ນັກຮົບຄ້າຍທະຫານຊາຍແດນດ່ານສາກົນຈ່ຽງເຄືອງ ໄດ້ເພີ່ມທະວີສາຍພົວພັນແບບພິເສດລະຫວ່າງປະຊາຊົນສອງປະເທດຫວຽດນາມ - ລາວ

15:07 2019/11/19

ຍສໝ - ໃນຊຸມປີຜ່ານມາ, ຄ້າຍທະຫານຊາຍແດນດ່ານສາກົນຈ່ຽງເຄືອງ, ທະຫານຊາຍແດນແຂວງເຊີນລາ ໄດ້ສົມທົບກັບອໍານາດການປົກຄອງເມືອງແອດ ປະຕິບັດວຽກງານຮັບປະກັນຄວາມໝັ້ນຄົງຢູ່ເຂດຊາຍແດນເປັນຢ່າງດີ, ສ້າງເງື່ອນໄຂສະດວກໃນທຸກດ້ານ ເພື່ອແນໃສ່ຊ່ວຍເຫຼືອປະຊາຊົນປະເທດເພື່ອນມິດລາວ ຫັນຊີວິດການເປັນຢູ່ເປັນປົກກະຕິ, ປະກອບສ່ວນປັບປຸງ ແລະເພີ່ມພູນຄູນສ້າງນໍ້າໃຈມິດຕະພາບມາແຕ່ດົນນານ, ສັດຊື່ບໍລິສຸດຂອງສອງປະເທດຫວຽດນາມ-ລາວ.

ນັກຮົບຄ້າຍທະຫານຊາຍແດນດ່ານສາກົນຈ່ຽງເຄືອງ ໄດ້ເພີ່ມທະວີສາຍພົວພັນແບບພິເສດລະຫວ່າງປະຊາຊົນສອງປະເທດຫວຽດນາມ - ລາວ
ຄຽງຄູ່ກັບການປະຕິບັດວຽກງານວິຊາສະເພາະ, ພະນັກງານ, ນັກຮົບກົມກອງຍັງປະຕິບັດລາຍການ “ຊ່ວຍນ້ອງໄປໂຮງຮຽນ” ເປັນຢ່າງດີ.(ພາບ:qdnd.vn)

ຄ້າຍທະຫານຊາຍແດນດ່ານສາກົນຈ່ຽງເຄືອງ ມີໜ້າທີ່ຄຸ້ມຄອງ ແລະປ້ອງກັນເສັ້ນຊາຍແດນ 25,5 ກິໂລແມັດ,  ຫຼັກໝາຍຊາຍແດນກັບປະເທດເພື່ອນມິດລາວ 14 ຫຼັກໝາຍ ແລະສົມທົບກັບບັນດາກໍາລັງທີ່ກ່ຽວຂ້ອງເພື່ອຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ຕາແສງຈ່ຽງເຄືອງ, ເມືອງຊາຍຂອງເມືອງຊົງມ້າ. ຄ້າຍທະຫານຊາຍແດນດ່ານສາກົນຈ່ຽງເຄືອງ ກໍ່ສົມທົບກັບກໍາລັງປ້ອງກັນຊາຍແດນປະເທດເພື່ອນມິດລາວ ດໍາເນີນການລາດຕະເວນຊາຍແດນ, ຫຼັກໝາຍຊາຍແດນ, ຮັກສາຄວາມເປັນລະບຽບຮຽບຮ້ອຍຢູ່ເຂດຊາຍແດນເປັນປະຈໍາ.

ຄຽງຄູ່ກັບການປະຕິບັດວຽກງານວິຊາສະເພາະ, ພະນັກງານ, ນັກຮົບກົມກອງຍັງປະຕິບັດລາຍການ “ຊ່ວຍນ້ອງໄປໂຮງຮຽນ” ເປັນຢ່າງດີ; ຊ່ວຍປະຊາຊົນເຮັດທຸລະກິດ, ປະກອບສ່ວນຫັນຊີວິດການເປັນຢູ່ຂອງປະຊາຊົນເປັນປົກກະຕິ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມໃນບໍລິເວນຊາຍແດນ”. ບັນດາວຽກງານຂອງພະນັກງານ, ນັກຮົບຄ້າຍທະຫານຊາຍແດນດ່ານສາກົນຈ່ຽງເຄືອງ ໄດ້ປະກອບສ່ວນເພີ່ມພູນຄູນສ້າງນໍ້າໃຈລະຫວ່າງທະຫານ ແລະປະຊາຊົນ ແລະເພີ່ມທະວີສາຍພົວພັນແບບພິເສດລະຫວ່າງປະຊາຊົນສອງປະເທດຫວຽດນາມ - ລາວ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll