ທະຫານເຂດ 5 ສົມທົບກັນຊອກຫາຜູ້ຫາຍສາບສູນ ແລະໜູນຊ່ວຍປະຊາຊົນຢູ່ເຂດຖືກປະສົບເຄາະຮ້າຍຈາກເຂື່ອນໄຟຟ້າແຕກ ຢູ່ລາວ

08:15 2018/07/31

ທ້າຍອາທິດທີ່ຜ່ານມາ, ບໍລິສັດມິດຕະພາບພາກໃຕ້ລາວຈໍາກັດຜູ້ດຽວ ສືບຕໍ່ມອບເງິນສົດ 100 ລ້ານດົ່ງ ແລະຢຸກຢາປິ່ນປົວພະຍາດດ້ວຍມູນຄ່າ 50 ລ້ານດົ່ງ, ໂສ້ງເສື້ອ 1.700 ຊຸດ ໃຫ້ແກ່ພໍ່ແມ່ປະຊາຊົນຢູ່ເຂດປະສົບໄພພິບັດເຂື່ອນໄຟຟ້າແຕກຢູ່ແຂວງອັດຕະປື (ລາວ) ຕື່ມອີກ.

ທະຫານເຂດ 5 ສົມທົບກັນຊອກຫາຜູ້ຫາຍສາບສູນ ແລະໜູນຊ່ວຍປະຊາຊົນຢູ່ເຂດຖືກປະສົບເຄາະຮ້າຍຈາກເຂື່ອນໄຟຟ້າແຕກ ຢູ່ລາວ
ກອງບັນຊາການທະຫານເຂດ 5 ກໍ່ໄດ້ຊີ້ນໍາກອງບັນຊາການທະຫານແຂວງກອນຕຸມ ແລະ ແຂວງກວາງນາມ, ກອງພົນນ້ອຍຊ່າງແສງ 270 ກະກຽມກໍາລັງ, ພາຫະນະກຽມພ້ອມເຄື່ອນທີ່ເມື່ອມີຄໍາສັ່ງຂອງຂັ້ນເທິງ ເພື່ອສົມທົບກັບບັນດາກໍາລັງປະເທດເພື່ອນມິດແກ້ໄຂຜົນຮ້າຍຢ້ອນຫຼັງ.
ຄະນະອໍານວຍການບໍລິສັດມິດຕະພາບພາກໃຕ້ລາວຈໍາກັດຜູ້ດຽວ ມອບເງິນຈໍານວນ 100 ລ້ານດົ່ງ ແກ່ແຂວງ ອັດຕະປື . (ພາບ: qdnd.vn)
ກ່ອນໜ້ານັ້ນ, ຫຼັງຈາກເກີດເຫດເຂື່ອນໄຟຟ້າ ເຊປຽນ-ເຊນໍ້ານ້ອຍແຕກ, ວັນທີ 24 ກໍລະກົດ, ກອງບັນຊາການທະຫານເຂດ 5 ໄດ້ມອບເງິນຈໍານວນ 200 ລ້ານດົ່ງໃຫ້ແກ່ຄະນະພັກແຂວງອັດຕະປື,   ບໍລິສັດມິດຕະພາບພາກໃຕ້ລາວຈໍາກັດຜູ້ດຽວ (ທະຫານເຂດ 5) ສະຫງວນເງິນ 50 ລ້ານດົ່ງເພື່ອຊື້ເຄື່ອງຊ່ວຍເຫຼືອ ລວມມີ: ສະບຽງອາຫານ, ທັນຍາຫານ, ນໍ້າດື່ມໃຫ້ແກ່ພໍ່ແມ່ປະຊາຊົນຢູ່ເຂດປະສົບກັບໄພພິບັດ.
ບັນດາແພດໝໍ ຂອງບໍລິສັດມິດຕະພາບພາກໃຕ້ລາວຈໍາກັດຜູ້ດຽວ ກວດພະຍາດໃຫ້ແກ່ປະຊາຊົນຢູ່ເຂດປະສົບກັບໄພພິບັດ. (ພາບ: qdnd.vn)

ຄິດໄລ່ຮອດເວລາ 21 ໂມງຕອນຄໍ່າວັນທີ 27 ກໍລະກົດ, ຄະນະປະຕິບັດງານຂອງທະຫານເຂດ 5 ໄດ້ສົມທົບກັບກໍາລັງປະກອບອາວຸດແຂວງອັດຕະປື ຊອກເຫັນຜູ້ລອດຊີວິດ 19 ຄົນ ແລະໄດ້ນໍາໄປສູນສາທາລະນະສຸກ ເມືອງຊານໍ້າໄຊ ເພື່ອປະຖົມພະຍາບານ, ປິ່ນປົວ.

(来源: ກປ.ອອນໄລ)
;

同类别新闻