ກອງ K53 ແຂວງກອນຕຸມ ຫວຽດນາມ ຈັດພິທີສົ່ງພະນັກງານໄປປະຕິບັດໜ້າທີ່ທ້ອນໂຮມອັດຖິທະຫານທີ່ເສຍສະຫຼະຊີວິດເພື່ອຊາດຢູ່ລາວ ແລະ ກໍາປູເຈຍ

10:02 2019/11/13

ຍສໝ - ໃນຕອນເຊົ້າຂອງວັນທີ 11 ພະຈິກ 2019, ກອງ K53 ແຂວງກອນຕຸມ ໄດ້ຈັດພິທີສົ່ງພະນັກງານໄປປະຕິບັດໜ້າທີ່ຊອກຄົ້ນ, ທ້ອນໂຮມ ແລະຈັດສົ່ງອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ ແລະ ກໍາປູເຈຍ ກັບຄືນປະເທດ.

ກອງ K53 ແຂວງກອນຕຸມ ຫວຽດນາມ ຈັດພິທີສົ່ງພະນັກງານໄປປະຕິບັດໜ້າທີ່ທ້ອນໂຮມອັດຖິທະຫານທີ່ເສຍສະຫຼະຊີວິດເພື່ອຊາດຢູ່ລາວ ແລະ ກໍາປູເຈຍ
ພິທີສົ່ງພະນັກງານໄປປະຕິບັດໜ້າທີ່ຊອກຄົ້ນ, ທ້ອນໂຮມ ແລະຈັດສົ່ງອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ ແລະ ກໍາປູເຈຍ ກັບຄືນປະເທດ.(ພາບ:baokontum.com.vn)

ທ່ານພັນເອກພິເສດ ຫງວຽນ ກົງ ຄວາ, ຫົວໜ້າກອງ K53 ໄດ້ຕາງໜ້າພະນັກງານ,  ນັກຮົບໃຫ້ຄໍາໝັ້ນສັນຍາວ່າ ການຊອກຄົ້ນ, ທ້ອນໂຮມ ແລະຈັດສົ່ງອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ ລາວ ແລະ ກໍາປູເຈຍ ກັບຄືນປະເທດແມ່ນໜ້າທີ່ມີຄວາມໝາຍສໍາຄັນຍິ່ງ; ກອງ K53 ຈະເຮັດຈົນສຸດຄວາມສາມາດຂອງຕົນ, ຜ່ານຜ່າຄວາມຫຍຸ້ງຍາກ, ສືບຕໍ່ສູ້ຊົນປະຕິບັດສໍາເລັດໜ້າທີ່ຊອກຄົ້ນ, ຈັດສົ່ງອັດຖິທະຫານທີ່ເສຍສະຫຼະຊີວິດເພື່ອຊາດກັບຄືນປະເທດ.

ສ່ວນ ທ່ານພັນເອກພິເສດ ໂຮ່ແອັງຕ໊ວນ, ຫົວໜ້າການເມືອງກອງບັນຊາການທະຫານແຂວງ, ຮອງຫົວໜ້າຄະນະຊີ້ນໍາ 515 ຂອງແຂວງໄດ້ກ່າວຄໍາເຫັນມອບໜ້າທີ່ໃຫ້ແກ່ກອງ K53 ແຂວງກອນຕຸມ, ຫວັງວ່າພະນັກງານ, ນັກຮົບກອງ K53 ຈະສືບຕໍ່ຍົກສູງນໍ້າໃຈຮັບຜິດຊອບ, ປະຕິບັດລະບຽບວິໄລຢ່າງເຂັ້ມງວດ, ເສີມຂະຫຍາຍຄຸນທາດທະຫານລຸງໂຮ່, ຕັ້ງໜ້າ, ມີສະຕິຕື່ນຕົວ, ເປັນເຈົ້າການ, ຕັດສິນໃຈປະຕິບັດສໍາເລັດໜ້າທີ່ເຊິ່ງ ພັກ, ລັດ, ກົມກອງມອບໝາຍໃຫ້.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll