່ງຈັດຂື້ນດ້ວຍຫຼາຍກິດຈະກຳ. ໃນນັ້ນ, ບັນດາກິດຈະກຳກໍ່ຄືການເຄື່ອນໄຫວຕົ້ນຕໍ ປະກອບມີ: ການພົບປະແລກປ່ຽນ, ພົບປະເຈລະຈາ ກ່ຽວກັບວຽກງານການ ປົກປັກຮັກສາຊາຍແດນ; ພິທີເຄົາລົບຫຼັກໝາຍຊາຍແດນ, ກວດການລາດຕະເວນຮ່ວມ ຕາມແນວຊາຍແດນ; ສະຫຼຸບຕີລາຄາ 15 ປີ ແຫ່ງການແຮກສ່ຽວ ສອງຟາກຊາຍແດນ ... ຈະດຳເນີນໄປ ໃນໄລຍະເວລາ ວັນທີ 2 ແຕ່ວັນທີ 29-30 ກໍລະກົດ ຢູ່ທີ່ເທດສະບານເມືອງລາວບາວ, ເມືອງເຮືອງຫວ໋າ, ແຂວງກວ້າງຈິ.

ກ່ອນໜ້ານີ້, ໃນຂອບເຂດລາຍການ ໄດ້ດຳເນີນບັນດາກິດຈະກຳ ຕ່າງໆເຊັ່ນ: ການກວດສຸຂະພາບ ແລະ ແຈກຢາປົວພະຍາດ ໂດຍບໍ່ເສຍຄ່າ ໃຫ້ປະຊາຊົນທັງສອງຟາກຊາຍແດນ; ມອບງົວແນວພັນໃຫ້ປະຊາຊົນຜູ້ທຸກຍາກ; ການແລກປ່ຽນວັດທະນະທຳ - ກິລາ ລະຫວ່າງ ໜ່ວຍງານ ແລະ ປະຊາຊົນທັງສອງຝັ່ງຊາຍແດນ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll