ທ່ານກົງສຸນໃຫຍ່ຂອງລາວ ປະຈຳນະຄອນດ່າໜັງ ໄດ້ເຂົ້າພົບປະກັບການນຳແຂວງຮ່າຕິ໋ງ

09:30 2019/02/14

ຍສມ - ຕອນແລງວັນທີ 13 ກຸມພາ, ຄະນະພະນັກງານສະຖານກົງສຸນ ແຫ່ງ ສປປ ລາວ ຢູ່ນະຄອນດ່າໜັງ ນຳພາໂດຍ ທ່ານ ວຽງໄຊ ພົມມະຈັນ ກົງສຸນໃຫຍ່ໄດ້ເຂົ້າພົບປະ ແລະ ໂອ້ລົມກັບການນຳຂອງແຂວງຮ່າຕິ໋ງ. ໂດຍທ່ານ ເຢືອງ ເຕີ໋ດຖັງ ຮອງປະທານ ກຳມະການປະຊາຊົນແຂວງ ເປັນຜູ້ຕ້ອນຮັບຄະນະ.

ທ່ານກົງສຸນໃຫຍ່ຂອງລາວ ປະຈຳນະຄອນດ່າໜັງ ໄດ້ເຂົ້າພົບປະກັບການນຳແຂວງຮ່າຕິ໋ງ
ບັນຍາກາດການຕ້ອນຮັບ.(ພາບ: baohatinh.vn)

ທີ່ການພົບປະ ແລະ ໂອ້ລົມ ທ່ານ ວຽງໄຊ ພົມມະຈັນ ກົງສຸນໃຫຍ່ລາວ ປະຈຳນະຄອນດາໜັງ ສະແດງຄວາມມຸ້ງມາດປາດຖະໜາໃຫ້ແຂວງຮ່າຕິ໋ງ ປະສານງານ, ຊ່ວຍເຫຼືອຄະນະເຮັດສຳເລັດເປັນຢ່າງດີພາລະກິດໃນສະໄໝປະຈຳການຢູ່ ຫວຽດນາມ.

ທ່ານ ເຢືອງ ເຕີ໋ດຖັງ ຮອງປະທານກຳມະການປະຊາຊົນແຂວງ ຮ່າຕິ໋ງ ຍິນດີຕ້ອນຮັບການເຂົ້າຢ້ຽມຢາມຂອງຄະນະພະນັກງານສະຖານກົງສຸນລາວຄັ້ງນີ້, ພ້ອມນີ້ທ່ານກໍ່ໄດ້ແນະນຳໂດຍຫຍໍ້ກ່ຽວກັບສະພາບເສດຖະກິດ-ສັງຄົມຂອງແຂວງ ຮ່າຕິ໋ງ ໃນໄລຍະຜ່ານມາ ແລະ ແຂວງຮ່າຕິ໋ງ ໄດ້ມີການເພີ່ມທະວີສາຍພົວພັນ ແລະ ຮ່ວມມື ກັບບັນດາແຂວງຂອງລາວ ຢ່າງບໍ່ຢຸດຢັ້ງ ໃນຫຼາຍໆຂົງເຂດເປັນຕົ້ນແມ່ນຂົງເຂດເສດຖະກິດ, ການສຶກສາ, ສາທາລະນະສຸກ...

ທ່ານ ເຢືອງເຕີ໋ດຖັງ ຮອງປະທານກຳມະການປະຊາຊົນ ຫວັງເປັນຢ່າງຍິ່ງວ່າໃນອານາຄົດຈະມີຫຼາຍໆໂຄງການຮ່ວມມືໃນຂົງເຂດວັດທະນະທຳ.(ພາບ: baohatinh.vn)

ຮອງປະທານກຳມະການປະຊາຊົນໄດ້ເນັ້ນໜັກ ດ້ານເສດຖະກິດ, ແຂວງຮ່າຕິ໋ງໄດ້ຈັດຕັ້ງປະຕິບັດການຊ່ວຍເຫຼືອຍູ້ໜູນ ດ້ານເຕັກນິກກະສິກຳກໍ່ຄືການກະເສດ ໃຫ້ແກ່ບັນດາແຂວງທີ່ມີຊາຍແດນຮ່ວມກັນ. ພິເສດແມ່ນແຂວງທີ່ກຳລັງປະຕິບັດບາງໂຄງການຢູ່ລາວ, ຜ່ານແຫຼ່ງທືນຊ່ວຍເຫຼືອລ້າຂອງລັດຖະບານຫວຽດນາມ. ບັດດາໂຄງການພາຍຫຼັງສະເລັດຄາດວ່າຈະປະກອບສ່ວນເຂົ້ົາໃນການພັດທະນາກຳສິກຳທ້ອງຖິ່ນ.

ທ່ານ ວຽງໄຊ ພົມມະຈັນ ກົງສຸນໃຫຍ່ລາວ ປະຈຳນະຄອນດ່າໜັງ ມອບຂອງທີ່ລະນຶກ ໃຫ້ແກ່ການນຳແຂວງຮ່າຕິ໋ງ. (ພາບ: baohatinh.vn)

ທ່ານຮອງປະທານກຳມະການປະຊາຊົນແຂວງ ກໍ່ຍັງໄດ້ໃຫ້ຮູ້ຕື່ມອີກວ່າ: ໄລຍະຜ່ານມາ ການຮ່ວມມືຂອງສອງຝ່າຍ ໄດ້ກ້າວເຂົ້າສູ່ລວງເລິກ, ແຕ່ເຖິງຢ່າງໃດກໍ່ຕາມຍັງມີຄວາມຊ້າຢູ່. ຍ້ອນແນວນັ້ນທ່ານຫວັງເປັນຢ່າງຍິ່ງວ່າດ້ວຍພາລະກິດ ແລະ ບົດບາດຂອງຕົນ ທ່ານ ວຽງໄຊ ພົມມະຈັນ ກົງສຸນໃຫຍ່ຂອງລາວ ປະຈຳດ່າໜັງ ຈະເປັນກະບອກສຽງອັນສຳຄັນ, ແກ້ໄຂບັນຫາຫຍຸ້ງຍາກ, ຄົງຄ້າງ, ເປັນຂົວຕໍ່ຊຸກຍູ້ການຮ່ວມມືໃນໄລຍະຕໍ່ໄປໃຫ້ດີຂື້ນຕື່ມ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll