ຄ້າຍທະຫານປ້ອງກັນຊາຍແດນ ດ່ານຊາຍແດນສາກົນ ລາວບ້າວ ມອບຂອງຂວັນໃຫ້ປະຊາຊົນປະເທດລາວ

14:32 2019/09/17

ຍສໝ - ວັນທີ 14 ເດືອນກັນຍາ, ຄ້າຍທະຫານປ້ອງກັນຊາຍແດນ ດ່ານຊາຍແດນສາກົນ ລາວບ້າວ, ທະຫານປ້ອງກັນຊາຍແດນ ແຂວງ ກວ້າງຈີ້ ສົມທົບກັບຄະນະກຳມະການປົກຄອງຕົວເມືອງນ້ອຍ ລາວບ້າວ, ເມືອງ ເຫື໋ອງຮ໋ວາ (ກວ້າງຈີ້) ໄດ້ ມອບຂອງຂວັນ ແລະ ສິ່ງທີ່ຈຳເປັນໃຫ້ຊີວິດປະຈຳວັນ ໃຫ້ປະຊາຊົນບັນດາບ້ານຂອງລາວ ຢູ່ຝ່າຍນັ້ນຊາຍແດນ.

ເພື່ອທັນການປຸກໃຈ ແລະ ແບ່ງເບົາຄວາມຫຍຸ້ງຍາກຫຼັງຈາກການໄພນໍ້າຖ້ວມປະຫວດສາດເກີດຂື້ນໃນຕົ້ນເດືອນກັນຍາກັບປະຊາຊົນບັນດາບ້ານຂອງລາວ ຢູ່ຝ່າຍນັ້ນຊາຍແດນ, ວັນທີ່ 14 ເດືອນກັນຍາ ຄ້າຍທະຫານປ້ອງກັນຊາຍແດນ ດ່ານຊາຍແດນສາກົນ ລາວບ້າວ, ທະຫານປ້ອງກັນຊາຍແດນ ແຂວງ ກວ້າງຈີ້ ສົມທົບກັບຄະນະກຳມະການປົກຄອງຕົວເມືອງນ້ອຍ ລາວບ້າວ, ເມືອງ ເຫື໋ອງຮ໋ວາ (ກວ້າງຈີ້) ໄດ້ມາຢ້ຽມຢາມ ແລະ ມອບຂອງຂວັນຈຳນວນ250ພູດ, ມີຄຸນຄ່າກວ່າຫົກສິບລ້ານດົງໃຫ້ປະຊາຊົນ ບ້ານກາຕຸບ, ແດນສະຫວັນ ແລະ ບ່ານ ເຟືອງ, ເມືອງເຊປົນ ແຂວງສະຫວັນນະເຂດ(ລາວ) ເພື່ອປຸກໃຈປະຊາຊົນຜ່ານຜ່າຄວາມຫຍຸ້ງຍາກດ້ວຍການໄພທຳມະຊາດ ແລະ ເຮັດໃຫ້ຊີວິດການເປັນຢູ່ປົກກະຕິຢ່າງວອງໄວ.

ພັນຕີ ດັ້ງຈູງແທງ, ພະນັກງານຄ້າຍປ້ອງກັນຊາຍແດນ ດ່ານຊາຍແດນສາກົນ ລາວບ້າວ ແລະ ສະຫາຍ ຫງວຽນນາມ, ເລຂາຄະນະພັກຕົວເມືອງນ້ອຍ ລາວບ້າວ ມອບຂອງຂວັນໃຫ້ປະຊາຊົນບ້ານ ແດນສະຫວັນ.

(ພາບ: cadn.com.vn)

ການກະທຳນັ້ນປະກອບສ່ວນຕົບແຕ່ງເພີ່ມມູນເຊື້ອ ແລະ ນໍ້າໃຈຕິດພັນກັນຢ່າງພິເສດລະຫວ່າງສອງຊົນເຜົ່າຫວຽດ-ລາວອ້າຍນ້ອງ ແລະສະແດງນໍ້າໃຈຮັກແພງຊ່ວຍເຫຼືອກັນລະຫວ່າງບັນດາຄູ່ບ້ານແຮກສ່ຽວໃນຂະບວນການ "ແຮກສ່ຽວບ້ານ-ບ້ານສອງຝ່າຍຊາຍແດນ".

ໃນຕົ້ນເດືອນກັນຍາ, ຍ້ອນຜົນກະທົບຈາກລົມພາຍຸ ໄດ້ເລີ່ມຕົ້ົ້ນຈາກປະເທດຫວຽດນາມ ເຮັດໃຫ້ມີຝົນຕົກໜັກ, ບັນດາແຂວງພາກໃຕ້ ແລະ ພາກກາງຂອງລາວໄດ້ຖືກນ້ຳຖ້ວມເປັນບໍລິເວນກວ້າງ, ສ້າງຄວາມເສຍຫາຍຢ່າງໃຫຍ່ຫລວງໃຫ້ແກ່ປະຊາຊົນທ້ອງຖິ່ນ. ອີງຕາມການລາຍງານເບື້ອງຕົ້ນຂອງກະຊວງແຮງງານ ແລະ ສະຫວັດດີການສັງຄົມຂອງລາວ, ໄພນໍ້າຖ້ວມໄດ້ເຮັດໃຫ້ 14 ຄົນເສຍຊີວິດ, ສົ່ງຜົນກະທົບຕໍ່ຊີວິດຂອງປະຊາຊົນຫຼາຍກວ່າ 175,000 ຄົວເຮືອນໃນ 1,400 ບ້ານຂອງ 43 ເມືອງໃນທົ່ວ 6 ແຂວງ, ສ້າງຄວາມເສຍຫາຍໃຫ້ແກ່ຕົ້ນເຂົ້າ 150,000 ເຮັກຕາ, ທັນຍາຫານ 251 ເຮັກຕາ, ໜອງປາ 3.266 ໜອງ; ສ້າງຄວາມເສຍຫາຍໃຫ້ຫລາຍຂົວ, ຖະໜົນຫົນທາງ, ບ້ານເຮືອນ... ມາຮອດປັດຈຸບັນ, ການຄົມມະນາຄົມລະຫວ່າງບັນດາທ້ອງຖິ່ນ ຍັງມີການແບ່ງແຍກຍ້ອນດິນເຈື່ອນພັງ ແລະ ຖະໜົນຫົນທາງທີ່ຖືກທຳລາຍ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll