ໄມຕີຈິດອັນດູດດື່ມ ນ້ຳໃຈມິດຕະພາບໄວໜຸ່ມຫວຽດນາມ - ລາວ

23:39 2019/08/07

ໃນຊຸມມື້ຜ່ານມາ, ຄະນະຊາວໜຸ່ມນະຄອນຫຼວງຮ່າໂນ້ຍ ໄດ້ປະຕິບັດຫຼາຍກິດຈະກຳ ອາສາສະໝັກ ທີ່ມີຄວາມໝາຍ ແລະ ແທດກັບຕົວຈິງ ຢູ່ເມືອງໄຊທານີ (ນະຄອນຫຼວງວຽງຈັນ, ສປປລາວ) ເພື່ອເສີມສ້າງຄວາມສາມັກຄີ ຂອງສາຍພົວພັນມິດຕະພາບຫວຽດນາມ - ລາວເວົ້າລວມ ແລະ ສາຍພົວພັນມິດຕະພາບທີ່ເປັນມູນເຊື້ອລະຫວ່າງຊາວໜຸ່ມ ສອງປະເທດເວົ້າສະເພາະ.

ສະມາຊິກສະຫະພັນຊາວ ໜຸ່ມ ນະຄອນຫຼວງຮ່າໂນ້ຍມອບ ຂອງຂວັນທຸກປະເພດ ໃຫ້ສະຫະພັນຊາວໜຸ່ມ ລາວ. (ພາບ: nhandan.com.vn)

ການເຄື່ອນໄຫວ ອາສາສະໝັກ ຂອງສະຫະພັນຊາວໜຸ່ມນະຄອນຫຼວງຮ່າໂນ້ຍ ໄດ້ໄຂທີ່ໂຮງຮຽນປະຖົມ Napock, ເມືອງໄຊທານີ (ນະຄອນຫຼວງວຽງຈັນ, ປະເທດລາວ).

ທີ່ພິທີ, ຄະນະຊາວໜຸ່ມ ນະຄອນຫຼວງຮ່າໂນ້ຍໄດ້ມອບໃຫ້ ອຳນາດການປົກຄອງ ແລະ ປະຊາຊົນເມືອງໄຊທານີ ບັນດາກິດຈະການ ຊາວໜຸ່ມ ກໍ່ສ້າງ ແລະ ສ້ອມແປງ ຫ້ອງຮຽນ 2 ຫ້ອງ ລວມມູນຄ່າ 100 ລ້ານດົ່ງ; ກໍ່ສ້າງຫ້ອງນ້ຳ  2 ຫ້ອງ ລວມມູນຄ່າ 30 ລ້ານດົ່ງ; ທຶນການສຶກສາ 20 ທຶນ.

ຄະນະອາສາສະໝັກໄວໜຸ່ມນະຄອນຫຼວງຮ່າໂນ້ຍ ລົງມືກໍ່ສ້າງກິດຈະກໍາຊາວໜຸ່ມຢູ່ໂຮງຮຽນປະຖົມສຶກສາ Napock. (ພາບ: tuoitrethudo.com.vn)

ນອກຈາກນັ້ນ, ຄະນະອາສາສະໝັກ ໄດ້ເຂົ້າຮ່ວມນຳສະຫະພັນຊາວໜຸ່ມ ນະຄອນຫຼວງວຽງຈັນ ແລະ ສະຫະພັນຊາວໜຸ່ມ ເມືອງໄຊທານີ ເພື່ອເລີ່ມຕົ້ນວຽກງານຊາວໜຸ່ມດັ່ງກ່າວ ທີ່ໂຮງຮຽນປະຖົມ Napock. ພ້ອມກັນນັ້ນ, ບັນດາທ່ານໝໍໜຸ່ມ ຂອງຫວຽດນາມໃນຄະນະຊາວໜຸ່ອາສາສະໝັກ ກໍ່ໄດ້ລົງກວດກາ ແລະ ປິ່ນປົວພະຍາດໃຫ້ແກ່ຊາວເມືອງ ແລະ ເດັກນ້ອຍເມືອງໄຊທານີຫຼາຍຮ້ອຍຄົນ.

ປະຊາຊົນທ້ອງຖິ່ນ ແລະ ຊາວໜຸ່ມ ຫຼາຍຮ້ອຍຄົນເຂົ້າຮ່ວມໃນການກວດ ແລະ ປິ່ນປົວພະຍາດ, ແຈກຢາຍຢາໂດຍບໍ່ເສຍຄ່າ. (ພາບ: nhandan.com.vn)

ນີ້ແມ່ນປີທີ 11 ລຽນຕິດຕໍ່ກັນ, ສະຫະພັນຊາວໜຸ່ມ ນະຄອນຮ່າໂນ້ຍ ຈັດຕັ້ງການເຄື່ອນໄຫວອາສາສະໝັກ ຢູ່ນະຄອນຫຼວງວຽງຈັນ. ນອກຈາກການເດີນທາງອາສາສະໝັກປະຈຳປີນີ້, ສອງສະຫະພັນຊາວໜຸ່ມ ຂອງສອງປະເທດ ກໍ່ໄດ້ຈັດຕັ້ງປະຕິບັດການຮ່ວມມື ແລະ ແລກປ່ຽນໂຄງການຕ່າງໆເປັນປະຈຳ.

ບັນດາຮູບພາບການເຄື່ອນໄຫວຂອງຊາວໜຸ່ມອາສາສະໝັກ ຫວຽດນາມ ຢູ່ ລາວ ຄືດັ່ງຕໍ່ໄປນີ້:

ຄະນະທ່ານໝໍອາສາສະໝັກຂອງນະຄອນຫຼວງຮ່າໂນ້ຍ ກວດພະຍາດຢູ່ເມືອງໄຊທານີ. (ພາບ: tuoitrethudo.com.vn) 

ບັນດາ ສະມາຊິກຂອງສະຫະພັນຊາວໜຸ່ມ ນະຄອນຮ່າໂນ້ຍໄດ້ ເຕັ້ນລຳ ແລະ ຮ້ອງເພງກັບເດັກນ້ອຍຊາວໜຸ່ມ ເມືອງໄຊທານີ. (ພາບ: tuoitrethudo.com.vn) 

ບັນດາສະມາຊິກ, ຊາວໜຸ່ມ ນະຄອນຫຼວງຮ່າໂນ້ຍ ເຂົ້າຮ່ວມການແຕ້ມພາບຂະໜາດໃຫຍ່ ດ້ວຍຫົວຂໍ້ "ການພົວພັນມິດຕະພາບແບບພິເສດຫວຽດນາມ - ລາວ". (ພາບ: tuoitrethudo.com.vn) 

ຄຳຮຸ່ງ
;

同类别新闻