ຮ່ວມມືໃນການສົ່ງເສີມການຜະລິດ ແລະ ບໍລິໂພກຜະລິດຕະພັນໝາກໄມ້

11:32 2019/05/28

ໃນວັນທີ 26 ພຶດສະພາ ຜ່ານມາທີ່ນະຄອນຫຼວງວຽງຈັນ ໄດ້ມີພິທີເຊັນສັນຍາຮ່ວມມື ລະຫວ່າງ ບໍລິສັດໄພບູນການຄ້າຂາອອກ-ຂາເຂົ້າຈຳກັດ ແລະ ສະຫະກອນຫງອກລານ ສສ ຫວຽດນາມ ກ່ຽວກັບການສົ່ງເສີມຮ່ວມມືການຜະລິດ ແລະ ບໍລິໂພກຜະລິດຕະພັນໝາກໄມ້ ໂດຍໃຫ້ກຽດເຂົ້າຮ່ວມຂອງທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ, ມີແຂກຖືກເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ຮ່ວມມືໃນການສົ່ງເສີມການຜະລິດ ແລະ ບໍລິໂພກຜະລິດຕະພັນໝາກໄມ້
ພິທີເຊັນສັນຍາ.(ພາບ:pasaxon.org.la)

 

ເພື່ອເປັນການປະກອບສ່ວນສົ່ງເສີມ ແລະ ຊຸກຍູ້ໃຫ້ປະຊາຊົນບັນດາເຜົ່າຢູ່ແຂວງຫົວພັນ ເວົ້າລວມ,  ເວົ້າສະເພາະ ແມ່ນປະຊາຊົນບັນດາເຜົ່າຢູ່ເມືອງຊຽງຄໍ້, ເມືອງສົບເບົາ ແລະ ເມືອງວຽງໄຊ ເຂົ້າຮ່ວມຂະບວນການສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການແກ້ໄຂຄວາມທຸກຍາກຂອງປະຊາຊົນ ແນໃສ່ເຮັດໃຫ້ຊີວິດການເປັນຢູ່ຂອງປະຊາຊົນຫຼຸດພົ້ນອອກຈາກຄວາມດ້ອຍພັດທະນາເປັນກ້າວໆ. ຮ່ວມລົງນາມຄັ້ງນີ້ຕາງໜ້າບໍລິສັດໄພບູນການຄ້າຂາອອກ-ຂາເຂົ້າຈຳກັດແມ່ນທ່ານ ນາງ ແສງດາວ ບຸພະກອນຄຳ ປະທານສະພາບໍລິຫານບໍລິສັດໄພບູນການຄ້າຂາອອກ-ຂາເຂົ້າ ແລະ ຕາງໜ້າ ສະຫະກອນຫງັອກລານ ແມ່ນທ່ານ ຫງວຽນຫງອກ ຢຸ້ງ ປະທານສະພາບໍລິຫານຜູ້ອຳນວຍການສະຫະ ກອນຫງັອກລານ. 

ຈຸດປະສົງການເຊັນສັນຍາດັ່ງກ່າວເພື່ອເປັນການຊື້-ຂາຍ ແລະ ນຳເຂົ້າປະເພດພືດກະສິກຳຕົ້ນໄມ້ກິນໝາກຈາກແຂວງເຊິນລາ ສສ ຫວຽດນາມມາໃຫ້ປະຊາຊົນຢູ່ເມືອງຊຽງຄໍ້,ເມືອງສົບເບົາ ແລະ ເມືອງວຽງໄຊ ແຂວງຫົວພັນ ຊຶ່ງສະຫະກອນຫງອກລານເປັນຜູ້ຕອບສະໜອງແນວພັນຕົ້ນໄມ້ກິນໝາກໃຫ້ແກ່ບໍລິສັດໄພບູນການຄ້າຂາອອກ-ຂາເຂົ້າຈຳກັດ ພ້ອມທັງຂົນສົ່ງແນວພັນຕົ້ນໄມ້ກິນໝາກໃຫ້ຮອດບັນດາບ້ານຂອງແຕ່ລະເມືອງທີ່ເປັນສະຖານທີ່ປູກຕົ້ນໄມ້ໃຫ້ໝາກ ແລະ ສະຫະກອນຫງັອກລານເປັນຜູ້ຮັບຊື້ຜົນຜະລິດຄືນ, ໂດຍແນວພັນຕົ້ນໄມ້ມີທັງໝົດ ຈຳນວນ 100.000 ຕົ້ນ ໃນນັ້ນຕົ້ນໝາກມ່ວງ 30.000 ຕົ້ນ, ໝາກລຳໄຍ 30.000 ຕົ້ນ ແລະ ໝາກພຸກ 40.000 ຕົ້ນ. 

ສຳລັບດ້ານເຕັກນິກ ແລະ ການຝຶກອົບຮົມຕ່າງໆແມ່ນສະຫະກອນຫງອກລານເປັນຜູ້ຖ່າຍທອດຄວາມຮູ້ດ້ານເຕັກນິກ, ວິຊາການ ແລະ ຝຶກອົບຮົມໃຫ້ປະຊາຊົນເລີ່ມແຕ່ຂັ້ນຕອນການປູກ, ການປົກປັກຮັກສາຈົນເຖິງເວລາເກັບໝາກ ແລະ ສະຫະກອນຫງອກລານເປັນຜູ້ຮັບຊື້ຈາກປະຊາຊົນ, ໂຄງການດັ່ງກ່າວແມ່ນມີຜົນປະໂຫຍດໃນການແກ້ໄຂຊີວິດການເປັນຢູ່ຂອງປະຊາຊົນບັນດາເຜົ່າທີ່ດຳລົງຊີວິດຢູ່ເມືອງຊຽງຄໍ້, ເມືອງສົບເບົາ ແລະ ເມືອງວຽງໄຊ ແຂວງຫົວພັນ ທັງນີ້ເປັນການພັດທະນາຊີວິດການເປັນຢູ່ຂອງປະຊາຊົນໃຫ້ຫຼຸດພົ້ນອອກຈາກຄວາມທຸກຍາກເປັນກ້າວໆ ແລະ ທັງເປັນການເສີມຂະຫຍາຍສາຍພົວພັນຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມໃຫ້ມີບາດກ້າວໃໝ່ຂື້ນເລື້ອຍໆ. 

 

(ແຫຼ່ງ​ຂໍ້​ມູນ​: pasaxon.org.la)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll