ລັດຖະມົນຕີກະຊວງພະລັງງານ ແລະບໍ່ແຮ່ລາວ ມາຢ້ຽມຢາມ ແລະເຮັດວຽກຢູ່ທະຫານເຂດ 4

12:14 2018/07/10

ທ້າຍ​ອາ​ທິດ​ທີ່​ຜ່ານ​ມາ, ຄະນະປະຕິບັດງານຂອງກະຊວງພະລັງງານ ແລະບໍ່ແຮ່ລາວ ໂດຍທ່ານ ຄຳມະນີ ອີນທິລາດ, ລັດຖະມົນຕີກະຊວງພະລັງງານ ແລະບໍ່ແຮ່ລາວ ໄດ້ມາຢ້ຽມຢາມ ແລະເຮັດວຽກກັບກອງບັນຊາການທະຫານເຂດ 4. ທ່ານພົນຈັດຕະວາ ຮ່າເຕີນຕ໋ຽນ, ຮອງຜູ້ບັນຊາການທະຫານເຂດ ໄດ້ຕ້ອນຮັບ ແລະເຮັດວຽກກັບຄະນະ.

ລັດຖະມົນຕີກະຊວງພະລັງງານ ແລະບໍ່ແຮ່ລາວ ມາຢ້ຽມຢາມ ແລະເຮັດວຽກຢູ່ທະຫານເຂດ 4
ບັນຍາກາດທີ່ການເຮັດວຽກ. ພາບ: ເຈີ່ນຢຸງ.

ທີ່ການເຮັດວຽກ, ທ່ານພົນຈັດຕະວາ ຮ່າເຕີນຕ໋ຽນ ສະແດງຄວາມຂອບອົກຂອບໃຈຕໍ່ຄວາມເອົາໃຈໃສ່, ການຊ່ວຍເຫຼືອຂອງລັດຖະບານລາວ ເວົ້າລວມ, ກະຊວງພະລັງງານ ແລະບໍ່ແຮ່ລາວ ເວົ້າສະເພາະໄດ້ສ້າງເງື່ອນໄຂສະດວກເພື່ອໃຫ້ບັນດາກົມກອງ, ວິສາຫະກິດ ແລະກໍາລັງຂອງທະຫານເຂດປະຕິບັດບັນດາໜ້າທີ່ຢູ່ປະເທດເພື່ອນມິດ, ປະຕິບັດສໍາເລັດໜ້າທີ່ກໍ່ສ້າງກຸ່ມບ້ານ, ຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ, ປະຕິບັດບັນດາໂຄງການ, ຜະລິດດໍາເນີນທຸລະກິດເປັນຢ່າງດີ, ປະກອບສ່ວນຮັດແໜ້ນນໍ້າໃຈສາມັກຄີມິດຕະພາບແບບພິເສດ ຫວຽດນາມ-ລາວ ອ້າຍນ້ອງຕື່ມອີກ.

ທ່ານພົນຈັດຕະວາ ຮ່າເຕີນຕ໋ຽນ ຮອງຜູ້ບັນຊາການທະຫານເຂດ 4 ມອບຂອງຂວັນທີ່ລະນຶກໃຫ້ທ່ານ ຄຳມະນີ ອີນທິລາດ ລັດຖະມົນຕີກະຊວງພະລັງງານ ແລະບໍ່ແຮ່ລາວ . ພາບ: ເຈີ່ນຢຸງ.

ທ່ານພົນຈັດຕະວາ ຮ່າເຕີນຕ໋ຽນ ປາດຖະໜາວ່າ, ໃນໄລຍະຈະມາເຖິງ, ກະຊວງພະລັງງານ ແລະບໍ່ແຮ່ລາວ ຈະສືບຕໍ່ເອົາໃຈໃສ່, ສົມທົບກັນຊ່ວຍເຫຼືອບັນດາກໍາລັງຂອງທະຫານເຂດປະຕິບັດບັນດາໜ້າທີ່, ໂຄງການໂດຍລັດຖະບານ, ກະຊວງປ້ອງກັນປະເທດຫວຽດນາມ ອຸປະຖໍາໃຫ້ປະເທດເພື່ອນມິດລາວ ເຊິ່ງມອບໝາຍໃຫ້ທະຫານເຂດ 4 ປະຕິບັດເປັນຢ່າງດີ.

ຄຽງຂ້າງນັ້ນ, ສ້າງທຸກເງື່ອນໄຂສະດວກເປັນຕົ້ນແມ່ນສໍາລັບບໍລິສັດໃຫຍ່ຮ່ວມມືເສດຖະກິດຜັນຂະຫຍາຍປະຕິບັດບັນດາໂຄງການ, ຜະລິດດໍາເນີນທຸລະກິດ, ສົ່ງເສີມກະສິກໍາ, ປ່າໄມ້ຢູ່ບັນດາທ້ອງຖິ່ນຂອງລາວ ຮັບປະກັນຖືກຕາມຄວາມຄືບໜ້າ, ບັນລຸຄຸນນະພາບເປັນຢ່າງດີ.
(ແຫຼ່ງ​ຂໍ້​ມູນ​: ກປ.ອອນໄລ)
;

ຜູ່ອ່ານອາດຈະສົນໃຈ

反馈
全名 :
电子邮箱 :
内容 :
   
 
 
 
 
   
Mobile
TieuDe
安全码 :  
发送
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll