ຮອງລັດຖະມົນຕີ ກະຊວງການຕ່າງປະເທດ ຕ້ອນຮັບການເຂົ້າ ຢ້ຽມອໍາລາ ຂອງກົງສຸນໃຫຍ່ ແຫ່ງ ສສ.ຫວຽດນາມ ທີ່ ນະຄອນປາກເຊ

16:06 2018/08/16

ໃນວັນທີ 15 ສິງຫາ 2018, ທີ່ກະຊວງການຕ່າງປະເທດ, ທ່ານ ນາງ ຄໍາເພົາ ເອີນທະວັນ ຮອງລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ ທ່ານ ດາວ ວັນ ຮຽວ, ກົງສຸນໃຫຍ່ ແຫ່ງ ສສ.ຫວຽດນາມ ທີ່ ນະຄອນປາກເຊ ແຂວງຈໍາປາສັກ, ໃນໂອກາດສໍາເລັດການປະຕິບັດໜ້າທີ່ການທູດຢູ່ ສປປ ລາວ.

ຮອງລັດຖະມົນຕີ ກະຊວງການຕ່າງປະເທດ ຕ້ອນຮັບການເຂົ້າ ຢ້ຽມອໍາລາ ຂອງກົງສຸນໃຫຍ່ ແຫ່ງ ສສ.ຫວຽດນາມ ທີ່ ນະຄອນປາກເຊ
 ທ່ານຮອງລັດຖະມົນຕີ ກະຊວງການຕ່າງປະເທດ ຄໍາເພົາ  ເອີນທະວັນ ຕ້ອນຮັບການເຂົ້າຢ້ຽມອໍາລາຂອງ  ທ່ານ ດາວ ວັນ ຮຽວ, ກົງສຸນໃຫຍ່ ແຫ່ງ ສສ.ຫວຽດນາມ. 

ໃນໂອກາດນີ້, ທ່ານຮອງລັດຖະມົນຕີ ຄໍາເພົາ  ເອີນທະວັນ ໄດ້ສະແດງຄວາມຍິນດີຕ້ອນຮັບ  ແລະ ສະແດງຄວາມຊົມເຊີຍ ຕໍ່ ທ່ານ ດາວ ວັນ ຮຽວ  ທີ່ໄດ້ສໍາເລັດການ ປະຕິບັດໜ້າທີ່ດ້ວຍ ໝາກຜົນອັນຈົບງາມ  ຕະຫລອດໄລຍະເວລາ 3 ປີກວ່າ(ແຕ່ເດືອນພຶດສະພາ  ປີ 2015-ເດືອນສິງຫາ ປີ 2018),  ຊຶ່ງໄດ້ປະກອບສ່ວນຢ່າງຕັ້ງໜ້າ  ເຂົ້າໃນການພົວພັນ ຮ່ວມມືໃນຫລາຍໆ ດ້ານ  ລະຫວ່າງ ສປປ ລາວ ແລະ ສສ.ຫວຽດນາມ  ພິເສດ ແມ່ນລະຫວ່າງບັນດາແຂວງພາກໃຕ້ຂອງລາວ  ທີ່ທ່ານຮັບຜິດຊອບ ເຊັ່ນ: ແຂວງຈໍາປາສັກ,  ອັດຕະປື, ເຊກອງ ແລະ ສາລະວັນ ກັບ 18  ແຂວງ-ນະຄອນ ຂອງຫວຽດນາມ,  ໂດຍສະເພາະ ແມ່ນປະກອບສ່ວນຊຸກຍູ້ ເພື່ອຍົກສູງການພົວພັນຮ່ວມມື ກັບບັນດາແຂວງແຮກສ່ຽວ  ໃຫ້ໄດ້ຮັບຜົນສໍາເລັດຢ່າງຕໍ່ເນື່ອງ  ແລະ ໄດ້ສະແດງຄວາມ ຊົມເຊີຍ  ທ່ານກົງສຸນໃຫຍ່ ຕໍ່ຜົນງານ ການປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບ,  ການຮ່ວມມືເພື່ອການພັດທະນາ ຂອງ ສປປ ລາວ ໃນໂອກາດສະເຫລີມສະຫລອງ ປີສາມັກຄີມິດຕະ ພາບ ລາວ-ຫວຽດ ນາມ, ຫວຽດ ນາມ-ລາວ 2017 ຜ່ານມາ.

ພ້ອມນັ້ນ, ທ່ານຮອງລັດຖະມົນຕີ  ກໍໄດ້ສະແດງຄວາມເຊື່ອໝັ້ນວ່າ  ພາຍຫລັງ ທ່ານກົງສຸນໃຫຍ່ ກັບຄືນປະເທດ  ກໍຈະສືບຕໍ່ຊຸກຍູ້ ແລະ ໃຫ້ການຮ່ວມມືກັບ  ທ່ານກົງສຸນໃຫຍ່ ຜູ້ໃໝ່ທີ່ຈະມາປ່ຽນແທນ  ເພື່ອເພີ່ມທະວີ ຮັດແໜ້ນສາຍພົວພັນຮ່ວມມືມິດຕະພາບອັນຍິ່ງໃຫຍ່ ຄວາມສາມັກຄີພິເສດ ລະຫວ່າງ ສອງປະເທດ ລາວ-ຫວຽດນາມ, ຫວຽດນາມ-ລາວ ໃຫ້ນັບມື້ແໜ້ນແຟ້ນ ຍິ່ງໆຂຶ້ນ.  ດ້ວຍຜົນສໍາເລັດ ອັນຈົບງາມຂອງການເຄື່ອນໄຫວ ໜ້າທີ່ການທູດຂອງ ທ່ານ ດາວ ວັນ ຮຽວ, ພັກ-ລັດ ແຫ່ງ ສປປ ລາວ  ໄດ້ມອບຫຼຽນກາມິດຕະພາບໃຫ້ແກ່ ທ່ານ ດາວ ວັນ ຮຽວ ຢ່າງສົມກຽດ.

ໃນໂອກາດດັ່ງກ່າວນີ້, ທ່ານ ກົງສຸນໃຫຍ່  ດາວ ວັນ ຮຽວ ກໍໄດ້ສະແດງຄວາມຂອບໃຈຕໍ່  ທ່ານຮອງລັດຖະມົນຕີ ຄໍາເພົາ ເອີນທະວັນ  ທີ່ສະຫລະເວລາໃຫ້ກຽດຕ້ອນຮັບ ການເຂົ້າຢ້ຽມອຳລາໃນຄັ້ງນີ້,  ພ້ອມທັງໄດ້ສະແດງຄວາມຂອບໃຈ ຕໍ່ລັດຖະບານ ສປປ ລາວ ກໍຄື  ກະຊວງການຕ່າງປະເທດ ທີ່ໄດ້ເອົາໃຈໃສ່ໃຫ້ການຮ່ວມມືຊ່ວຍເຫລືອ ໃນການປະຕິບັດໜ້າທີ່ການທູດຂອງ ທ່ານ  ຕະຫລອດໄລຍະເວລາ 3 ປີ ກວ່າຜ່ານມາ ແລະ ຫວັງວ່າ ລັດຖະບານ ສປປ ລາວ ຈະສືບຕໍ່ໃຫ້ການຮ່ວມມື  ແລະ ອໍານວຍຄວາມສະດວກ ໃຫ້ແກ່ຜູ້ທີ່ຈະມາຮັບໜ້າທີ່ແທນທ່ານຕໍ່ໄປ  ເພື່ອພ້ອມກັນສືບຕໍ່ພັດທະນາ ສາຍພົວພັນ ອັນເປັນ ພິເສດ ລະຫວ່າງ ສອງພັກ,  ສອງລັດ ແລະ ປະຊາຊົນສອງຊາດ ໃຫ້ຈະເລີນງອກງາມຍິ່ງໆຂຶ້ນ.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll