ທ່ານທູດຫວຽດນາມ ເຂົ້າອວຍພອນ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 64 ປີ

15:53 2019/03/20

ຍສໝ - ອີງຕາມການລາຍງານຂອງສຳນັກຂ່າວ ຫວຽດນາມ ປະຈຳ ວຽງຈັນ, ວັນທີ 20 ມີນາ, ຄະນະຜູ້ແທນ ສະຖານທູດຫວຽດນາມ ປະຈຳລາວ ໂດຍ ທ່ານເອກອັກຄະລັດຖະທູດຜູ້ມີອຳນາດເຕັມ ຫງວ໋ຽນ ບາຮູ່ງ ເປັນຜູ້ນຳພາຄະນະ ໄດ້ເຂົ້າອວຍພອນ ສ້າງຕັ້ງພັກປະຊາຊົນປະຕິວັດລາວ ຄົບຮອບ 64 ປີ (22/3/1955 - 22/3/2019). ຢູ່ ສຳນັກງານ ຄະນະພົວພັນຕ່າງປະເທດ ສູນກາງພັກປະຊາຊົນປະຕິວັດລາວ ຢູ່ນະຄອນຫຼວງວຽງຈັນ.

ທ່ານທູດຫວຽດນາມ ເຂົ້າອວຍພອນ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 64 ປີ
ທ່ານເອກອັກຄະລັດຖະທູດຜູ້ມີອຳນາດເຕັມ ຫວຽດນາມ ຫງວ໋ຽນ ບາ ຮູ່ງ ມອບຊໍ່ດອກໄມ້ອວຍພອນ ທ່ານ ສູນທອນ ໄຊຍະຈັກ ກຳມະການສູນກາງພັກ, ຫົວຫນ້າຄະນະກໍາມະການພົວພັນຕ່າງປະເທດສູນກາງພັກ.

ໂອກາດນີ້, ທ່ານ ສູນທອນ ໄຊຍະຈັກ ກຳມະການສູນກາງພັກ, ຫົວຫນ້າຄະນະກໍາມະການພົວພັນຕ່າງປະເທດສູນກາງພັກ ລາວ ໄດ້ຕ່າງໜ້າຕ້ອນຮັບຄະນະ.

ທີ່ການຕ້ອນຮັບ, ທ່ານເອກອັກຄະລັດຖະທູດ ຫງວ໋ຽນ ບາ ຮູ່ງ ໄດ້ສະແດງຄວາມຍິນດີ ແລະ ຄວາມພູມໃຈ ຕໍ່ກັບບັນດາຜົນສໍາເລັດອັນຍິ່ງໃຫຍ່ ຂອງປະຊາຊົນລາວອ້າຍນ້ອງ ທີ່ບັນລຸໄດ້ ໃນພາລະກິດຕໍ່ສູ້ປົດປ່ອຍປະຊາຊົນບັນດາເຜົ່າ ກໍ່ຄືການປົກປັກຮັກສາ, ສ້າງສາ ແລະ ພັດທະນາປະເທດຊາດ 64ປີຜ່ານມາ; ເຖິງວ່າສະພາບການພາຍໃນປະເທດລາວ ຍັງມີຄວາມຫຍຸ້ງຍາກຫຼາຍ, ສະຖານະການໃນຂົງເຂດ ແລະ ໃນໂລກຍັງມີການປ່ຽນແປງຢ່າງວ່ອງໄວ ແລະ ສັບສົນ, ແຕ່ພາຍໃຕ້ການນໍາພາ ອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ປະຊາຊົນລາວຈະສືບຕໍ່ບັນລຸໄດ້ໝາກຜົນກໍ່ຄືຜົນສໍາເລັດຫຼາຍກວ່າເກົ່າໃນທຸກຂົງເຂດ, ປະຕິບັດຜົນສໍາເລັດມະຕິ  ກອງປະຊຸມໃຫຍ່ຄັ້ງທີ່ X ຂອງພັກ , ຊີວິດຂອງປະຊາຊົນຈະໄດ້ຮັບການປັບປຸງນັບມຶ້ນັບດີກວ່າ, ພາລະບົດບາດ ແລະ ສະຖານະ ຂອງລາວ ຈະນັບມື້ນັບໄດ້ຮັບການຍົກສູງໃນພູມມິພາກ ແລະ ໃນໂລກ.

ທ່ານເອກອັກຄະລັດຖະທູດ ຫງວ໋ຽນ ບາ ຮູ່ງ ໃຫ້ຮູ້ວ່າ: ປະຈຸບັນ, ບັນດາຜົນສໍາເລັດ ອັນໃຫຍ່ ທີ່ປະຊາຊົນລາວ ສາມາດຍາດມາໄດ້ ມີການປະກອບສ່ວນຂອງ ຄະນະກໍາມະການພົວພັນຕ່າງປະເທດລາວ, ບັນດາອົງການຕ່າງໜ້າ ກໍ່ຄືຫ້ອງການອ້ອມຂ້າງ ສະຖານທູດ, ດ້ວຍບົດບາດການເປັນເສນາທິການໂດຍກົງ ໃຫ້ພັກປະຊາຊົນປະຕິວັດລາວ  ໂດຍສະເພາະໃນໄລຍະການເຊື່ອມໂຍງ, ບົດບາດເສນາທິການ ຂອງຄະນະ ພົວພັນຕ່າງປະເທດສູນກາງພັກ ລາວ ຈະມີຄວາມສໍາຄັນຫຼາຍ.

ທ່ານເອກອັກຄະລັດຖະທູດ ຫງວ໋ຽນ ບາ ຮູ່ງ ສະແດງຄວາມຫວັງວ່າ ຄະນະ ພົວພັນຕ່າງປະເທດສູນກາງພັກ ລາວ ຈະສືບຕໍ່ຮ່ວມມື ຢ່າງໃກ້ຊິດກັບສະຖານທູດຫວຽດນາມ ປະຈຳ ລາວ ແລະ ບັນດາຫ້ອງການຕ່າງໜ້າ ອ້ອມຂ້າງສະຖານທູດ, ຊ່ວຍເຫຼືອໃນການປະຕິບັດສໍາເລັດ ແລະ ປະສິດທິຜົນ ບັນດາບົດບັນທືກສັນຍາ ຂອງ ຜູ້ນໍາຂັ້ນສູງ ທັງສອງຝ່າຍ ໃນການຢ້ຽມຢາມລາວ ຢ່າງເປັນທາງການ ຂອງ ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວ໋ຽນ ຟູ໋ ຈ້ອງ.

ທ່ານເອກອັກຄະລັດຖະທູດ ຫງວ໋ຽນ ບາ ຮູ່ງ ໃຫ້ຮູ້ວ່າ: 64ປີຜ່ານມາ ພັກປະຊາຊົນປະຕິວັດລາວ ແລະ ພັກຄອມມູນິດຫວຽດນາມ ມີ ການພົວພັນແບບສະໜິດສະໜົມ ແລະ ຄຽງບ່າຄຽງໄລ່ກັນ, ຮ່ວມສຸກຮ່ວມທຸກຕໍ່ສູ້ ເພື່ອຍາດ ເອກະລາດມາໃຫ້ແກ່ປະຊາຊົນບັນດາເຜົ່າ ແລະ ຊ່ວຍເຫຼືອເຊິ່ງກັນແລະກັນໃນວຽກງານປົກປັກຮັກສາ,ສ້າງສາ ແລະ ພັດທະນາປະເທດຊາດ; ສະແດງຄວາມຍິນດີທີ່ໄດ້ເຫັນ ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ຮ່ວມມືຮອບດ້ານ ລະຫວ່າງ ຫວຽດນາມ ແລະ ລາວ ນັບມື້ນັບພັດທະນາສູ່ບາດກ້າວໃໝ່, ສິ່ງທີ່ພະສູດແມ່ນ ຜົນສຳເລັດຢ່າງສະຫງ່າງາມ ການຢ້ຽມຢາມສຳພັນທະໄມຕີ ສປປ ລາວ ຢ່າງເປັນທາງການຂອງ ສະຫາຍ ເລຂາທິການໃຫຍ່ ປະທານປະເທດ ຫງວ໋ຽນ ຟູ໋ ຈ້ອງ ທີ່ຜ່ານມາ; ເຊື່ອໝັ້ນວ່າທັງສອງຝ່າຍຈະສືບຕໍ່ປະຕິບັດສຳເລັດ ແລະ ມີປະສິດທິຜົນແທ້ຈິງ ບັນດາສັນຍາທີ່ໄດ້ບັນລຸ ລະຫວ່າງ ສອງປະເທດ ຫວຽດນາມ-ລາວ.

ບັນຍາກາດການຕ້ອນຮັບ.

ທ່ານນາງ ສູນທອນ ໄຊຍະຈັກ ຂອບໃຈຕໍ່ຄຳອວຍພອນອັນດີງາມ ຂອງ ທ່ານເອກອັກຄະລັດຖະທູດ  ຫງວ໋ຽນ ບາ ຮູ່ງ  ເນື່ອງໃນໂອກາດ ຄົບຮອບ 64 ປີ ວັນສ້າງຕັ້ງພັກປະຊາຊົນປະຕິວັດລາວ. ຕາງໜ້າພັກ, ລັດ ແລະ ປະຊາຊົນລາວ  ທ່ານນາງ ສູນທອນ ໄຊຍະຈັກ ສະແດງຄວາມຂອບໃຈຢ່າງເລິກເຊິ່ງຕໍ່ພັກ, ລັດ ແລະ ປະຊາຊົນຫວຽດນາມອ້າຍນ້ອງ ທີ່ຍາມໃດກໍ່ມອບການຊ່ວຍເຫຼືອອັນລ້ຳຄ່າ , ເປັນຈິງ ແລະ ທັນການ ໃຫ້ ພັກ, ລັດ ແລະ ປະຊາຊົນລາວ ໃນພາລະກິດຕໍ່ສູ້ປົດປ່ອຍປະຊາຊົນ ກໍ່ຄື ຂະບວນການປົກປັກຮັກສາ, ສ້າງສາ ແລະ ພັດທະນາປະເທດຊາດໃນປະຈຸຸບັນ.

ທ່ານນາງ  ສູນທອນ ໄຊຍະຈັກ ໃຫ້ຮູ້ວ່າ: ພັກ, ລັດ ແລະ ປະຊາຊົນລາວ ພາກພູມໃຈເພາະວ່າມີເພື່ອນມິດຫວຽດນາມທີ່ຈິງໃຈ, ເພື່ອນທີ່ເປັນຕາຍກໍ່ຢູ່ຄຽງຂ້າງກັນກັບລາວ; ຜົນສໍາເລັດທີ່ພັກ, ລັດ ແລະ ປະຊາຊົນລາວ ຍາດມາດໄດ້ ລ້ວນແລ້ວແຕ່ມີການຕິດພັນກັບການຊ່ວຍເຫຼືອຈາກປະເທດຫວຽດນາມ, ເຖິງວ່າຫວຽດນາມ ຈະຍັງປະສົບ ກັບຄວາມຫຍຸ້ງຍາກ ຫຼາຍປະການ, ແຕ່ຍັງຊ່ວຍເຫຼືອ ແບ່ງປັນປະເທດລາວ. ນີ້ຢັ້ງຢືນເຖິງການພົວພັນແບບຊື່ສັດຈິງໃຈ,  ຮັດແໜ້ນ ລະຫວ່າງ ລາວ - ຫວຽດນາມ ເປັນສາຍພົວພັນທີ່ບໍ່ເຄີຍມີໃນໂລກ; ເຖິງວ່າບັນດາສະຖານະການໂລກຈະປ່ຽນແປງໃດກໍ່ຕາມ, ແຕ່ສາຍສຳພັນມິດຕະພາບອັນຍິ່ງໃຫຍ່ ລະຫວ່າງ ລາວ - ຫວຽດນາມ, ຄວາມສາມັກຄີພິເສດ ແລະ ການຮ່ວມມື ຮອບດ້ານ ຈະຍັງບໍ່ປ່ຽນແປງ ແລະ ຈະແໜ້ນແຟ້ນກວ່າເກົ່າ.

ຄະນະພົວພັນຕ່າງປະເທດສູນກາງພັກ ລາວ ຈະເຮັດທຸກຄວາມສາມາດເພື່ອປົກປັກຮັກສາ ແລະ ເສີມສ້າງ ມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ - ຫວຽດນາມ ພັດທະນາ ຢ່າງມີປະສິດທິຜົນ ແລະ ຜົນປະໂຫຍດອັນແທດຈິງ ມາສູ່ປະຊາຊົນຂອງສອງປະເທດ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll