ລາວ-ຫວຽດນາມ ສືບຕໍ່ຮ່ວມມືສົ່ງເສີມການທ່ອງທ່ຽວ

10:45 2019/09/09

ງານ​ວາງ­ສະ­ແດງ​ການ­ທ່ອງ­ທ່ຽວ​ສາ­ກົນ (ITE) 2019 ຈັດ​ຂຶ້ນ​ວັນ​ທີ 5-7 ກັນ­ຍາ 2019 ທີ່​ນະ­ຄອນ​ໂຮ່​ຈີ​ມິງ ສສ ຫວຽດ­ນາມ ເຊິ່ງ​ຄະ­ນະ​ຜູ້​ແທນ​ລາວ​ນຳ​ໂດຍ​ທ່ານ ບໍ່​ແສງ​ຄຳ ວົງ​ດາ­ລາ ລັດ­ຖະ­ມົນ­ຕີ​ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ມີ​ເຈົ້າ­ແຂວງ​ຈຳ­ປາ​ສັກ ເຈົ້າ­ແຂວງ​ສະ­ຫວັນ​ນະ​ເຂດ ທ່ານ ອາດ​ສະ­ພັງ​ທອງ ສີ​ພັນ​ດອນ ຮອງ​ເຈົ້າ​ຄອງ​ນະ­ຄອນ ຫຼວງ​ວຽງ​ຈັນ.

ລາວ-ຫວຽດນາມ ສືບຕໍ່ຮ່ວມມືສົ່ງເສີມການທ່ອງທ່ຽວ
ທ່ານ ບໍ່​ແສງ​ຄຳ ວົງ​ດາ­ລາ ລັດ­ຖະ­ມົນ­ຕີ​ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ທ່ີ່ພິທີເປີດງານວາງສະແດງ.(ພາບ: ww.vientianemai.net)

ງານ​ວາງ­ສະ­ແດງ​ການ­ທ່ອງ­ທ່ຽວ​ຄັ້ງ​ນີ້ ມີ​ຫຼາຍ​ປະ­ເທດ​ທີ່​ມາ​ຈາກ​ທະ­ວີບ​ເອີ​ຣົບ ທະ­ວີບ­ອາ­ຊີ ຂົງ­ເຂດ​ພາກ​ພື້ນ ແລະ ສື່​ມວນ​ຊົນ​ຈາກ​ພາຍ​ໃນ ແລະ ຕ່າງ­ປະ­ເທດ​ເຂົ້າ​ຮ່ວມ ໃນ​ນັ້ນ ມີ​ຮ້ານ​ວາງ­ສະ­ແດງ​ຂອງ​ລາວ​ກໍ​ໄດ້​ເຂົ້າ​ຮ່ວມ ເພື່ອ​ໂຄ­ສະ­ນາ​ການ­ທ່ອງ­ທ່ຽວ​ລາວ​ໃຫ້​ກວ້າງ­ຂວາງ ທັງ​ພົບ​ປະ​ກັບ​ຜູ້​ປະ­ກອບ​ການ​ທຸ­ລະ​ກິດ​ການ­ທ່ອງ­ທ່ຽວ​ພາກ​ລັດ ແລະ ເອ­ກະ​ຊົນ ເພື່ອ​ດຶງ​ດູດ​ນັກ​ທ່ອງ​ທ່ຽວ​ຕ່າງ­ປະ­ເທດ​ເຂົ້າ​ມາ​ທ່ອງ​ທ່ຽວ​ລາວ​ເຮົາ​ໃຫ້​ນັບ​ມື້​ເພີ່ມ​ຂຶ້ນ​ເລື້ອຍໆ ແລະ ໃນ​ປີ 2018 ມີ​ນັກ​ທ່ອງ​ທ່ຽວ​ຕ່າງ­ປະ­ເທດ​ເຂົ້າ​ມາ​ທ່ຽວ​ປະ­ເທດ​ລາວ 4.186.432 ເທື່ອ​ຄົນ.

ໃນ​ໂອ­ກາດ​ເຂົ້າ​ຮ່ວມ​ຄັ້ງ​ນີ້ ທ່ານ​ລັດ­ຖະ­ມົນ­ຕີ ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ​ຂອງ​ລາວ ພ້ອມ​ຄະ­ນະ ຍັງ​ໄດ້​ພົບ​ປະ​ສອງ​ຝ່າຍ​ກັບ​ທ່ານ ຫງວ​ຽນ ຫງອກ​ທຽນ ລັດ­ຖະ­ມົນ­ຕີ​ກະ­ຊວງ​ວັດ­ທະ­ນະ­ທຳ ກີ­ລາ ແລະ ທ່ອງ​ທ່ຽວ​ຫວຽດ­ນາມ ພ້ອມ​ຄະ­ນະ ເຊິ່ງ​ການ​ພົບ​ປະ​ຄັ້ງ​ນີ້​ສອງ​ຝ່າຍ​ໄດ້​ເປັນ​ເອ­ກະ​ພາບ​ຕໍ່​ການ​ສະ­ຫຼຸບ​ຕີ​ລາ­ຄາ ກ່ຽວ​ກັບ​ການ​ຮ່ວມ​ມື​ລະ­ຫວ່າງ​ສອງ​ຝ່າຍ​ໃນ​ຊຸມ​ປີ­ຜ່ານ­ມາ ເປັນ­ຕົ້ນ ການ​ຮ່ວມ​ມື​ດ້ານ​ວັດ­ທະ­ນະ­ທຳ ແລະ ການ­ທ່ອງ­ທ່ຽວ ທີ່​ທັງ​ສອງ​ຝ່າຍ​ໄດ້​ລົງ​ນາມ​ຮ່ວມ​ກັນ​ໃນ​ເດືອນ​ກັນ­ຍາ 2015 ແລະ ຈະ​ສິ້ນ​ສຸດ​ໃນ​ເດືອນ​ທັນ­ວາ 2020  ການ​ສ້າງ​ບຸ​ຄະ­ລາ​ກອນ ໃນ​ນີ້ ທ່ານ ບໍ່​ແສງ​ຄຳ ວົງ​ດາ­ລາ ໄດ້​ຂອບ­ໃຈ​ຕໍ່​ລັດ­ຖະ­ບານ​ຫວຽດ­ນາມ ທີ່​ໄດ້​ສົ່ງ​ຊ່ຽວ­ຊານ​ທາງ​ດ້ານ​ສິ­ລະ​ປະ­ການ​ຟ້ອນ​ຂອງ​ຫວຽດ­ນາມ​ມາ​ເປັນ​ວິ­ທະ­ຍາ­ກອນ​ຊ່ວຍ​ຈັດ​ເຝິກ­ອົບ­ຮົມ​ກ່ຽວ​ກັບ​ຜູ້​ປະ­ດິດ​ແຕ່ງ ແລະ ການ​ຟ້ອນ​ໃຫ້​ແກ່​ບັນ­ດາ​ຄູ-ອາ­ຈານ​ໂຮງ­ຮຽນ​ສິ­ລະ​ປະ​ແຫ່ງ​ຊາດ​ລາວ ເປັນ​ໄລ­ຍະ 3 ເດືອນ ເຊິ່ງ​ໄດ້​ຕອບ​ສະ­ໜອງ​ໃຫ້​ແກ່​ຄວາມ​ຮຽກ­ຮ້ອງ​ຕ້ອງ­ການ ຍົກ​ລະ­ດັບ​ຄວາມ​ຮູ້ ຄວາມ​ສາ­ມາດ ທັກ​ສະ​ທາງ​ດ້ານ​ສິ­ລະ​ປະ​ການ­ສະ­ແດງ​ຟ້ອນ​ແກ່​ຜູ້​ປະ­ພັນ ຜູ້​ກຳ­ກັບ​ການ­ສະ­ແດງ ນັກ​ສິ­ລະ​ປິນ​ຟ້ອນ​ຂອງ​ລາວ​ຢ່າງ​ມີ​ຜົນ­ສຳ­ເລັດ ພ້ອມ​ນັ້ນ ຍັງ​ມີ​ວຽກ​ງານ​ການ​ຮ່ວມ​ມື​ດ້ານ​ການ­ທ່ອງ­ທ່ຽວ ນອກ​ນີ້ ໄດ້​ສະ­ເໜີ​ແລກ­ປ່ຽນ​ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ແຜນ­ການ​ຮ່ວມ​ມື​ທີ່​ໄດ້​ລົງ​ນາມ​ຮ່ວມ​ກັນ ແລະ ສະ­ເໜີ​ແລກ­ປ່ຽນ​ການ​ນຳ​ສະ­ເໜີ​ຂອງ​ລາວ ເພື່ອ​ເອົາ​ປ່າ​ສະ­ຫງວນ​ແຫ່ງ​ຊາດ​ຫີນ​ໜາມ​ໜໍ່​ແຂວງ​ຄຳ​ມ່ວນ ເຂົ້າ​ເປັນ​ມໍ­ລະ­ດົກ​ໂລກ​ທາງ​ທຳ​ມະ​ຊາດ​ຮ່ວມ​ຊາຍ​ແດນ​ກັບ ຟອງ​ຍາ​ແກ​ບາງ.

ໃນ​ປີ 2018 ມີ​ນັກ​ທ່ອງ​ທ່ຽວ​ຫວຽດ­ນາມ​ເຂົ້າ​ມາ​ທ່ຽວ​ລາວ 867.585 ເທື່ອ​ຄົນ ແລະ 6 ເດືອນ​ຕົ້ນ​ປີ 2019 ຈຳ­ນວນ​ນັກ​ທ່ອງ​ທ່ຽວ​ຫວຽດ­ນາມ​ເຂົ້າ​ມາ​ທ່ຽວ​ລາວ 468.632 ເທື່ອ​ຄົນ ຖື​ວ່າ​ເປັນ​ຕະ­ຫຼາດ​ທີ່​ສຳ­ຄັນ​ຂອງ​ການ­ທ່ອງ­ທ່ຽວ​ລາວ ແລະ ຂໍ​ຖື​ໂອ­ກາດ​ນີ້ ເຊີນ­ຊວນ​ບັນ­ດາ​ທ່ານ ກໍ​ຄື ຜ່ານ​ບັນ­ດາ​ທ່ານ​ໄປ​ຍັງ​ປະ­ຊາ­ຊົນ​ຫວຽດ­ນາມ​ມາ​ທ່ຽວ​ລາວ​ໃຫ້​ຫຼາຍ​ກວ່າ​ເກົ່າ.

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll